Երբեմն իրականությունը մեզ մատուցում է անակնկալներ, որոնք թվում են անհավանական և նույնիսկ առեղծվածային: Ահա մի քանի պատմություններ անհավանական զուգադիպությունների մասին, որոնք դժվար է բացատրել:

Չմոռանաք բաժանորդագրվել մեր Telegram ալիքին:

1. Ծննդյան պահից բաժանված երկվորյակները հանդիպեցին 39 տարի անց

Օհայոյի երկու երկվորյակներ ծնվելու պահից բաժանվել են և որդեգրվել տարբեր ընտանիքների կողմից: Երկու տղաներին էլ անվանել են Ջիմ, և ինչպես պարզվեց, նրանց կյանքն ապշեցուցիչ նման էր։ Երկուսն էլ ունեին Թոյ անունով շուն, ամուսնացան Լինդա անունով կանանց հետ, հետո ամուսնալուծվեցին և նորից ամուսնացան Բեթթի անունով կանանց հետ: Երկուսն էլ իրենց որդիներին տվել են Ջեյմս Ալան անունը։ Այս զարմանալի զուգադիպությունները հայտնաբերվեցին, երբ նրանք հանդիպեցին 39 տարի անց:

2. Էդգար Ալան Պոյի ճակատագրական գիրքը

Էդգար Ալան Պոյի գրքերից մեկը՝ «Պատմություններ Նանթաքեթի Արթուր Գորդոն Փիմի արկածների մասին», պատմում է չորս նավաբեկված նավաստիների մասին, ովքեր ողջ են մնում՝ ուտելով իրենց անձնակազմի ընկերոջը՝ Ռիչարդ Փարքերին: Գրքի հրապարակումից մի քանի տարի անց իսկական նավը վթարի է ենթարկվում, և ողջ մնացած նավաստիները նույնպես ուտում են իրենց ընկերոջը՝… Ռիչարդ Փարքեր անունով։

3. Կայծակի մահացու հարվածներ

1899 թվականին Էդմունդ Սեյֆորդ անունով մի մարդ մահանում է կայծակի հարվածից, երբ կանգնած էր իր ծնողների տան մոտ: Ուղիղ 30 տարի անց նույն վայրում կայծակի հարվածից մահանում է նրա որդին։ Եվս 30 տարի անց Էդմունդի թոռը կրկին մահանում է կայծակի հարվածից՝ կանգնած նույն տեղում։

Կարդացեք նաև՝ 8 առեղծվածային փաստ հնագույն տեխնոլոգիաների մասին, որոնք մեզ համար մինչ հիմա անհասկանալի են մնում

4. Եղբայրները մահանում են նույն օրը

2002թ.-ին Ֆինլանդիայից երկու եղբայր երկու ժամվա տարբերությամբ մահացան ճանապարհատրանսպորտային պատահարներից։ Մի եղբորը՝ 71-ամյա տղամարդուն, բեռնատարը վրաերթի ենթարկեց, երբ նա հեծանիվ էր վարում: Երկու ժամ անց նրա 73-ամյա եղբայրը զոհվեց առաջին վթարի վայրից 1,5 կիլոմետր հեռավորության վրա մեկ այլ բեռնատարի հետ բախման արդյունքում։

5. Թութանհամոնի մումիայի անեծքը

Երբ 1922 թվականին հայտնաբերվեց Թութանհամոնի գերեզմանը, այն հետազոտողները սկսեցին մահանալ առեղծվածային հանգամանքներում: Առաջինը լորդ Կարնարվոնն էր, ով մահացավ արյան վարակումից, որն առաջացել էր մոծակի խայթոցից։ Շուտով արշավախմբի մյուս անդամները սկսեցին մահանալ։ Ընդհանուր առմամբ, գերեզմանի հայտնաբերման հետ կապված մոտ 20 մարդ մահացավ մի քանի տարվա ընթացքում, ինչն էլ տեղիք տվեց մումիայի անեծքի մասին խոսակցություններին:

Այս պատմությունները ստիպում են մեզ մտածել, թե որքան անկանխատեսելի և առեղծվածային կարող է լինել մեր կյանքը: Թերևս դրանք հիշեցնում են, որ երբեմն ճակատագիրը մեզ հետ խաղում է այնպիսի խաղեր, որոնք մենք չենք կարող հասկանալ։