Յուրաքանչյուրիս կյանքում էլ լինում են դժվար ժամանակներ: Երբեմն դրանք կարող են տևել մի քանի օր, երբեմն շաբաթներ, երբեմն ամիսներ, նույնիսկ տարիներ: Պատճառները տարբեր են՝ ֆիզիկական կամ էմոցիոնալ տրավմաներ, վիշտ, դեպրեսիա, կոտրված սիրտ: Հնարավոր է նույնիսկ առանց որևէ տրամաբանական պատճառի Դուք շատ վատ զգաք՝ չցանկանաք գնալ աշխատանքի, չցանկանաք վեր կենալ անկողնուց: Իրոք շատ ծանր է:
Բայց դա նորմալ է: Դա նշանակում է ոչ ավելին, քան այն, որ դու մարդ ես: Եվ դա շատ դժվար է լինում:
Եթե այժմ Դուք գտնվում եք կյանքի այդ դժվար ժամանակահատվածում, ուրեմն Ձեզ կօգնեն հետևյալ խորհուրդները.
- Բաց թողեք հույզերը, կարող եք նույնիսկ լաց լինել:
- Մի վերցրեք Ձեզ վրա լրացուցիչ պարտականություններ, ավելի լավ է որոշ ժամանակով արձակուրդ վերցնել, կամ հնարավորության դեպքում տնից աշխատել: Մի խլեք Ձեզանից Ձեր ժամանակը:
- Այս ժամանակահատվածում քիչ պահանջեք ինքներդ Ձեզնից: Մի ակնկալեք ձեռքբերումներ: Թույլ տվեք Ձեզ հանգստանալ:
- Օգնություն խնդրեք՝ մայրիկից, ընկերոջից, սիրելի մարդուց, հոգեթերապևտից, ի վերջո:
- Զբոսնեք մաքուր օդում, քնեք օրվա մեջ առնվազն 7 ժամ, լոգանք ընդունեք, ճիշտ սնվեք, բավարար քանակությամբ ջուր խմեք:
- Կարդացեք ոգեշնչող պատմություններ այն մարդկանց մասին, որոնք հաղթահարել են այնպիսի դժվարություններ ու բարդ իրավիճակներ, որում այժմ Դուք եք գտնվում:
- Զբաղեցրեք ինքներդ Ձեզ հակասթրեսային ինչ որ զբաղմունքով՝ խոհանոց, նկարչություն և այլն:
- Էներգիա ծախսեք՝ մարզում, սպորտ, յոգա, լող, ամեն ինչ, որը կօգնի Ձեզ ֆիզիկապես հոգնել:
- Գրի առեք Ձեր զգացմունքները, օրագրում, բլոգում կամ պարզապես մի կտոր թղթի վրա:
- Նշեք այն լավագույն 20 բաները, որոնք Ձեր կյանքը գեղեցիկ են դարձնում:
- Նշեք այն 20 պատճառները, թե ինչու եք Դուք արժանի երջանկության:
- Երկար ժամանակ անցկացրեք բնության գրկում՝ լիցքավորվեք լեռների էներգիայով, կուտակված բացասականը պարզապես բաց թողեք ծովի ալիքների մեջ՝ զգալով Ձեզ տիեզերքի մի մասնիկը:
Գրանցվիր մեր 
