Գլխավոր ՕԳՏԱԿԱՐ, ՀԵՏԱՔՐՔԻՐ, ԱՆՀԱՎԱՆԱԿԱՆ Ինչպես են վիրավորվում Կենդանակեպի տարբեր նշանները

Ինչպես են վիրավորվում Կենդանակեպի տարբեր նշանները

Նախապես իմանալով թե տարբեր իրավիճակում ինչպես իրեն կդրսևորի այս կամ այն Կենդանակերպի նշանը՝ կարելի է խուսափել տարբեր պրոբլեմներից և իմանալ, վրեժխնդիր կլինի՞ արդյոք այդ մարդը, թե՞ ոչ: Ահա թե ինչպես են վիրավորվում․

Խոյ

Կոնֆլիկտային իրավիճակներում Խոյը համառ է և ագրեսիվ։ Նա սիրում է դուրս հանել բացասական էմոցիաները և ապացուցել իր տեսակետը: Խոյը աներևակայելի դյուրագրգիռ է, բայց վեճից հետո զղջում է իր արարքի համար և իր մեղքը հարթելու ճանապարհներ է փնտրում։ Հնարավոր է, նա ինչ-որ բան Ձեզ նվիրի, կամ հյուրընկալի, կարծես ոչինչ էլ չի պատահել։ Սակայն ներողություն չի խնդրի և նույնիսկ չի հիշի վեճի մասին։ Խոյը հիշաչար չէ և դյուրահանդարտ է, այնպես որ ունակ չէ վրեժխնդրության։

Ցուլ

Եթե Դուք որոշել եք ամեն բան ասել Ցուլի երեսին, ապա փախչելն արդեն անիմաստ է։ Կատաղած Ցուլը սարսափելի է ցանկացած կենդանուց՝ նա կավիրի իր ճանապարհին հանդիպած ամեն բան։ Սակայն Ցուլին այս վիճակին հասցնելն այդքան էլ հեշտ չէ։ Նա համոզված է, որ ցանակցած խնդիր կարելի է լուծել խաղաղ ճանապարհով։ Բարդ կլինի զայրացնել Ցուլին, եթե հարցն իր անձի հետ ոչ մի կապ չունի, սակայն խելամիտ Ցուլի հարյուրավոր քարոզները ստիպված եք լսել, եթե համարձակություն եք ունեցել հակաճառել նրան։ Ներողություն խնդրելը այդ դեպքում անշնորհակալ գործ է․ նա խորապես վիրավորվում է և հաճախ մինչ կյանքի վերջ հիշում է դրա մասին։

Երվորյակներ

Մի վիրավորեք Երկվորյակին, եթե չեք ուզում կորցնել նրան Ձեր տեսողական դաշտից մոտ ապագայում։ Ամենաչնչին կոնֆլիկտի ժամանակ Երկվորյակները հեռանալու և թաքնվելու միջոցներ են փնտրում, որպեսզի պաշտպանեն իրենց անձը անպետք վիրավորանքներից և հարաբերությունների պարզաբանումներից։ Սակայն եթե Ձեզ հաջողվեց վիճել նրա հետ, ապա պատրաստ եղեք լսել Ձեր մասին այն, ինչի մասին Դուք անգամ պատկերացում չունեք։ Եվ մի կարծեք, որ Երկվորյակը կմոռանա այս ամենը որոշ ժամանակ անց՝ այս նշանի ներկայացուցիչները պարզապես ջնջում են իրենց կյանքից անցանկալի մարդկանց։

Խեցգետին

Խեցգետնի հետ պետք է շատ զգույշ վարվել։ Ցանկացած կատակ, կամ անհաջող խոսք կարող են խորապես վիրավորել այս նշանի ներկայացուցիչներին։ Նույնիսկ ինտոնացիան զրույցի ընթացքում, կամ լռությունը կարող են մեծ խնդրի պատճառ դառնալ։ Ապացուցել և բացատրել ինչ-որ բան՝ անիմաստ է։ Խեցգետինը չի հասկանում գիտակցության տրամաբանությունը: Ավելի լավ է համակերպվել նրա բնավորության հետ և խուսափել կոնֆլիկտային իրավիճակներից։

