Շատ ծնողներ իրենց բալիկների համար օրորոցայիններ կամ պարզ մանկական երգեր են երգում՝ հիմնականում նրանց հանգստացնելու կամ քնելուց առաջ հարմարավետ մթնոլորտ ստեղծելու նպատակով: Սակայն ժամանակակից հետազոտությունները փաստում են, որ երաժշտական նման շփումը շատ ավելի մեծ օգուտ է տալիս, քան պարզապես երեխային հանգստանալուն օգնելը:
Չմոռանաք բաժանորդագրվել մեր Telegram ալիքին:
Երգելն ու համատեղ երաժշտական խաղերը խթանում են խոսքի վաղ զարգացումը, ձևավորում են ռիթմի զգացում և բարելավում հաղորդակցման հմտությունները: Գիտնականները նկատել են՝ այն նորածինները, որոնք ավելի լավ են ընկալում երաժշտական ռիթմը, խոսքային կառույցներն ավելի հեշտ են յուրացնում: Իսկ դա առանցքային նշանակություն ունի բառապաշարի հարստացման և հետագա շփման համար:
Փորձագետներն ընդգծում են՝ բոլորովին պարտադիր չէ ունենալ վոկալային տվյալներ կամ «ճիշտ» երգել: Ամենակարևորը երեխայի հետ կենդանի շփման բուն պրոցեսն է: Երգելը, ծափ տալը, ռիթմիկ շարժումներն ու ձայներով պարզ խաղերը. այս ամենն օգնում է փոքրիկին շրջապատող խոսքն ավելի խորը մակարդակով ընկալել:
Ինչպե՞ս է երաժշտությունն ազդում երեխայի լեզվամտածողության վրա
Քեմբրիջի համալսարանում անցկացված հետազոտությունները ցույց են տվել, որ երեխաները սկսում են հասկանալ լեզուն ռիթմի և հնչերանգի (ինտոնացիայի) միջոցով դեռ այն ժամանակ, երբ ի վիճակի չեն տարբերակել խոսքի առանձին հնչյունները: Երաժշտությունն օգնում է նորածիններին զգալ, թե որտեղ է ավարտվում մի բառը և սկսվում մյուսը, ընդ որում՝ դա տեղի է ունենում նույնիսկ մինչև նրանց խոսել սկսելը:
Կարդացեք նաև՝ Այս 5 առանձնահատկությունները երեխաները ժառանգում են միայն տատիկներից և պապիկներից. Դուք կզարմանաք
Երգերի ռիթմիկ կառուցվածքները նպաստում են նրան, որ երեխայի ուղեղը սովորում է հնչյունները վերածել ավելի իմաստալից միավորների: Ապագայում սա լեզվի ընկալման և խոսքի զարգացման ամուր հիմք է դառնում:
Բացի այդ, տանը երաժշտական միջավայրի առկայությունը, հատկապես ծնողների կանոնավոր երգելը, նպաստում է երեխայի կյանքի հենց առաջին տարում լեզվական հմտությունների և հաղորդակցման ժեստերի ավելի արագ զարգացմանը:
Կարևոր է հիշել. Խոսքն ամենևին էլ երաժշտության պրոֆեսիոնալ պարապմունքների մասին չէ: Երգել կարելի է առօրյա իրավիճակներում՝ խաղալիս, հագուստը փոխելիս կամ քնեցնելիս: Նույնիսկ եթե կարծում եք, որ երաժշտական լսողություն չունեք, միևնույնն է, ձեր ձայնն ամենակարևոր ու արժեքավոր հնչյունն է փոքրիկի համար:
Օգտագործեք մանկական ոտանավորներ, երգեր, դիմախաղ և շարժումներ. այս ամենը շփումը դարձնում է հուզականորեն ավելի հագեցած և օգնում է երեխային շատ ավելի արագ յուրացնել խոսքը:
Գրանցվիր մեր 
