Ներկայացնում ենք Րաֆֆու «Խենթը» գրքից մեջբերումների 2-րդ մասը։ 1-ին մասը կարող եք կարդալ այստեղ։
Մինչև խելացին կմտածե, խենթը գետից անց կկենա:
Խելացիների խելքը շատ անգամ խաբում է իրեն, և խաբվածները այն ժամանակ միայն հասկանում են՝ թե հիմարվել են, երբ գժերը իրենց գործը արդեն ավարտած են լինում….
Եթե մի քաղաքակրթված մեծ ազգություն կարող է կլանել փոքր ազգությունները, նույնը կարող է կատարել և մի անքաղաքակիրթ մեծ ազգություն իր մանր հպատակ ազգությունների վերաբերությամբ: Տարբերությունը միայն գործ դրած միջոցների և հնարների մեջն է, մեկը սպանում է բարբարոսական միջոցներով, մյուսը՝ կուլտուրայի միջոցներով:
Մենք մեղադրում էինք կառավարությանը այն մտքով միայն, որ նա թույլ է, որ անհոգ է, որ նա իր անզգամ հպատակները զսպել չգիտե: Բայց չէինք հասկանում, որ կառավարության պաշտոնյաները իրանք այդ բարբարոսներին գրգռում էին հայերի դեմ, քրիստոնյա տարրը ոչնչացնելու համար:
Հանգամանքները, կյանքի պայմանները ստիպում են մարդուն չարին չարով պատասխանել: Բոլոր արարածների մեջ մարդը միայն է, որ գազաններից ավելի անգութ և ավելի անիրավ կերպով է վարվում իր նմանների հետ: Գազանը գոնե միանգամից մահացնում է և հանգստացնում է իր զոհին: Բայց մարդը հաջորդաբար է վարվում: Նա տանջում է, ճնշում է, բարոյապես և մտավորապես մաշում է, և իր զոհի կենսական բոլոր ուժերը սակավ առ սակավ սպառելով, այնպես է սպանում: Դա մի սարսափելի սպանություն է: Այսպիսի սպանություն գործելու ընդունակ է մարդը միայն: Այսպիսի սպանություններ կատարվում են ոչ միայն մասնավոր անհատների վերաբերությամբ, այլ ամբողջ ազգերի վերաբերությամբ ևս:
Ոսկու փայլը կուրացնում է մարդկանց աչքերը…
Բավական չէ կրթել միտքը, ազնվացնել հոգին, պետք է կրթել մարմինը:
Առյուծ չգտնված տեղում աղվեսն էլ խոշոր գազան է:
Ով որ գութ չունի դեպի կենդանի բույսերը, նա չի կարող գութ ունենալ և դեպի կենդանի մարդիկ: Թուրքը ծառի պտուղը կուտե, իսկ ծառը կոչնչացնե: Թուրքը մարդու ձեռքի վաստակը կառնե, իսկ նրան կմահացնե..
.
Ստրուկը միշտ տկար կողմի վրա կհարձակվե:
Հրապարակման ներկայացրեց՝ Էլ Սմբաթյանը
Դուք նույնպես կարող եք հրապարակել Ձեր նյութը Mediamag.am-ում։ Նյութը հրապարակելու համար անցեք հետևյալ հղումով.
Գրանցվիր մեր 
