Գլխավոր ԻՄ ՍՏԵՂԾԱԾԸ ԽԱՌԸ ՄՏՔԵՐ Շրջագայություն մարդկային սավաննայով կամ ուժեղի մոտ միշտ էլ թույլն է մեղավոր

Շրջագայություն մարդկային սավաննայով կամ ուժեղի մոտ միշտ էլ թույլն է մեղավոր

Կյանքը դա մի մեծ սավաննա է, իսկ մարդիկ էլ կամ գիշատիչ, կամ գիշատչի զոհ: Այս կյանքում մարդ անընդհատ պարտավոր է ուժեղ լինել, պարտավոր է զգոն լինել, այլապես կարող է խժռվել մեկ ուրիշի կողմից:

Կյանքը պայքար է…

Այնպիսի ժամանակներ են, որ զգացմունքի, անսահման սիրո արտահայտումը տղամարդու կողմից կնոջը, այդ նույն կնոջ կողմից կարող է դիտվել, որպես թուլություն: Եվ ինչու՞ միայն այդ կնոջ կողմից, շրջապատող մարդկանց կողմից դա նույնպես դիտվում է թուլություն:

Հուսաատվա՞ծ ես, թևաթափ եղա՞ծ: Չփորձվես հանկարծ ինչ որ մեկին ցույց տալ՝ առավել ևս պատմել դրա մասին: Քեզ լուռ կլսեն, բայց միևնույնն է չեն հասկանա ու կրկին կմտածեն, որ դու թույլ մարդ ես: Իսկ այս դաժան կյանքը դա նույն աֆրիկյան սավաննան է՝ գիշատիչները փնտրում են զոհին և հենց զգում են, որ դիմացինը թույլ է՝ անմիջապես խժռում են նրան: Եվ մարդկային հասարակությունը ոչնչով չի տարբերվում կենդանական աշխարհից, որքան էլ դա կոպիտ հնչի: Եվ անկախ ինտելեկտից և բանականությունից մարդկանց բարքերը ոչնչով չեն տարբերվում կենդանականից: Մարդը նույն կենդանին է, նա նույնպես բնության մի մասնիկն է և դուրս է եկել նույն բնությունից՝ հետևաբար չի կարող նա էականորեն տարբերվել մնացած շնչավորներից:

Հաճախ տղամարդիկ սրտնեղում ու նեղանում են կանանցից նրա համար, որ այժմյան կանանց մեծ մասը որպես զուգընկեր, որպես կյանքի երկրորդ կես ընտրում է հարուստ տղամարդկանց: Իսկ կանայք բնականաբար չեն համաձայնվում: Բայց մի փոքր խորը վերլուծութան դեպքում հասկանալի է դառնում, որ կինը այստեղ մեղավոր չէ և չեն համաձայնում միայն այն պատճառով, որ նրանք ընտրում են ենթագիտակցորեն կամ այսպես ասած գենային մակարդակով: Այս ամենի մեղավորը այն սկզբնական մատերիան է, որից առաջացել են Երկիր մոլորակի բոլոր շնչավոր արարածները: Ուշադիր հետևե՛ք կենդանական աշխարհին: Այնտեղ հիմնականում էգերը տրվում են ուժեղ, բոլորին հաղթող որձերին, որպեսզի իրենց սերունդները այդ որձից ժառանգեն ուժն ու զորությունը:

Իսկ մարդկանց համար այսօր դրամը ուժ և զորություն է, անսահման իշխանություն: Եվ հետևաբար կանայք ընտրում են այդ ուժն ու զորությունը իրենց սերունդների հաջող ժառանգության համար:

Մի՞թե կպնդեք, որ մարդն ու կենդանիները իրար նման չեն:

Չեմ բացառում, որ դու կարող է իրականում ուժեղ մարդ լինես, սակայն շատ զգացմունքային: Եվ կարող է, որ դու սիրում ես արտահայտել քո զգացմունքները: Եվ սիրելով հանդերձ՝ գեղեցիկ խոսքեր ես շռայլում քո սիրելիին, անչափ նուրբ ու քնքուշ ես մոտենում նրան: Սխա՛լ  է… հազար անգամ սխալ: Առյուծը կարողանում է և մլավել և մռնչալ, բայց մլավոցով երբեք ուժդ չես ցույց տա: Հետևաբար փորձե՛ք միշտ ցույց տալ ձեր ուժը անկախ ձեր զգացմունքների առատությունից: Երբե՛ք չմլավեք, այլ մռնչացե՛ք, մռնչացե՛ք, որքան որ ուժ ունեք և այդ դեպքում և ձեր սիրելին և ձեզ շրջապատող մարդիկ կսկսեն է՛լ ավելի լրջորեն մոտենալ ձեզ և հետևաբար է՛լ ավելի շատ հարգել:

