fbpx
Գլխավոր ՇՓՈՒՄ ԳԵՂԵՑԻԿԻ ՀԵՏ ՊՈԵԶԻԱ Վլադիմիր Վիսոցկի - Տղեք նամակ գրեք

Վլադիմիր Վիսոցկի – Տղեք նամակ գրեք

Ներկայացնում ենք Վլադիմիր Վիսոցկու բանաստեղծություններից մեկը.

ՏՂԵՐՔ ՆԱՄԱԿ ԳՐԵՔ

Առաջին սրոկիս չդիմացա, տղե՛րք.
Էլի մի չորս տարի կբաշխեն ինձ հաստատ…
Մի՛ մոռացեք, դուք ինձ մեկ-մեկ նամակ գրեք՝
Ինչ կա չկա էդտեղ՝ աշխարհում ձեր ազատ:

Ի՞նչ եք էդտեդ խմում: Մենք՝ համարյա ոչինչ,
Մերը ջուրն է մենակ, երբ որ ձյունն է հալվում…
Ամեն ինչի մասին հերթով գրեք դուք ինձ,
Թեև չէ՝ էստեղ կարգին մի բան չի կատարվում:

Թե իմանաք՝ ո՜նց եմ ձեր կարոտը քաշում. –
Կտեսնե՞մ ձեր մունդռիկ մռութները էլի…
Ու՞մ հետ է Նադյուխան, ինձ արդեն չի՞ հիշում:
Մենա՞կ է: Ուրեմն, ասեք՝ ինքն էլ գրի:

էս վիճակ չի, իսկը՝ մի ահեղ դատաստան,
Ինձ բուժիչ, փրկարար մի նամակ ուղարկեք:
Կարող է՝ ձեր նամակն էդպես էլ ինձ չտան,
Բայց ոչի՛նչ, էդ ոչի՜նչ-դուք գրեք ինձ, տղե՛րք:
Ցավի մռո՜ւնչ է ու ցասման պոռթկո՜ւմ,
Կո՜չ է ձայնն այս թեժ, կա՜նչ ու ահազա՜նգ,
Ալեկոծ հոգու անտես բռնկո՜ւմ
Ու մաքրագործող աննյութ մի կրա՜կ:

Բախվում անզիջում, զարկում է անվերջ
Սուտ ու կեղծիքի անարգ պատերին
Ու արձագանքվում բյուր սրտերի մեջ`
Ոնց ճշմարտության, արդարության հիմն:

Բյուր հոգիներում ջնջում անխնա
Վախ ու քսության բացիլներ անթիվ,
Պղտոր մշուշն է ցրում հլության,
Դուրս քշում մթին ստվերներ խռիվ…

Տերն հեռացել է, բայց կա՜ ձայնը դեռ,
Ապրո՜ւմ է նրա բառերի կյանքով,
Ու պետք է դեռ մեզ ձայնը այս զորեղ`
Կրակված նրա խռով խոսքերով:

Պե՜տք է, քանզի մենք խաբված ենք
դարձյալ.
Ձիով է վարգում դեռ սուտն ամենուր,
Իսկ ճշմարտությունն` անտուն ու թափառ,
Դեգերում է մերկ` ընկած դռնեդուռ:

Եվ ասես պրկվում, պոռթկում նոր ուժով,
Հնչում է ձայնն այս ոնց հանուր բողոք.
«Ո՜չ, դեռ ամենն այս բանի նման չէ,
Ու ա՜յն չէ, ա՜յն չէ դեռևս ոչ ոք»:

էս ինչ բախտ է, տղե՛րք, պիտի տրվե՞ն էլ ինձ
Անլուսին գիշերներ ու օրեր լուսաթև:
Ազատությունս առան, հոգիս կործանեցին.
Հիմի էլ պոկեցին լարերն իմ արծաթե:
Ցավի մռո՜ւնչ է ու ցասման պոռթկո՜ւմ,
Կո՜չ է ձայնն այս թեժ, կա՜նչ ու ահազա՜նգ,
Ալեկոծ հոգու անտես բռնկո՜ւմ
Ու մաքրագործող աննյութ մի կրա՜կ:

Թարգմանությունը՝ Լևոն Բլբուլյան

Հրապարակման ներկայացրեց՝ Բյուզանդ Զաքոյանը

[infobox title=’Ուշադրություն’]Դուք նույնպես կարող եք հրապարակել Ձեր նյութը Mediamag.am-ում։ Նյութը հրապարակելու համար անցեք հետևյալ հղումով. [/infobox]

Դարձի՛ր հեղինակ, ստեղծի՛ր քո հաջողակ նյութը

կարդացեք նաև

Կենդանակերպի նշանների կանանց էմոցիոնալ տարօրինակությունները

Յուրաքանչյուր մարդ ունի տարօրինակություններ և դրանք դրսևորվում են նաև էմոցիոնալ առումով: Եվ այսպես, եկեք տեսնենք, թե Կենդանակերպի որ նշանի կինը ինչ էմոցիոնալ տարօրինակություններով է օժտված: ԽՈՅ Խոյը...

Հոգեբանական ԹԵՍՏ․ Լա՞վ եք ճանաչում Ձեզ, Ձեր բնավորության տեսակը

Այս հոգեբանական թեստը կբացահայտի Ձեր բնավորությունը՝ մարդկանց հետ շփման տեսակետից: Որպեսզի թեստը կարողանա առավելագույնս ճիշտ արդյունք տալ՝ հարկավոր է, որպեսզի դուք պատասխաններում լինեք առավելագույնս ազնիվ:...

Ինչ է պատմում մարդու մասին նրա ծննդյան օրը: Ուղիղ նշանակետին․․․

Ասա ինձ ամսի քանիսին ես ծնվել, իսկ ես կասեմ թե ով ես դու․․․ 1. «Համար մեկ»՝ սրանով ամեն ինչ ասված է: Սա ստեղծագործական, կրեատիվ, ինքնատիպ և...

Տիբեթյան հորոսկոպ: Իմացիր ճակատագիրդ 97% ճշգրտությամբ

Հորոսկոպը կազմված է տիբեթյան վաննականների կողմից 100-ավոր տարիներ առաջ. Տիբեթյան հորոսկոպը՝ դա գուշակության, թվագուշակության և աստղագուշակության յուրահատուկ խառնուրդ է: Տիբեթյան վանականների կողմից հարյուրավոր տարիներ առաջ ստեղծված...

Գիտելիքներ ստուգող ԹԵՍՏ․ Ոչ հեշտ հարցեր

Բազմակողմանի զարգացած մարդը հետաքրքրվում է ամեն ինչով՝  ճշգրիտ գիտություններով, պատմությամբ, գրականությամբ, գեղանկարչությամբ․․․ Իսկ դուք բազմակողմանի զարգացած մա՞րդ եք: Եկեք ստուգենք: Վերջում չմոռանաք սոցիալական ցանցերում արդյունքներով կիսվել...