fbpx
Գլխավոր ՇՓՈՒՄ ԳԵՂԵՑԻԿԻ ՀԵՏ ՊՈԵԶԻԱ Սևակի թարգմանություններից – Վ. Մայակովսկի «Վարտիքավոր ամպը» պոեմ, մաս 3

Սևակի թարգմանություններից – Վ. Մայակովսկի «Վարտիքավոր ամպը» պոեմ, մաս 3

ՄԱՍ 1

ՄԱՍ 2

Ներքևի հարկում սվաղն է պոկվում:

Նյարդեր՝
պուճուրիկ
ու մեծ –
բազմաթիվ,
ցատկում են, ոստնում, թռչում մոլեգնած, –
և ահա արդեն ծալվում են, թեքվում
ծնկները հոգնած:

Իսկ սենյակիս մեջ գիշերն է անվերջ իր տիղմը թափում, –
ծանրացած աչքս չի կարողանում իրեն դուրս քաշել
տղմից վատամիտ:

Դռներն են հանկարծ այնպես կափկափում,
ասես չի բռնում խեղճ հյուրանոցի ատամն ատամին:

Եվ դու ներս մտար
խիստ, ինչպես «մտեք»՝
լլկելով զամշե ձեռնոցըդ:
Եվ դու
ասացիր.
«Գիտե՞ք,
գնում եմ մարդու»:
Է՛հ, դե ի՜նչ արած գնացե՛ք:
Ոչի՜նչ:
Ուժ կառնեմ արագ:
Տեսե՛ք՝
հանգիստ եմ,
հանգիստեմ… ինչպես մեռածի երակ:

Հիշո՞ւմ եք արդյոք:
Դուք ասում էիք.
«Դրա՛մ,
Ջե՛կ Լոնդոն,
սե՛ր,
կի՛րք, գոհանա՜լ»:
Իսկ ես գիտեի.
դուք՝ Ջիակոնդա –
այն նկարն եք, որ պիտի գողանալ:

Եվ գողացա՜ն էլ:

Նորի՛ց սիրահար՝
հոնքերիս ծալքում ցոլանք ու կրակ,
ես ինձ կնետեմ խաղի մեջ մոլի:
Ի՜նչ արած.
չէ՞ որ նաև այն տան մեջ,
որը դարձել է հրդեհի ճարակ,
երբեմն ապրում է անտուն շըրջմոլիկ:
Գրգռում եք ինձ.
«Ձեր խելառության թանկ զմրուխտները քիչ են ավելի,
քան կոպեկները խեղճ մուրացկանի դատարկ բռանը»:

Հիշե՛ք.
մատնըվեց Պոմպեյն ավերի,
երբ գրգռեցին Վեզուվ լեռանը:

Է-հե՜յ,
պարոննե՛ր,
դուք սիրահարներ
սրբապղծությա՛ն,
սպանդանոցի՛,
ծանր հանցանքի՛:
Տեսե՞լ եք արդյոք
ահավորներից մեծ ահավորը,
և գիտեք ո՞րը.
իմ դեմքը,
երբ նա
բացարձակապես լինում է հանգիստ:

Սրտիցս ինչ-որ բան –
և համառաբար –
դուրս գալ է ուզում՝
շատ լավ զգալով,
որ իմ իսկ «ես»-ը քիչ է ինձ համար:

Այդ ո՞վ է խոսում:
Այդ ո՞վ է:
Allo!
Դո՞ւ մամա՛,
մամա՛:

Մամա՛,
ձեր տղան չքնաղ հիվանդ է:
Հիվանդությո՜ւնը:
Կարծեմ սրտային… սրտային հրդեհ:
Ասեք քույրերիս՝
Օլյա-Լյուդային,
որ ինչ անելն իսկ չգիտի արդեն:
Ամե՛ն մի բառը,
և մինչև անգամ իր հանաքները,
որ նա որձկում է բերան-հնոցից,
ճողոպրում են դուրս,
ինչպես մերկանդամ անառակները՝
կրակի տված պոռնկանոցից:

