Հարուստներն ավելի հարուստ են դառնում. Համաձայն Oxfam-ի վերջին տարեկան հաշվետվության՝ աշխարհի ամենահարուստ մարդկանց ընդհանուր կարողությունը ընդամենը 12 ամսում աճել է 13 տրիլիոն դոլարից մինչև 15 տրիլիոն դոլար, ինչը միլիարդատերերի ունեցվածքի երկրորդ ամենամեծ տարեկան աճն է այն պահից, երբ համաշխարհային բարեգործական կազմակերպությունը սկսել է հետևել տվյալներին, հայտնում է CNBC-ն։ .

Չմոռանաք բաժանորդագրվել մեր Telegram ալիքին:

Միայն անցյալ տարի հայտնվել են մոտ 204 նոր միլիարդատերեր՝ միլիարդատերերի ընդհանուր թիվը հասցնելով 2769-ի՝ 2023 թվականի 2565-ի փոխարեն։

«Ոչ միայն արագացել են միլիարդատերերի հարստության կուտակման տեմպերը, այլև նրանց հզորությունը»,-ասում է Oxfam International-ի գործադիր տնօրեն Ամիտաբ Բեհարը:

«Մենք այժմ հասել ենք մի նոր դարաշրջանի, մենք թևակոխել ենք միլիարդատերերի դարաշրջան»,-ասել է Ջենի Ռիքսը, Fight Inequality Alliance պաշտպանական խմբի գլխավոր քարտուղարը:

Կարդացեք նաև՝ Մատթևոսի էֆեկտը. Ինչո՞ւ են հարուստներն ավելի հարստանում, իսկ աղքատները՝ աղքատանում

Oxfam-ի զեկույցի հրապարակումից հետո աշխարհի ամենահարուստ մարդկանցից ոմանք կոչ են արել աշխարհի առաջատար տնտեսությունների ընտրված պաշտոնյաներին ավելի բարձր հարկեր սահմանել հասարակության ամենահարուստ անդամների վրա:

Դավոսի ամենամյա Համաշխարհային տնտեսական ֆորումին մասնակցող քաղաքական առաջնորդներին ուղղված բաց նամակում ավելի քան 370 միլիարդատերեր ասել են, որ ցանկանում են «պայքարել ավելորդ հարստության կործանարար ազդեցության դեմ»: Դա անելու համար «սկսեք ամենապարզ լուծումից՝ հարկեք մեզ՝ գերհարուստներին», ասվում է նամակում։

Աղբյուրը՝ NEWS.am STYLE