fbpx
Գլխավոր ՇՓՈՒՄ ԳԵՂԵՑԻԿԻ ՀԵՏ ՊՈԵԶԻԱ Համո Սահյան - Ես հարուստ էի

Համո Սահյան – Ես հարուստ էի

ib_p014_0_1Ես հարուստ էի։ Ես կարող էի
Իմ անհատնելի երազանքներով
Գնել յոթ երկինք ու տալ քեզ նվեր։
Բայց դու երկնքի կարիք չունեիր,
Քեզ լոկ մի կապույտ թաշկինակ էր պետք
Իմ կապույտ–կապույտ
Արտասուքները սրբելու համար։

Ես հարուստ էի։ Ես կարող էի
Իմ վերհուշերի անհուն պաշարով
Գնել աշխարհի ծովերը բոլոր
Ու տալ քեզ նվեր,
Բայց դա ծովերի կարիք չունեիր,
Քեզ հարկավոր էր լոկ մի հայելի՝
Մազերիդ վրա
Մատներիս մեղքը տեսնելու համար։

Ես հարուստ էի։ Ես կարող էի
Անվերջանալի իմ կորուստներով
Գնել Հարդագողն ու տալ քեզ նվեր։
Դու Հարդագողի կարիք չունեիր,
Քեզ լոկ մի խավոտ ուղեգորգ էր պետք՝
Վրան քանդակված
Իմ ոտնահետքը տեսնելու համար։

Ես հարուստ էի։ Ես կարող էի
Իմ անհատնելի տառապանքներով
Գնել յոթ աշխարհ,
Հայտնի և անհայտ մայրցամաքներով,
Ու տալ քեզ նվեր։
Դու մայրցամաքի կարիք չունեիր,
Քեզ մի ածու էր հարկավոր միայն
Իմ ցանած հերկը տեսնելու համար։

Ես հարուստ էի։ Ես կարող էի
Իմ անհատնելի հղացումներով
Գնել յոթ հազար հավիտենություն
Ու տալ քեզ նվեր։ Բայց դու, հիրավի,
Հավիտենության կարիք չունեիր,
Քեզ մի մեղրամիս, մի մեղրատարի
Եվ մի արծաթե հարսանիք էր պետք,
Քո բախտի վրա և ուսիդ վրա
Իմ հասնող ձեռքը տեսնելու համար։

Ես հարուստ էի։ Եվ թվում էր, թե
Ինձանից հարուստն աշխարհում չկա
Ու չի լինելու։
Բայց դու ինձանից հարուստ դուրս եկար,
Դու, անհատնելի իմ հարստություն:

կարդացեք նաև

video

«Պատկերացրու, ամեն առավոտ, երբ արթնանում ես, ՔԵԶ ՏԱԼԻՍ ԵՆ 86400 ԴՈԼԱՐ…» (տեսանյութ)

Մոտիվացնող և խորհելու տեղիք տվող մեջբերում Մարկ Լևի «Երկնքի և երկրի արանքում» գրքից․․․ Գրանցվիր մեր Telegram ալիքին։ Ուղարկում ենք միայն թարմ հոդվածները և ամենաառաջինը հենց Ձեզ:

5 ամենացրված կենդանակերպի նշանները

Նույնիսկ ամենապրակտիկ և կազմակերպված մարդիկ կարող են սխալվել և ինչ-որ բան մոռանալ, բայց երբ խոսքը վերաբերում է այս մարդկանց՝  ցրվածության մակարդակը կիլոմետր շառավղով դուրս...

ԹԵՍՏ բազմագիտակների համար․ Ցույց տվեք Ձեր գիտելիքների խորությունը

Ցույց տվեք Ձեր գիտելիքների խորությունը պատասխանելով այս թեստի ոչ այդքան հեշտ հարցերին: Վերջում չմոռանաք սոցիալական ցանցերում արդյունքներով կիսվել Ձեր ընկերների հետ: Գրանցվիր մեր Telegram ալիքին։ Ուղարկում ենք...

9 հոգեբանական հարց, որոնք կօգնեն ձեզ ուսումնասիրել մարդուն

Հավանաբար յուրաքանչյուրը թեկուզ մեկ անգամ կյանքում մնացել է զրուցակցի հետ խոհանոցում և մինչև ուշ գիշեր զրուցել փիլիսոփայական տարբեր թեմաների շուրջ: Այս երևույթն այսօր կոչվում...

ԹԵՍՏ․ Հայերենում տարածված սխալներ

Առօրյայում, սոցցանցերում, ամենուր մարդիկ հայերեն խոսելիս այնքան ոճաբանական և ուղղագրական սխալներ են սկսել անել: Եվ այդ սխալները օր-օրի ավելի ու ավելի են տարածվում: Հենց այդ...