Բոլորս էլ գիտենք, որ տարբեր բույսեր օգնում են հարստացնել տունը թթվածնով։ Եվ որքան շատ բույս տան մեջ, այնքան ավելի լավ մեր առողջության համար։ Ներկայացնում ենք Ձեզ 5 սենյակային բույսեր, որոնք ամենաշատն են թթվածին արտադրում։ Ավելորդ չի լինի դնել դրանք պատուհանագոգին։

1. Քլորոֆիտում

Այս բույսը շատ լավ է մաքրում օդը տարատեսակ աղտոտվածությունից, իհարկե, նաև հարստացնելով այն թթվածնով։ Այս բույսը շատ հոգածություն չի պահանջում, այդ պատճառով լավ է իրեն զգում յուրաքանչյուր միջավայրում։ Քլորոֆիտումը ամենից լավ իրեն զգում է պատուհանագոգին, երբ նրա վրա արևի լույս է ընկնում։ Այն պետք է ջրել պարբերաբար և հաճախակի ցողել։

2. Գլոկսինիա

Այս գեղեցիկ ծաղիկը, ի շնորհիվ իր թավշե թերթիկների, որը իր մեջ մեծ քանակությամբ քլորոֆիլ է պարունակում, շատ լավ է վերամշակում ածխաթթու գազը՝ վերածելով այն թթվածնի։ Այս ծաղիկը ուշադիր հոգածություն է պահանջում։ Ծաղկելուց հետո Գլոկսինիային հանգստի ժամկետ է պահանջվում։ Եթե տեսնում եք, որ բույսի վերին մասը հետզհետե սկսում է մահանալ՝ պետք չէ անհանգստանալ, դա բնական ռեակցիա է։ Որպեսզի Գլոկսինիան ծաղկի կլոր տարին, նրա համար պետք է կազմակերպել հավելյալ լուսավորություն։

3. Սանսեվիերիա

Սա ամենա ոչպահանջկոտ բույսերից մեկն է, որը նաև մեծ քանակությամբ թթվածին է արտադրում։ Սանսեվիերիան իրեն հրաշալի է զգում ինչպես հով, այնպես էլ տաք սենյակում, ընդորում, չնայած նա լուսասեր է, սակայն կարող է աճել նաև մութ սենյակում։ Նաև այն հաճախակի ջրման կարիք չի զգում։

4. Դիպսիս

Դիպսիսը նաև անվանում են «Արեկայի արմավենի»։ Եթե որոշել եք ունենալ այս բույսից, ապա ավելի լավ է գնել մեծահասակ բույս, քանի որ հակառակ դեպքում բույսը կարող է չապրել տնային պայմաններում։ Դիպսիսը իրեն լավ է զգում լուսավոր և տաք սենյակներում, որտեղ չկան միջանցիկ քամիներ։ Որպեսզի այս «արմավենու» տերևները չդեղնեն, այն հարկավոր է հաճախակի ցողել։

5. Գիրուկ

Սա բոլորին հայտնի փողային ծառն է։ Այն կա գրեթե յուրաքանչյուր տանը կամ գրասենյակում, քանի որ բոլորովին քմահաճ չէ։ Գիրուկին կարելի է ոչ հաճախ ջրել, նաև այն անտարբեր է ջերմաստիճանային պայմանների և լուսավորության հանդեպ։ Միակ բանը որ պետք է հիշել՝ եթե Ձեր փողային ծառի տերևները սկսել են կարմրել, ապա պետք է բույսը տեղափոխել դեպի ստվեր։

^{Աղբյուրը՝ marketium.ru}