Առյուծ

Վիրավորված Առյուծը սկսում է պահել իրեն սառը և պաշտոնապես։ Եթե վեճի ժամանակ Դուք վիրավորեք նրա ինքնասիրությունը՝ թերագնահատելով իր տաղանդները, հավանական է, որ ապտակի կարժանանաք։ Նրանք չեն թաքցնում իրենց զգացմունքները և իսկույն մեծ սկանդալ են բարձրացնում՝ հիշեցնելով այն ամենն, ինչ Դուք հասցրել եք անել Ձեր ծանոթության ընթացքում։ Ի դեպ, այս նշանի ներկայացուցիչները զուսպ չեն, և լավ գիտեն, թե ինչպես է պետք վիրավորել, որպեսզի Դուք երկար ժամանակ հիշեք դա։ Սակայն, վիրավորանքը ներսում երկար պահել Առյուծները չեն կարող։ Բռնկվելով մեկ ակնթարթում՝ նրանք այդքան արագ էլ պաղում են։ Առյուծի հետ հարաբերություններ պարզելիս քննարկեք բոլոր խնդիրները հանգիստ՝ հիշելով սեփական արժանապատվության մասին։

Կույս

Կույսը տառապում է ցածր ինքնագնահատականի պատճառով, և անմեղ կատակը կամ նկատողությունը կարող է խիստ վիրավորական լինել այս նշանի ներկայացուցիչների համար։ Կույսը անմիջապես չի անցնի հարաբերություններ պարզելու, չէ՞ որ նա կարգ ու կանոն է սիրում։ Սկզբի համար Կույսը կգրանցի Ձեզ «սև ցուցակում», իսկ որոշ ժամանակ անց կհիշեցնի և կարտահայտի իր վրդովմունքը։ Եթե Դուք պատրաստվում եք քննարկել Կույսի հետ որևիցե խնդիր, առաջին հերթին պետք է համոզեք նրան, որ լավ եք վերաբերվում իրեն, իսկ հետո արդեն արտահայտեք Ձեր դժգոհության պատճառները։ Վիրավորված Կույսը չի սպառնալու և վրեժխնդրության պլան չի կազմելու, սակայն ցանկացած պահի, կամա թե ակամա, անպայման պատասխան կտա։

Կշեռք

Կշեռքները երեխաների նման նեղացկոտ են և վեճի ժամանակ կորցնում են իրենց՝ չկարողանալով պաշտպանվել։ Սակայն տհաճ արտահայտություններից խախտվում է Կշեռքի հոգեկան ներդաշնակությունը, և նա սկսում է փնտրել մեկին, ով կխղճա իրեն։ Ցանկացած զրուցակից, ով պատրաստ կլինի լսել վիրավորված Կշեռքին, անպայման կիմանա, թե որքան ստոր և նողկալին անձնավորություն է իրեն նեղացնողը։ Եթե չեք ցանակնում լինել այդ անձնավորություններից մեկը, ապա փորձեք չվիճել Կշեռքի հետ։ Վրեժխնդրությունը Կշեռքների համար չէ, այնպես որ ներողությունը կամ փոքրիկ նվերը բավական է, որ նա մոռանա բոլոր վիրավորանքները։

