Samsung ընկերությունը պաշտոնապես ներկայացրեց իր առաջատար սմարթֆոնի փոքրացված տարբերակը՝ Galaxy S4 mini -ն: Մոդելը ստացել է Super AMOLED 4.3 դյույմանոց էկրան qHD թողունակությամբ, 2 միջուկանի պրոցեսոր 1.7 ԳՀց հաճախականությամբ, 8ՄՊ հիմնական և 1.9ՄՊ դիմային կամերաներ: Galaxy S4 mini -ն համալրված է 1.5 Գբ օպերատիվ և 8 Գբ ներկառուցված հիշողություններով: Նաև microSD սլոտով, Bluetooth 4.0, Wi-Fi, GPS և NFC մոդուլներով, ակսելերատորով, լուսավորության և մոտեցման սենսորով: Նորույթի տեխնիկական բնութագիրը էականորեն զիջում է  Galaxy S4-ին, սակայն ծրագրային լուծումները հիմնականում մնացել են նույնը:  Galaxy S4 mini-ի չափսերն են՝ 125×61×8,9մմ և կշռում է՝ 108գ: Օպերացիոն համակարգն է Android 4.2.2 -ը: Կախված տարածաշրջանից, հասանելի կլինեն սարքի տարբերակներ LTE, 3G և երկու SIM-քարտանոց: Գինն ու վաճառքի սկիզբը առայժմ հայտնի չեն: