Խեցգետին ♋

Խեցգետինների համար հիշողությունը պաշտպանիչ պատյան է։ Նրանք հրաշալի հիշում են այն պահերը, երբ իրենց հուսախաբ են արել կամ դավաճանել, քանի որ ցավը նրանց մոտ թողնում է խորը, երկար ժամանակ չապաքինվող հետքեր։ Նրանց ինտելեկտը սերտորեն կապված է հիշողության հետ․ կյանքի փորձը դառնում է կա՛մ զենք, կա՛մ թաքստոց։ Խեցգետինները պահպանողական են, կապված են ընտանիքին և ավանդույթներին, ամաչկոտ են և զուսպ, իսկ զգացմունքները նրանց կյանքում կենտրոնական տեղ են զբաղեցնում։

Նախկինների հետ կապված՝ սա դրսևորվում է հատկապես սուր։ Ձայնը դառնում է հզոր հուզական ազդակ․ պատահաբար լսված ծիծաղը կամ հնչերանգը գործարկում են հիշողությունների մի ամբողջ կասկադ։ Խեցգետինները հակված են ամիսներով, իսկ երբեմն էլ տարիներով պահել ձայնային հաղորդագրությունները՝ վերադառնալով դրանց խոցելիության պահերին։ Նրանք շատ են վերլուծում անցյալը, մտքում պտտում երկխոսությունները, փնտրում թաքնված իմաստներ։ Բաց թողնելը դժվար է միայնության ուժեղ վախի պատճառով, որը հաճախ գերակշռում է ռացիոնալ փաստարկներին։ Տագնապային կապվածությունը ստիպում է Խեցգետնին նորից ու նորից հարց տալ՝ իրեն սիրե՞լ են արդյոք իրականում։

Կարիճ ♏

Կարիճն օժտված է բոլոր նշանների մեջ ամենաուժեղ հիշողություններից մեկով։ Նա ունակ է վերարտադրել երկխոսությունները տարիներ անց՝ հիշելով յուրաքանչյուր բառ և շարժում։ Այս ֆենոմենալ մանրամասնությունը Կարիճին դարձնում է հատկապես զգայուն կեղծիքի նկատմամբ. նա որսում է սուտը ձայնի հնչերանգից։

Հարաբերություններում նախկինի ձայնը Կարիճի համար վերահսկողության և անցյալի ճշմարտության ստուգման գործիք է։ Նրա կապվածությունը միշտ ինտենսիվ է՝ կա՛մ ամբողջությամբ, կա՛մ ոչինչ։ Կարիճը հարաբերություններն ապրում է որպես միաձուլում, որտեղ կարևոր են ազնվությունն ու հուզական ճշգրտությունը։ Բաժանումից հետո նա կարող է լռվել ավերման և ներքին վերածննդի ցիկլերում՝ նորից ու նորից վերադառնալով հիշողություններին։ Հիշողությունը դառնում է զենք՝ վիրավորանքները չմոռանալու և ինքն իրեն պաշտպանելու միջոց։ Կարիճի համար մոռանալ՝ նշանակում է դավաճանել սեփական խորությանը։ Իսկ մակերեսային բաժանում նրա համար պարզապես անհնար է։

Տես նաև՝ 💔 Ո՞ր ԿԵՆԴԱՆԱԿԵՐՊԻ նշաններն են ամենադժվարը տանում բաժանումը. բացատրում են աստղաբանները

Ցուլ ♉

Ցուլն օժտված է ուժեղ զգայական հիշողությամբ։ Նա հիշում է անցյալը նկարչի պես՝ ճշգրիտ, ծավալուն, զգացողությունների միջոցով։ Նրա հիշողությունները հաճախ կապված են երաժշտության, ձայների, շոշափելի զգացողությունների հետ։ Ցուլը վստահում է իր ներքին ընկալմանը և հենվում է զգացմունքների, այլ ոչ թե բառերի վրա։

Հարաբերություններում նա ստեղծում է ջերմության և անվտանգության տարածք։ Այդ պատճառով բաժանումից հետո նրան պակասում է ոչ այնքան մարդը, որքան մթնոլորտը։ Նախկինի ձայնը ասոցացվում է հարմարավետության, կայունության, հանգստության մարմնական զգացողության հետ։ Ցուլերը համառորեն պահպանում են հիշողությունները, նույնիսկ եթե դրանք ցավ են պատճառում։ Երաժշտությունն ու ձայնը միահյուսվում են՝ յուրաքանչյուր երգ դառնում է պատմություն։ Նրանք կարող են պահել խոսակցությունների ձայնագրությունները, երգացանկերը (փլեյլիստերը), նամակագրությունները՝ նյութականացնելով հիշողությունը։ Բաժանումը Ցուլը «մարսում» է դանդաղ՝ երբեմն տարիներով բաց չթողնելով անցյալը։

Ձկներ ♓

Ձկները ապրում են սեփական հուզական իրականության մեջ։ Նրանք զգայուն են, երազկոտ և հեշտությամբ են ենթարկվում ուրիշների ազդեցությանը։ Արտաքին հանգստությունը հաճախ թաքցնում է ներքին փոթորիկը։ Ձկները հակված են իդեալականացնել անցյալը, և նախկինի ձայնը դառնում է «իդեալական սիրո» խորհրդանիշ։

Նրանց համար ձայնը պորտալ է դեպի ֆանտազիա։ Ձկները լսում են ոչ թե իրականությունը, այլ իրենց մեկնաբանությունը՝ ինչպե՞ս կարող էր լինել, եթե բառերը հնչեին այլ կերպ։ Նրանք ստեղծում են այլընտրանքային սցենարներ՝ ներկայից փախչելով դեպի հիշողություններ։ Ձայնը դառնում է թաքստոց ցավից և անորոշությունից։ Առաջանում է կախվածություն ոչ թե մարդուց, այլ պատրանքից։ Նման նոստալգիան կարող է ինքնակործանարար լինել՝ խանգարելով տեսնել բաժանման իրական պատճառները։ Ձկների ինտուիցիան հաճախ վիճում է հիշողության հետ՝ ստեղծելով ներքին կոնֆլիկտ։