fbpx
Գլխավոր ՇՓՈՒՄ ԳԵՂԵՑԻԿԻ ՀԵՏ ՊՈԵԶԻԱ Ռաբինդրանաթ Տագոր - Եկ իմ լճակի մոտ

Ռաբինդրանաթ Տագոր – Եկ իմ լճակի մոտ

Եթե օրվա հոգսերիդ ժամին ուզես լցնել քո սափորը՝ ե՛կ, օ՜, եկ իմ լճակի մոտ:
Ջրի ալիքները կգրկեն ոտքերդ ու թոթովելով իրենց գաղտնիքը կպատմեն քեզ:
Հորդ անձրևի ստվերն ընկել է ավազներին և ամպերը մառ կախվել են ծառերի գլխին՝ ինչպես վարսերիդ գանգուրները հոնքերիդ վրա:
Ես շա՛տ լավ գիտեմ քայլերիդ չափը, սիրտս նրանց հետ ներդաշնակ է զարկում:
Ե՛կ, օ՜, եկ իմ լճակի մոտ, եթե սափորդ լցնել ես ուզում:

Եթե ուզում ես ափին նստած խայտալ անհոգորեն և սափորդ նետել լիճը, որ լողա, օ՜, ե՛կ, եկ իմ լճակի մոտ:
Սիզաբեր լանջերը կորած են կանաչների մեջ, իսկ դաշտի ծաղկունքը թիվ-համար չունին:
Քո թուխ ծավի աչքերից դուրս կճախրեն հոգսերդ՝ ինչպես թռչունները իրենց բներից:
Ու շղարշե ծածկոցդ կընկնի ոտքերիդ:
Ե՛կ, օ՜, եկ իմ լճակի մոտ, եթե ուզում ես խայտալ անհոգորեն:

Երբ քո խաղերից հոգնած ուզենաս ջուրը սուզվել՝ օ՜, ե՛կ, եկ իմ լճակի մոտ:
Թող քո կապույտ շղարշը մնա ավազի վրա:
Կապույտ ջրերը քեզ կսքողեն ու կծածկեն:
Վերնաճեմ ալիքները կբարձրանան վիզդ համբուրելու և ականջիդ թաքուն խոսքեր շշնջալու:
Ե՛կ, օ՜, եկ իմ լճակի մոտ, եթե ուզում ես ջուրը սուզվել:
Եթե հանկարծ ցնորվես և կամենաս մահվան գիրկը ցատկել, ե՛կ, օ՜, եկ իմ լճակի մոտ:
Զով է նա, անդնդախոր ու անհուն:
Մթին է և մռայլ՝ աներազ քնի պես: Այնտեղ՝ նրա անդունդում գիշեր ու ցերեկ մեկ են, իսկ երգերը՝ լռություն:
Ե՛կ, օ՜, եկ իմ լճակի մոտ, եթե ուզում ես մահվան գիրկը սուզվել:

կարդացեք նաև

Հին իմաստունների 3 գաղտնիք, թե ինչպես գտնել երջանկություն

Աշխարհը մինչև հիմա այս խորհուրդների կարիքն ունի, քանի որ մենք չենք սովորել այն ամենը, ինչը մեր նախնիները փորձում էին սովորեցնել մեզ: Երջանկության հասնելու ժամանակակից խորհուրդների...

ԹԵՍՏ. միասին, անջատ, գծիկով գրվող բառեր. քանի՞սը կկարողանաք ճիշտ գրել

Միասին, անջատ, գծիկով գրվող բառեր. քանի՞սը կկարողանաք ճիշտ գրել: Աղբյուրը՝ entertrain.1in.am Գրանցվիր մեր Telegram ալիքին։ Ուղարկում ենք միայն պոպուլյար հոդվածները և օրը միայն մեկ անգամ: Գրանցվիր մեր Viber ալիքին։...

Դուռը բացվում է յուրաքանչյուր 1000 տարին մեկ. Բոլոր կանանց համար եզակի օր է

Նումերոլոգները խոստանում են․․․ Հաջորդ ամիս մեզ յուրօրինակ օր է սպասում: 2020 թվականի փետրվարի երկուսը`02.02.2020, ըստ նումերոլոգների, իսկապես կախարդական օր կլինի բոլոր կանանց համար: Թվերի այս համադրությունը...

Բազմագիտակության ԹԵՍՏ․ Միայն բացարձակ հանճարը կարող է այն անցնել 90%-ով

Մենք նոր և հետաքրքիր թեստ ունենք բոլոր բազմակողմանի զարգացած մարդկանց համար: Անցեք թեստը և ստուգեք Ձեր գիտելիքները: Գրանցվիր մեր Telegram ալիքին։ Ուղարկում ենք միայն պոպուլյար հոդվածները և...

Մի հարուստ կին հրապարակավ վիրավորեց մատուցողուհուն: Աղջկա պատասխանը վիրավորանքին՝ շքեղ էր

Երբեք ձեզ ուրիշներից վեր մի դասեք․․․ Ես աշխատում եմ շատ թանկ ռեստորանում: Ես գնացի գեղեցկության մի շքեղ սրահ՝ մազերս հարդարելու համար: Այնտեղ ես տեսա կանանց,...