Կան մարդիկ, որոնք վիճում են, դուրս տալիս կուտակված զայրույթն ու մեկ ժամ անց արդեն չեն էլ հիշում, թե ինչից սկսվեց ամեն ինչ։ Բայց կան նաև կենդանակերպի 6 նշան, որոնց ներկայացուցիչները կարող են միանգամայն հանգիստ ասել՝ «Ոչինչ, անցած լինի», շարունակել զրույցը և… մտքում ևս մեկ վիրավորանք գրանցել ձեր հաշվին։
Կենդանակերպի յուրաքանչյուր նշան վիրավորանքին յուրովի է արձագանքում։ Մեկը մեծ աղմուկ է բարձրացնում, մյուսն ընդմիշտ հեռանում է իրեն վիրավորած մարդու կյանքից, իսկ երրորդը համբերատար սպասում է հարմար պահի՝ հիշեցնելու, որ իրականում ոչինչ էլ չի մոռացել։
♏ Կարիճ
Եթե Կարիճին իսկապես վիրավորել եք, մի՛ ակնկալեք, որ նա արագ կմոռանա կատարվածն ու կների ձեզ։ Նա կարող է տեսարաններ չսարքել և նույնիսկ միանգամայն հանգիստ պահել իրեն, բայց վիրավորանքը երկար կհիշի։
Կարիճները հատկապես ծանր են տանում դավաճանությունն ու դիտավորյալ սուտը։ Ընդ որում, պարտադիր չէ, որ նրանք բացահայտ վրեժ լուծեն։ Երբեմն նրանց համար բավական է պարզապես մարդուն ընդմիշտ ջնջել իրենց կյանքից։ Իսկ եթե որոշեն պատասխանել, ամենայն հավանականությամբ, կհարվածեն հենց ամենացավոտ տեղին։
♋ Խեցգետին
Խեցգետինները կարող են մեղմ ու վիրավորանքը հեշտությամբ մոռացող մարդկանց տպավորություն թողնել, բայց իրականում նրանք շատ լավ հիշողություն ունեն։ Հատկապես, երբ խոսքը վերաբերում է զգացմունքներին։
Խեցգետինը կարող է տարիներ անց հիշել հին վիրավորանքը՝ որտեղ է դա տեղի ունեցել, կոնկրետ ինչ եք ասել և նույնիսկ ինչ տոնով։ Ճիշտ է, նա սովորաբար բացահայտ վրեժ չի լուծում։ Փոխարենը կարող է սառը վերաբերվել, լռել, ցուցադրաբար հեռավորություն պահել և ասել իր հանրահայտ «Ամեն ինչ նորմալ է» արտահայտությունը, որից հետո պարզ է դառնում, որ իրականում ոչինչ էլ նորմալ չէ։
♉ Ցուլ
Ցուլը երկար է համբերում, բայց հենց այդ պատճառով էլ ավելի լավ է չփորձել պարզել, թե որտեղ է ավարտվում նրա համբերությունը։ Նա չի սիրում վեճեր և հազվադեպ է շտապում անմիջապես վրեժ լուծել։
Սակայն եթե որևէ մեկը վերջնականապես հայտնվել է նրա սև ցուցակում, նախկին հարաբերությունները վերականգնելը չափազանց դժվար կլինի։ Ցուլը կարող է ոչինչ չպարզաբանել, չվիճել ու ավելորդ դրամաներ չսարքել։ Նա պարզապես կդադարի ջանքեր գործադրել այդ հարաբերությունները պահպանելու համար։ Իսկ դա երբեմն շատ ավելի տհաճ է, քան աղմկոտ վեճը։
♌ Առյուծ
Առյուծին հատկապես հեշտ է վիրավորել, երբ հարցը վերաբերում է նրա արժանապատվությանը։ Անհարգալից վերաբերմունքը, հրապարակային նվաստացումը կամ նրան ծիծաղելի դրության մեջ դնելու փորձը գրեթե հաստատ շատ սառը արձագանքի կարժանանան։
Առյուծը կարող է շատ բան ներել, եթե զգա, որ դիմացինն իսկապես գիտակցել է իր սխալը։ Բայց եթե ներողություն չի հնչել, նա կարող է սկզբունքորեն որոշել՝ «Այսուհետ դու ինձ համար ոչ ոք ես»։ Իսկ մարդուն ցուցադրաբար անտեսելը Առյուծները երբեմն իսկական արվեստի են վերածում։
♑ Այծեղջյուր
Այծեղջյուրը պարտադիր չէ, որ վրեժ լուծի։ Նա ավելի հետաքրքիր տարբերակ ունի՝ պարզապես հետևություններ անել։
Լուրջ վիրավորանքից հետո նա կարող է դադարել վստահել այդ մարդուն, օգնել նրան կամ հաշվի առնել նրա շահերը։ Եվ այդ ամենը՝ առանց վեճերի ու աղմկոտ հայտարարությունների։ Մի օր դուք պարզապես կնկատեք, որ այն մարդը, որը նախկինում միշտ ձեր կողքին էր, հիմա հիանալի յոլա է գնում առանց ձեզ։
♍ Կույս
Կույսերը հազվադեպ են տրվում զգացմունքներին ու փորձում վրեժ լուծել, բայց փոխարենը հիանալի են հիշում բոլոր մանրամասները։ Ով ինչ է ասել, երբ է հուսախաբ արել և քանի անգամ է կրկնել նույն սխալը։
Եթե Կույսը որոշել է, որ մարդուն այլևս չի կարելի վստահել, նրան հակառակը համոզելը հեշտ չի լինի։ Նա կարող է նույնիսկ շարունակել միանգամայն քաղաքավարի շփվել, բայց նախկին վստահությունն այլևս չի լինի։ Իսկ երբեմն ընդամենը մեկ հանգիստ արտահայտությունն էլ բավական է, որպեսզի զրուցակցին հիշեցնի նրա վաղուց գործած սխալը։
Իսկ ովքե՞ր են վիրավորվում, բայց արագ անցնում առաջ
Սովորաբար վեճերն ամենահեշտը մոռանում են նրանք, ովքեր չեն սիրում երկար ժամանակ տհաճ զգացմունքների մեջ մնալ։ Նրանք կարող են բռնկվել, միանգամից ասել այն ամենը, ինչ մտածում են, իսկ մի քանի ժամ անց արդեն ձեզ հետ բոլորովին այլ թեմայով զրուցել՝ կարծես ոչինչ էլ չի եղել։
Բայց, իհարկե, մարդու բնավորությունը միայն կենդանակերպի նշանով չի որոշվում։ Իրական կյանքում շատ ավելի մեծ նշանակություն ունեն խառնվածքը, կենսափորձը, դաստիարակությունը և այն հանգամանքները, որոնց պատճառով առաջացել է վեճը։
Այնպես որ, եթե վերը նշված կենդանակերպի նշաններից մեկի ներկայացուցիչը ձեզ երբևէ ասել է՝ «Ես չեմ նեղացել», գուցե արժե ճշտել, թե որ թվականին կարող եք վերջապես այդ պատմությունը փակված համարել։
Գրանցվիր մեր 
