Միացյալ Արաբական Էմիրությունները պետություն է, որտեղ աշխարհիկ օրենսդրությանը զուգահեռ գոյություն ունեն իսլամի ազդեցությամբ ձևավորված նորմեր։ Մասնավորապես, տեղի բնակչությունը հետևում է կանոնների, որոնք հիմնված են մուսուլմանական սուրբ տեքստերի՝ Ղուրանի և Սուննայի վրա։ Այդ կանոնները ենթադրում են հարգանք կրոնական առաջնորդների և ընդհանուր առմամբ իսլամի նկատմամբ, ինչպես նաև համեստության, զսպվածության և հասարակական վայրերում միմյանց հանդեպ հարգալից վերաբերմունքի պահպանում։
Չմոռանաք բաժանորդագրվել մեր Telegram ալիքին:
ԱՄԷ-ի խոշորագույն քաղաքը Դուբայն է, որը կարելի է անվանել զբոսաշրջային մարգարիտ, քանի որ այնտեղ է գտնվում աշխարհի ամենաբարձր շինությունը՝ Բուրջ Խալիֆա երկնաքերը։ Եթե ցանկանում եք տեսնել աշխարհի այս ժամանակակից հրաշալիքը, ապա պետք է իմանաք, թե ինչ է արգելվում անել Դուբայում, ինչպես ճիշտ պահել ձեզ, ինչպես հագնվել և ինչն առհասարակ չի կարելի վերցնել ձեզ հետ։ Որոշ կանոններ կարող են տարօրինակ թվալ, սակայն դրանք խախտելու դեպքում կարելի է նախազգուշում կամ տուգանք ստանալ։ Բացառիկ դեպքերում՝ եթե իրավախախտումը ծանր է եղել, մարդուն կարող են արտաքսել (դեպորտացիայի ենթարկել)։
Ի՞նչ չի կարելի տանել Դուբայ
Սա այն առարկաների ցանկն է, որոնք արգելված է ներմուծել երկիր։ Բացի թմրանյութերից, զենքից և կեղծ դրամներից, ցուցակում ներառված են նաև.
- Գիշատիչ թռչուններ:
- Փղոսկր և դրանից պատրաստված իրեր:
- 18+ տեսարաններով կամ բռնություն պարունակող նյութեր, փաստեր, որոնք վիրավորում են իսլամը կամ պարունակում են քննադատություն ԱՄԷ իշխանությունների հասցեին:
- Գրքեր, լուսանկարներ, նկարներ, տպագիր հրապարակումներ, քանդակներ, ամսագրեր, որոնք հակասում են իսլամի նորմերին և վիրավորում են մուսուլմաններին:
- Դրամական միջոցների պատճեններ:
- Դեղամիջոցներ, որոնց բաղադրության մեջ կան հոգեմետ նյութեր՝ առանց համապատասխան թույլտվության/դեղատոմսի:
Ընթերցելով այս ցանկը՝ կարելի է հասկանալ, որ Դուբայում օրենքները զբոսաշրջիկների համար բավականին խիստ են, մասնավորապես՝ հանրության մեջ դրսևորվելու առումով։
Ի՞նչ չի կարելի կանանց և տղամարդկանց ԱՄԷ-ում
Ո՛չ կին, ո՛չ տղամարդ զբոսաշրջիկներին Դուբայում պարտադիր չէ կրել մուսուլմանների համար ավանդական հագուստ, սակայն ցանկալի է հագնվել այնպես, որ մարմնի մեծ մասը ծածկված լինի։
Ահա թե ինչ է արգելվում կանանց ԱՄԷ-ում.