Պատահական չէ, որ շատ հաճախ կարելի է ականատես լինել, որ աղջիկը ոչ մի կերպ չի կարողանում սիրել տղային, թեկուզ ներքուստ նա դա ուզում է, որովհետև այդ տղան շատ քնքշորեն է վերաբերում իրեն և հանկարծ սիրահարվում է մի բիրտ, կոպիտ, անզգացմունք մի տղայի: Ու հետո մտածում է, թե ինչու՞ սիրահարվեցի: Նորից այդ սկզբնական մատերիան է այս ամենի պատճառը…

Հիշե՛ք ցուցաբերած թեկուզ մեկ թուլությունը կարող է անդարձելի հետևանք ունենալ ձեր կյանքի վրա: Ցուցաբերած թեկուզ մեկ թուլության դեպքում կարող են ձեզ խժռել, կամ լավագույն դեպքում վտարել իրենց շարքերից, ինչպես որ առյուծներն են վտարում իրենց պրայդներից թույլերին:

Ընդմիշտ բանտարկեք Ձեր մեջ զգացմունքները և հնարավորինս քիչ ցուցադրեք դրանք…

Եղե՛ք Ձեր պրայդի ամենաուժեղ առյուծը:

Այսպիսի եզրակացության եմ եկել իմ ապրած 34 երկար տարիների ընթացքում: Միգուցե դուք չհամաձայնվեք ինձ հետ, բայց հավատացեք, որ այս ամենին ես հանգել եմ՝ դրանք զգալով իմ սեփական մաշկի վրա:

Հետևությունները թողնում եմ Ձեզ:

Загрузка…

կարդացեք նաև

ԹԵՍՏ. Հայերենում տարածված սխալներ։ Կկարողանա՞ք նշել ճիշտ տարբերակները

Հայերենում շատ են տարածված ոճաբանական թերացումներն ու ուղղագրական սխալները։ Մեր այսօրվա թեստը վերաբերում է հենց ոճաբանական և ուղղագրական սխալներին։ Կկարողանա՞ք բերված երկու տարբերակներից նշել ճիշտ...

«Եթե կինը ցանկանա՝ ժայռի միջով էլ կանցնի»։ 35 ասացվածք, որոնք կարող էին ծնվել միայն Ճապոնիայում

Ճապոնացի ժողովրդի իմաստություններից։ Ճապոնական մշակույթը մոլորակի ամենայուրատեսակ մշակույթներից մեկն է։ Նրբաճաշակ, ներդաշնակություն բնության հետ, նրբագեղ պարզություն, բնական, զուսպ՝ ահա այս ժողովրդի հիմնական փիլիսոփայական սկզբունքները։ Նրանցից...

ԹԵՍՏ․ Լա՞վ եք հիշում բեստսելլերների անվանումները

Չնայած նրան, որ վերջին ժամանակներս ընթերցանությունը դարձել է բավական նորաձև զբաղմունք, նրանք, որոնք իրոք հասկանում են գրականությունից՝ մինչև հիմա շատ քիչ են: Օրինակ կարո՞ղ...

Արգելքի տակ: Բաներ, որ կանայք պետք է դադարեն անել հարաբերություններում

Շատ տղամարդիկ ուշադրություն չեն դարձնի այն կնոջ վրա, ով անինքնավստահ է և անընդհատ բարդույթավորվում է իր արտաքինի համար: Շատ կանայք շատ ավելորդ բաներ են...

Կենդանակերպի նշանների 10 սկզբունքները

Բնավորությունների տեսակների բազմազանության հետ մեկտեղ, յուրաքանչյուր Կենդանակերպի նշան ունի իր չբարձրաձայնվող օրենքների և սկզբունքների հավաքածուն։ Ընդհանրացված և հումորային տարբերակով դրանք այսպիսի տեսք ունեն. Խոյ 1․Ավելի լավ...