Երթևեկները իրենց մռութներով
հոտոտում են և –
առնում են հոտըճենճերող մսի:
Ու հավաքում են պսպղուն մարդկանց
սաղավարտներով:
Այս հրշեջներին ասեք ա՛յն մասին,
թե քնքշա՜նք է պետք –
հո չի կարելի վառվող սրտի մեջ՝
սապոգներ հագած կոպիտ ոտներով:
ես ի՛նքըս, ի՛նքըս
իմ արտասվալից աչքերի խորքից
ջուր կքաշեմ դուրս տակառ առ տակառ
և վառվող սիրտս ինքս կթրջեմ:
Միայն մի թողեք մարդ իր կողերին կռնթի ու կառչի:
Ես դո՛ւրս կթռչեմ: Ես դո՛ւրս կթռչեմ: Ես դո՜ւրս կթռչեմ:
Նրանք փուլ եկան:
Սեփական սրտից, չէ՜, դուրս չե՛ս թռչի:

Շուրջ բոլոր այրվող իմ դեմքի վրա
ճեղքը շրթերիս
խանձված-ածխացած մի համբույրիկ է շտապ առաքում:

Մամա՛,
չեմ կարող ես երգել հիմա.
սրտիս ժամատան երգչադասին էլ հուրն է ճարակում:

Ինչպես որ վառվող տնից են փախչում խեղճ բալիկները,
այդպես էլ թռչում են հիմա իմ գանգից
բոլորշի այրված խոսք ու թվերի պատկերիկները:
Հենց այսպես ահա սարսափն ստիպեց,
որ «Լուզիտանիա»-ն* վառվող ձեռքերով կառչի երկնքից:

Դողահար մարդկանց,
նրանց մշտադորր կացարան-որջին
նավամատույցից հազար գլխանի մի հրացոլք է
նետվում ընդառաջ:
Այն մասին, որ ես
այրվում եմ այսպես,
գոնե դարերին արտահառաչիր
դու՝ ճի՛չ իմ վերջին,
իմ վերջի՛ն հառաչ:

(Շարունակելի)

* Մարդատար շոգենավ, որ ականահարվեց գերմանական սուզանավից և այրվեց ծովում 1915թ. գարնանը:

կարդացեք նաև

Կենդանակերպի նշաններ, ովքեր կարող են հաղթահարել ցանկացած փորձություն

Կարիճ Բարդ իրադրությունում հայտնվելով՝ Կարիճները երբեք իրենց չեն կորցնում։ Նրանք վայրկենապես ելք են գտնում իրավիճակից։ Կենդանակերպի այս նշանի ներկայացուցիչները երբեք չեն խուսափում խնդիրներից, ընտրում են...

ԹԵՍՏ․ Միայն փայլուն գիտելիքների տեր մարդիկ կարող են հավաքել 10/10՝ ընդհանուր գիտելիքների այս թեստում

Մենք հետևում ենք վիճակագրությանը և նկատել ենք, որ մեր ընթերցողների մեծամասնությանը շատ են դուր գալիս ընդհանուր զարգացվածության թեստերը: Դրանք հետաքրքիր են, թույլ են տալիս...

Ինչպե՞ս են վիրավորանքները փոխում մեր ուղեղի կառուցվածքը

Բանավոր ծաղրանքը հանգեցնում է մարմնի և մտքի միջև հավասարակշռության կորստի: Ցավ հնարավոր է պատճառել ոչ միայն բռունցքներով, այլև նաև բառերով: Այսպես կոչված «բանավոր բռնությունը» կարող...

Կենդանակերպի նշաններ, որոնք սեր և կյանքի ընկեր են գտնում բավական հասուն տարիքում

Աստղաբանությունը ունակ է շատ բաների, օրինակ՝ կանխատեսել, շո՞ւտ, թե՞ ուշ կհանդիպեք ձեր կյանքի երկրորդ կեսին: Սերը նման է ազարտային խաղի: Երբեմն բախտը բերում է երիտասարդ...

Ինտելեկտուալ ԹԵՍՏ․ Դժվարին թեստ, որ կարող են անցնել միայն իրապես գիտակ մարդիկ

Ներկայացնում ենք մեր հերթական ինտելեկտուալ, բազմագիտակության թեստը: Հարցերը հեշտերից չեն և դրանց կարող են պատասխանել իրապես գիտելիքներ ունեցող մարդիկ: Ի՞նչ եք կարծում, դուք կկարողանա՞ք...