Ռաբինդրանաթ Տագոր – Սիրո և կյանքի պոեմներ (պատառիկ)

[important]Ռաբինդրանաթ Տագոր – Հնդիկ հռչակավոր բանաստեղծ, արձակագիր, դրամատուրգ և հրապարակախոս:[/important]

Ժուկով ժամանակով քո բանաստեղծը, սեր իմ, իր նավը՝ որ մի դյուցազնական մեծ պոեմ էր – իր մտքի ծովում բաց թողեց:

Ավա՜ղ, ես անզգույշ եղա. նա դիպավ ոտքերիդ զնգացող ապարանջաններին ու խորտակվեց:

Նավը ջարդուփշուր եղավ, ու երգերս շաղ գալով փռվեցին քո ոտքերի տակ:

Հին կռիվների մասին արած պատմություններիս ողջ բեռը խնդացող ալիքների բերանն ընկած՝ թրջվեց արցունքից ու ծովի հատակն անցավ:

Իմ այս ամբողջ կորուստը, սեր իմ, բարի արա ինձ:

Եթե ես կորցրել եմ իմ անմահության իրավունքը, մահից հետո դարձրու ինձ անմահ՝ քանի ապրում եմ:

Եվ ես չեմ ողբա կորուստիս համար ու չեմ պարսավի քեզ:

telegramԳրանցվիր մեր Telegram ալիքին։ Ուղարկում ենք միայն թարմ հոդվածները և ամենաառաջինը հենց Ձեզ:

Գնահատեք հոդվածը
( Դեռ գնահատական չկա )
MediaMag
Ռաբինդրանաթ Տագոր – Սիրո և կյանքի պոեմներ (պատառիկ)