Գլխավոր ՇՓՈՒՄ ԳԵՂԵՑԻԿԻ ՀԵՏ ՀԱՅԱՍՏԱՆ Գրիգոր Նարեկացի - Մատյան Ողբերգության

Գրիգոր Նարեկացի – Մատյան Ողբերգության

ԲԱՆ Ա

Ի ԽՈՐՈՑ ՍՐՏԻՑ ԽԱՒՍՔ ԸՆԴ ԱՍՏՈՒԾՈՅ

Ա

Ձա՜յն հառաչանաց հեծութեան ողբոց սրտից աղաղակի
Քեզ վերընծայեմ, տեսողդ գաղտնեաց,
Եւ մատուցեալ եդեալ ի հուր թախծութեան անձին տոչորման
Զպտուղ ըղձից ճենճերոյ սասանեալ մտացս՝
Բուրվառաւ կամացս առաքել առ քեզ։
Այլ հոտոտեսցի՛ս, հայեսցի՛ս, գթած,
Քան ի պատարագն բոլորապտուղ,
Մատուցեալ ծխոյն բարդութեան։
Ընկա՛լ զսակաւամասնեայ յաւդուածս բանից՝
Քեզ ի հաճութիւն և մի՛ ի բարկութիւն։
Ելցէ՛ ի խորոց աստի զգայութեանց խորհրդակիր սենեկիս՝
Վաղվաղակի ժամանել առ քեզ՝
Կամաւորական նուէր բանական զոհիս,
Ողջակիզեալ զաւրութեամբ ճարպոյ,
Որ յիսն է պարարտութիւն։
Եւ ի դնելս իմ ընդ քեզ դատ՝ խառնեալ աղերսիւ, հզաւր,
Մի՛ իբրև զհամբարձումն ձեռաց ամբարշտեալն Յակոբու,-
Ըստ բողոքելոյն Եսայեայ,-
Եւ զանիրաւութիւնն Բաբելոնի
Տաղտկալի քեզ երևեսցի,
Զոր առակ ևթանասներորդի երկրորդի սաղմոսին ազդէ,
Այլ իբր զբուրեալ խունկն հաճոյական՝ ի խորանին Սելովայ,
Զոր Դաւիթն կանգնեալ նորոգեաց
Տապանակին հանգստեան, ի գերութենէն դարձելոյ,
Որ ի վերստին գիւտ կորուսեալս հոգւոյ առակի,
Ընդունելի՛ կամաց քոց լիցի։

Բ

Բայց քանզի ձայնդ ահաւոր դատաստանիդ հատուցման,
Ուժգինս հնչեցեալ ի ձորն վրէժխնդրութեան,
Կրկինս ինձ երկնէ մարտից յարուցմունս՝
Այժմէն գուշակեալ շարժմունս յուզմանց ներհակականաց,
Որ յիմումս անձին ցուցանի,
Խռովութիւնս ամբոխից՝
Հարեալք ընդ միմեանս զէն առ սուսեր,
Խորհրդոցն հոյլք չարեացն ընդ բարիսն,
Եւ գերեալ զիս ի մահ, ըստ հին դիպուածոյն,
Որ նախ քան զշնորհին ժամանելն առ իս,
Զոր ընտրեալն առաքելականացն դասուց Պաւղոս,
Աւրինակ առեալ զՄովսէս,
ԶՔրիստոսի փրկութիւնն յաղթող ցուցանէ։
Վասն զի թէ՝ Մերձ է աւր Տեառն, որպէս Գիր ասէ,
Ի հովիտն անձուկ ասպարիսին Յովսափաթու
Եւ հեղեղատին Կեդրոնի՝
Փոքր հանդիսարանացն իրաւանց ժամադրութեանց,
Որ կենցաղականաւ այսր յաւիտենիւ
Զհանդերձելոցն ինձ կերպաւորեն,
Ապա ևս յաւէտ մերձեցաւ ի վերայ իմ
Արքայութիւնն Աստուծոյ մարմին եղելոյ՝
Մեծապէս գտեալ զիս առիթ վնասուց բազմաց տոկոսեաց՝
Զանազան մասանց յանդիմանողաց ճշմարտապատմից,
Քան զձեռին նորին վերակացումն անդ ուրեմն երբեմն
Ի հարուածսն եդոմայեցւոց և փղշտացւոց
Եւ այլոց բարբարոս ազգաց։
Քանզի այն ընտրութիւն ամաւք չափեցաւ,
Իսկ պատուհաս իմումս պարտուց
Առանց աւարտման ունի զսահման։
Ահ, գուբ և որոգայթ անճողոպրելի,
Ըստ մարգարէին և առակողին,
Տագնապաւ մեծաւ առ դուրս ինձ հասեալ,
Զամաւթն մշտնջենաւոր աստէն գծագրեն։
Զոր միայն քո է հրաշագործել
Պտուղս դեղոց ի հնարս կենաց՝
Ամենավարան տարակուսանաց հոգւոց վտանգից, քաւիչ ամենայնի,
Գովեալ ի փառս անճառս անսահմանելի բարձրութեան
Յաւիտեանս յաւիտենից։
Ամէն։
――――――――――――

Загрузка…

կարդացեք նաև

Ինչպես են վիրավորվում Կենդանակեպի տարբեր նշանները

Նախապես իմանալով թե տարբեր իրավիճակում ինչպես իրեն կդրսևորի այս կամ այն Կենդանակերպի նշանը՝ կարելի է խուսափել տարբեր պրոբլեմներից և իմանալ, վրեժխնդիր կլինի՞ արդյոք այդ...

ԹԵՍՏ․ Կկարողանա՞ք հավաքել թեկուզ 9/13 ընդհանուր գիտելիքների այս թեստում

Դե ի՞նչ ընկերներ, հետաքրքրացնե՞նք մեր միապաղաղ օրերը հետաքրքիր թեստով: Եթե Ձեզ մոտ ազատ րոպե է հայտնվել, եկեք ստուգենք Ձեր բազմակողմանի զարգացվածությունը: Մեկ թեստում մենք...

Մարզասարքեր մետրոյում և պաղպաղակով սենդվիչներ․ փաստեր Սինգապուրի մասին, որոնք Ձեզ կզարմացնեն

Սինգապուրը կղզի-քաղաք-հանրապետություն է, որը համարվում է աշխարհի ամենահարուստ և թանկարժեք երկրներից մեկը: Զբոսաշրջիկի համար այստեղ ամեն ինչ զարմանալի է և անսովոր՝ սկսած քաղաքային անհվանական...

Ձեր առաքելությունն ու կարման ըստ ծննդյան ամսաթվի

Գիտակցել սեփական առաքելությունը կօգնի մեր կարմային հորոսկոպը: Իսկ գիտե՞ք, որ ծննդյան ամսաթիվը ուղղակի ամսաթիվ չէ: Յուրաքանչյուր մարդ աշխարհ է գալիս, որպեսզի իր մասին ինչ-որ բան...

IQ որոշող ԹԵՍՏ

Չնայած հասարակական կարծիքին, IQ մակարդակը ոչ այդքան ցույց է տալիս ինֆորմացիան հիշելու ունակությունը, որքան դա վերլուծելը: Հենց այդ պատճառով IQ և մտածելակերպի զարգացվածություն որոշող...