Արհեստական բանականությունը (AI) կարողանում է գրել կոդեր, նկարել տիեզերանավեր և անգամ բանաստեղծություններ հորինել։ Բայց մենք որոշեցինք նրան տալ մի փոքր ավելի բարդ և զվարճալի առաջադրանք՝ պատկերացնել Երևանը։

Չմոռանաք բաժանորդագրվել մեր Telegram ալիքին:

Մենք խնդրեցինք AI-ին վերածել Երևանի հայտնի վարչական շրջանները իրական մարդկանց՝ հիմնվելով տարիներով ձևավորված կարծրատիպերի, այդ թաղամասերի էներգետիկայի և մթնոլորտի վրա։

Արդյունքը ստացվել է և՛ ծիծաղելի, և՛ զարմանալիորեն դիպուկ։ Տեսեք, թե ինչ տեսք կունենային Կենտրոնը, Մասիվը, Արաբկիրն ու «Բանգլադեշը», եթե նրանք մեր կողքով քայլող մարդիկ լինեին։

1. Կենտրոն՝ Գլամուրային «IT-girl»-ը

Նա միշտ շտապում է կա՛մ «Կասկադ», կա՛մ թանկարժեք սրճարան։ Նրա հագին միշտ վերջին թրենդի բրենդային հագուստ է, ձեռքին՝ սառը սուրճ (նույնիսկ ձմռանը), իսկ դեմքին՝ մի փոքր հոգնած, բայց ինքնավստահ արտահայտություն։ Նա ոտքով չի քայլում, նա տեղաշարժվում է միայն տաքսիներով։

2. Նոր Նորք (Մասիվ)՝ Դիմացկուն «սպորտային տղեն»

Քանի որ Մասիվում միշտ մի քանի աստիճան ավելի ցուրտ է, քան քաղաքի մյուս հատվածներում, այս կերպարը միշտ պատրաստ է եղանակային փոփոխություններին։ Նա հագնում է հարմարավետ սպորտային համազգեստ (հավանաբար՝ Adidas), պրակտիկ է, մի փոքր խոժոռ, բայց շատ կենսունակ ու ամուր։

3. Արաբկիր՝ Ինտելեկտուալ բիզնեսմենը

Արաբկիրը Կենտրոնի մի փոքր ավելի լուրջ և կայացած ավագ եղբայրն է։ Նա աշխատում է IT ոլորտում կամ ունի սեփական բիզնես։ Հագնվում է smart casual ոճով (պիջակ՝ ջինսերի հետ), սիրում է որակյալ կյանք, բայց խուսափում է ավելորդ աղմուկից։

Տես նաև՝ ԱՐՀԵՍՏԱԿԱՆ ԲԱՆԱԿԱՆՈՒԹՅՈՒՆԸ պատկերացրել է թե ինչպիսին կլինեին հայտնի սուպերհերոսները, եթե ՀԱՅ լինեին

4. Մալաթիա-Սեբաստիա («Բանգլադեշ»)՝ Էներգիայով լի տանտիկինը

Սա այն կինն է, ով հասցնում է ամեն ինչ՝ գնումներ անել տոնավաճառից, հոգալ ընտանիքի մասին և իմանալ թաղի բոլոր նորությունները։ Նա վառ է հագնված, ձեռքերում միշտ լիքը տոպրակներ կան, միշտ շարժման մեջ է, աղմկոտ է, բայց շատ ջերմ ու հյուրընկալ։

Ո՞ր կերպարն էր ամենադիպուկը

Իհարկե, սրանք ընդամենը զվարճալի կարծրատիպեր են, և իրականում բոլոր թաղամասերում էլ ապրում են ամենատարբեր մարդիկ։

Համաձա՞յն եք AI-ի պատկերացումների հետ: ֆեյսբուքում գրեք մեկնաբանություններում, թե որն էր ամենանմանը։