fbpx
Գլխավոր ՇՓՈՒՄ ԳԵՂԵՑԻԿԻ ՀԵՏ ՀԱՆՐԱՃԱՆԱՉ ՄԱՐԴԻԿ Մայր Թերեզայի 20 պատվիրանները

Մայր Թերեզայի 20 պատվիրանները

Մայր Թերեզային անվանում են աշխարհի ամենաազդեցիկ կին, իսկ նրա կյանքը՝ XX-րդ դարի մեծագույն իրադարձություն:

Այս փոքրիկ, փխրուն միանձնուհու կյանքը իրոք ապշեցնող է, իսկ նրա անձը բացառիկ է ամբողջ մարդկության տեսանկյունից:

Mediamag-ը հավաքել է Մայր Թերեզայի մի քանի ցիտատներ, որոնք դիպչել են միլիոնավոր մարդկանց սրտերին.

Ի՞նչ կարող եք անել Դուք, ամբողջ աշխարհում խաղաղության հաստատման համար: Ուղղակի գնացեք տուն և սիրեք Ձեր ընտանիքը:

Մեզ պետք չեն զենքեր և ռումբեր: Չարը հաղթհարելու համար, մեզ պետք է սեր և կարեկցանք: Սիրո բոլոր գործերը՝ դրանք գործեր են հանուն աշխարհի:

Հեշտ է սիրել հեռավորներին, բայց այդքան էլ հեշտ չէ սիրել մերձավորին:

Երբ դու դատում ես մարդկանց, քո մոտ այլևս ժամանակ չի մնում նրանց սիրելու համար:

Ընտանիք կազմելու համար՝ բավական է սիրել: Իսկ այն պահպանելու համար, պետք է սովորել համբերել և ներել:

Թող բոլոր նրանք, ովքեր գալիս են քեզ մոտ՝ գնան, դառնալով ավելի երջանիկ և ավելի լավը:

Հպարտը միշտ նեղացած է: Խոնարհը երբեք չի բարկանում, որովհետև ոչինչ նրան չի վիրավորում: Հպարտը փնտրում է յուրահատուկ սեր իր հանդեպ: Խոնարհը՝ ինքն է սիրում, փոխարենը ոչինչ չպահանջելով:

Սիրիր և թող սերը քեզ համար լինի այնքան բնական, որքան շնչառությունն է: Ոչինչ մի պահանջիր: Ոչնչի մի սպասիր: Եթե ինչ-որ բան է գալիս քեզ, եղիր շնորհակալ: Եթե ոչինչ չի գալիս, նշանակում է, որ պետք չէ որ այն գա:

Ամենակարևոր դեղը՝ դա քնքուշ սերն է և հոգատարությունը:

Բոլորովին պարտադիր չէ մեծագույն գործեր գործել: Կարելի է գործել փոքր գործեր, բայց մեծագույն սիրով:

Հիասթափվելով մեկ մարդու մեջ, մի պատժիր մյուսին: Բոլոր մարդիկ տարբեր են, մի կորցրու քո վստահելու, հավատալու և սիրելու ունակությունը:

Խրախուսման և ողջույնի խոսքերը կարող են լինել կարճ, սակայն դրանք ունեն անվերջ արձագանք:

Ինչ անում եք, անում եք սիրով, կամ էլ ընդհանրապես չեք անում:

Ժպտացեք մեկմեկու, ժպտացեք Ձեր կնոջը, ամուսնուն, երեխաներին՝ կարևոր չէ ում եք ժպտում: Դա կօգնի Ձեզ սովորել սիրել մարդկանց:

Որքան շատ սեր, բարություն, իմաստություն, գեղեցկություն բացահայտեք ձեր մեջ, այնքան շատ կնկատեք դրանք ձեզ շրջապատող աշխարհում:

Աստված մեզ փորձություններ է ուղարկում, որպեսզի մենք հաղթահարելով դրանք՝ ավելի ամրանանք, այլ ոչ թե հուսահատվենք:

Տարածեք սերը ամենուրեք, որտեղ էլ որ գտնվեք: Եվ ամենաառաջինը սեր տարածեք սեփական ընտանիքում:

Սերը՝ միրգ է, որը հասնում է միշտ՝ անկախ ժամանակից, և որին կհասնի յուրաքանչյուր ձեռք:

Ես երբեք չեմ միանում պատերազմի դեմ շարժումներին: Զանգահարեք ինձ, երբ կհայտնվի շարժում հանուն խաղաղության:

Մեծագույն չքավորությունը՝ դա սրտի չքավորությունն է:

կարդացեք նաև

Կենդանակերպի նշանների կանանց էմոցիոնալ տարօրինակությունները

Յուրաքանչյուր մարդ ունի տարօրինակություններ և դրանք դրսևորվում են նաև էմոցիոնալ առումով: Եվ այսպես, եկեք տեսնենք, թե Կենդանակերպի որ նշանի կինը ինչ էմոցիոնալ տարօրինակություններով է օժտված: ԽՈՅ Խոյը...

Հոգեբանական ԹԵՍՏ․ Լա՞վ եք ճանաչում Ձեզ, Ձեր բնավորության տեսակը

Այս հոգեբանական թեստը կբացահայտի Ձեր բնավորությունը՝ մարդկանց հետ շփման տեսակետից: Որպեսզի թեստը կարողանա առավելագույնս ճիշտ արդյունք տալ՝ հարկավոր է, որպեսզի դուք պատասխաններում լինեք առավելագույնս ազնիվ:...

Ինչ է պատմում մարդու մասին նրա ծննդյան օրը: Ուղիղ նշանակետին․․․

Ասա ինձ ամսի քանիսին ես ծնվել, իսկ ես կասեմ թե ով ես դու․․․ 1. «Համար մեկ»՝ սրանով ամեն ինչ ասված է: Սա ստեղծագործական, կրեատիվ, ինքնատիպ և...

Տիբեթյան հորոսկոպ: Իմացիր ճակատագիրդ 97% ճշգրտությամբ

Հորոսկոպը կազմված է տիբեթյան վաննականների կողմից 100-ավոր տարիներ առաջ. Տիբեթյան հորոսկոպը՝ դա գուշակության, թվագուշակության և աստղագուշակության յուրահատուկ խառնուրդ է: Տիբեթյան վանականների կողմից հարյուրավոր տարիներ առաջ ստեղծված...

Գիտելիքներ ստուգող ԹԵՍՏ․ Ոչ հեշտ հարցեր

Բազմակողմանի զարգացած մարդը հետաքրքրվում է ամեն ինչով՝  ճշգրիտ գիտություններով, պատմությամբ, գրականությամբ, գեղանկարչությամբ․․․ Իսկ դուք բազմակողմանի զարգացած մա՞րդ եք: Եկեք ստուգենք: Վերջում չմոռանաք սոցիալական ցանցերում արդյունքներով կիսվել...