- Չարժե կրել կարճ կիսաշրջազգեստներ (մինի), թափանցիկ զգեստներ, խորը բացվածքով (դեկոլտե) հագուստ։
- Չի կարելի հագնել հագուստ՝ հակամուսուլմանական կամ մարտահրավեր նետող բնույթի գրություններով։
- ԱՄԷ կրոնական օրենքները կին զբոսաշրջիկների համար նախատեսում են համեստության կանոններ․ լողափին չի կարելի լինել կրծքավանդակը բաց (թոփլես), իսկ լողազգեստ կրել թույլատրվում է միայն ակվապարկի կամ լողափի գոտում, ինչպես նաև հյուրանոցների լողավազաններում։
ԱՄԷ կառավարության պաշտոնական հարթակում ընդգծվում է, որ հասարակական վայրերում կտրականապես արգելված է մերկացման ցանկացած ձև։
Մզկիթ այցելելիս կանանց խնդրում են հարգել մուսուլմանական ավանդույթները և ծածկել գլուխը, օրինակ՝ գլխաշոր կրել։
Կարդացեք նաև՝ Ի՞նչ է արգելված անել Ամերիկայում։ ԱՄՆ-ի 13 անհեթեթ օրենքները
Կարելի՞ է արդյոք շորտեր հագնել Դուբայում
ԱՄԷ-ում շորտեր կրելու խիստ արգելք չկա։ Սակայն, ընդհանուր առմամբ, տեղի բնակչությունը շատ պահպանողական է, կրում է ավանդական հագուստ, որը ծածկում է մարմնի մեծ մասը, ուստի զբոսաշրջիկներից ակնկալում են զսպվածություն հագուստի հարցում։
Զբոսաշրջային գոտիներում կարելի է քայլել շորտերով և շապիկներով, իսկ մշակութային վայրեր, մզկիթներ և կառավարական կառույցներ այցելելիս ավելի լավ է նախապատվությունը տալ երկար տաբատներին։
Երկրի կառավարությունում ընդգծել են, որ զբոսաշրջիկների համար՝ թե՛ տղամարդկանց, թե՛ կանանց, կարող է հարմարավետ լինել ազատ հագուստը, որը փակում է ոտքերը, ձեռքերը և ուսերը։
Ինչը կտրականապես չի կարելի անել Դուբայում, դա աղմկոտ անկարգություններ սարքելն է, հայհոյելը, ցանկացած եղանակով ԱՄԷ-ի, նրա առաջնորդների կամ իսլամի նկատմամբ անհարգալից վերաբերմունք ցուցաբերելը։ Կառավարության տվյալներով՝ նման խախտումների համար հնարավոր են իրավական խնդիրներ և դեպորտացիա։
Բացի այդ, այս երկրում հանրության ներկայությամբ ցանկալի է միայն նվազագույնս դրսևորել զգացմունքները, այսինքն՝ ձեռք ձեռքի բռնած քայլել կարելի է, բայց ավելի լավ է հրաժարվել գրկախառնություններից կամ համբույրներից։
Ի՞նչ է արգելվում անել զբոսաշրջիկներին Դուբայում
Զբոսաշրջիկները հաճախ լուսանկարում են ամեն ինչ անխտիր, իսկ ԱՄԷ-ում այդպես վարվել չի կարելի, քանի որ լուսանկարների վերաբերյալ կան մի քանի արգելքներ։
- Չի կարելի նկարահանել որոշ կառավարական շենքեր։
- Բացի այդ, լուսանկարում չպետք է հայտնվեն ռազմական օբյեկտներ։
- Արգելված է նաև մարդկանց նկարահանումը՝ առանց նրանց թույլտվության։
Որոշ զբոսաշրջիկներ փորձում են պարզել, թե ինչու Դուբայում չի կարելի նկարահանել անձրևը, բայց իրականում դա առասպել է։ Տեղումները նկարահանելու արգելք չկա, սակայն ԱՄԷ-ում չի կարելի հետևել ինքնաթիռներին՝ լուսանկարել դրանք։
Եվս մեկ տարածված թյուր կարծիք կա Դուբայում հանգստի վերաբերյալ, իբր այնտեղ չի կարելի լողալ գիշերը։
Իրականում Դուբայի քաղաքապետարանն ընդլայնում է այն լողափերի քանակը, որտեղ կարելի է հանգստանալ շուրջօրյա․ հանգստի գոտիները կահավորում են լուսավորությամբ, այնտեղ կան փրկարարներ։ Եվ տեղական իշխանությունները զբոսաշրջիկներին խորհուրդ են տալիս գիշերը ջուրը մտնել միայն նմանատիպ անվտանգ լողափային գոտիներում։
Գրանցվիր մեր 
