fbpx
Գլխավոր ՇՓՈՒՄ ԳԵՂԵՑԻԿԻ ՀԵՏ ՊՈԵԶԻԱ Պարույր Սևակ - Ձյունը

Պարույր Սևակ – Ձյունը

Սիրում եմ ես ձյունը:
Սիրում եմ ես ձյունը,
Երբ նա իջնում է
Անտես երկինքներից այս մայթերին,
Եվ մեծաքա՜յլ , դանդա՜ղ դու շրջում ես,
Ինքդ էլ չիմանալով անրջում ես
Այն, ինչ կյանքով վեհ է և անթերի:

Սիրում եմ ես ձյունը:

Երբ նա իջնում է ,
Դու հիշում ես հանկարծ
Անցած տարիներիդ խայտանքը մանկական,
Եվ քաղցրորեն սիրտդ քեզ տանջում է:
Դու հիշում ես հանկարծ
Երբեք չմոռացված այն աղջկան,
Որի թարթիչներին իջած ձյունը
Լսելի է դարձել սրտիդ բաբախյունը…
Սիրում եմ ես ձյունը:

Երբ նա իջնում է,
Ինքդ էլ չիմանալով` անրջում ես,
Որ գալիքը, վաղը,որ ապագան
Քեզ չտեսած անգամ`
Ճանաչում է,
Եվ հաճույքից սիրտդ խենթորեն ուռչում է.
Քաղցր է թվում ,որ դու
Այս կյանքում չես ծնվել օրապակաս,
Որ ապրում ես,որ կաս,
Որ շնչում ես….

Սիրում եմ ես ձյունը:
Երբ նա իջել է,
Երբ իջել է նաև լռությունը,
Եվ մեծաքա՜յլ, դանդա՜ղ, լուռ շրջելով,
Դու զգում ես նրա փխրության վրա
Քո մարդկային մարմնի ծանրությունը:

կարդացեք նաև

Նոր տեսանյութ․ Ադրբեջանական զինտեխնիկայի հերթական խոցումները

ՊՆ մամլո խոսնակ Շուշան Ստեփանյանը ադրբեջանական զինտեխնիկայի խոցումների նոր տեսանյութ է հրապարակել․ https://www.facebook.com/shushanstepanyan/videos/3279801298722674/

Հակառակորդը, մեծ կորուստներից սարսափած, կիրառել է ծանր «ՏՕՍ» հրանետ. ՊՆ խոսնակը տեսանյութ է հրապարակել

ՊՆ խոսնակ Շուշան Ստեփանյանը ֆեյսբուքյան իր էջում տեսանյութ է հրապարակել այն մասին, թե ինչպես է հակառակորդը, մարդկային եւ զինտեխնիկայի մեծ կորուստներից սարսափած, այսօր ժամը...

Ունենք մոտ 200 վիրավոր. Արծրուն Հովհաննիսյան

Արծրուն Հովհաննիսյանը հայտնում է․ Ունենք մոտ 200 վիրավոր, 80 վիրավոր զինծառայող տեղափոխվել է Երևանի հոսպիտալներ և քաղաքացիական հիվանդանոցներ:

Գիշերվա ընթացքում շարունակված մարտերի ընթացքում ՊԲ-ն վերականգնել է նախկինում կորցրած մի շարք դիրքեր (տեսանյութ)

Գիշերվա ընթացքում ճակատային գծի հարավային, հարավ-արևելյան և հյուսիսային ուղղություններում շարունակվել են ինտենսիվ մարտական գործողությունները: Այս մասին հայտնում է Արցախի ՊԲ-ն։ ՊԲ-ի ստորաբաժանումների ձեռնարկած հակագրոհի արդյունքում...