Կարիճ

Մեկ տանիքի տակ Կարիճի հետ ապրելը բարդ է, իսկ ինչ-որ բան ապացուցելը՝ անշնորհակալ գործ։ Կարիճը կոնֆլիկտային իրավիճակներ է փափագում և ինքն է հրահրում ընտանեկան սկանդալներ։ Կարիճի հասցեին ուղղված ցանկացած վիրավորական խոսքին իսկույն պատասխան կստանաք։ Ճիշտ է, գործը հարվածների չի հասնի, սակայն նրա խոսքը կխայթի Ձեզ մինչև հոգու խորքը։ Ցանկացած սկանդալ էներգիա է հաղորդում Կարիճին, իսկ նրանք, ովքեր վիրավորել են իրեն, պետք է միշտ զգոն լինեն։ Վիրավորված Կարիճը մեծ խանդավառությամբ է վրեժղնդիր լինում՝ չխնայելով իր ամբողջ ուժն ու ունակությունները։

Աղեղնավոր

Աղեղնավորը վիճել չի սիրում և համբերատար կուլ է տալիս բոլոր վիրավորական խոսքերը։ Սակայն եթե Ձեզ հաջողվեց դիպչել նրա ցավալի տեղին, ապա մեծ սկանդալը անխուսափելի է, և հանգցնել բռնկված հրդեհը այս դեպքում հեշտ չի լինի։ Վեճի ժամանակ պետք չէ հիշեցնել նրան անցյալի վիրավորանքները՝ այն ինչ եղել է անցյալում, Աղեղնավորի համար ոչ մի նշանակություն չունի։ Վիրավորված Աղեղնավորը կոպիտ է և բիրտ, բայց վեճից հետո նա զղջում է դրա համար: Բավական է հաջորդ օրը պատմել նրան որևիցե բան Ձեր կյանքից կամ հետաքրքրվել իր գործերով, եւ նա կմոռանա ամեն ինչ:

Այծեղջյուր

Այծեղջյուրը ազնվորեն և բարեխղճորեն փորձում է լուծել բոլոր խնդիրները։ Ցանկացած վեճ խստորեն ազդում է նրա հոգեվիճակի վրա, և նա ամեն կերպ հաշտեցման տարբերակներ ու միջոցներ է փնտրում։ Այդ ամբողջ ժամանակվա ընթացքում Այծեղջյուրը հոգնած և ջախջախված տեսք ունի։ Սակայն Այծեղջյուրին իսկապես վիրավորել կարելի է՝ քննադատելով նրա պրոֆեսիոնալ հատկությունները։ Եթե Այծեղջյուրը Ձեզ չսիրի, ապա ցանկալի է հեռու մնալ․ վրեժ չի լուծի, բայց կարևորագույն խնդիրների լուծում կամ հանձնարարություններ Ձեզ այլևս չի վստահի։ Եթե չեք ցանկանում լուրջ խնդիրներ ունենալ տանը և աշխատավայրում, ապա անմիջապես ընդունեք Ձեր սխալները և համոզեք նրան, որ քննադատել եք նրան միայն բարի նպատակներից ելնելով։

Ջրհոս

Ջրհոսները անկանխատեսելի մարդիկ են։ Վեճի ժամանակ կարող են կատակել կամ հակառակը՝ լռել՝ ուշադրություն չդարձնելով Ձեր կողմից հնչող վիրավորանքներին։ Նա չի բղավի, չի հարվածի, չի ապացուցի իր անմեղությունը։ Նա պարզապես դուրս կգա տանից վեճի ամենաթեժ պահին, իսկ հետո երկար ժամանակ ուղղակի չի նկատի Ձեզ։ Դուք այլևս նրա ընկերը չեք այն պահից, երբ վիրավորեցիք Ջրհոսին։ Ջրհոսի վստահությունը չկորցնելու համար չպետք է քննադատել նրան և զրկել ազատությունից։ Հակառակ դեպքում կկորցնեք նրան։

Ձկներ

Ձկները շատ շուտ չեն վիրավորվում, սակայն Ձեզ չի հաջողվի վիրավորել նրանց այնպես, որ իրենք վրեժխնդիր լինեն։ Ձկները մոռանում են վիրավորանքները և վրեժխնդիր են լինում միայն խոսքով, և ոչ թե գործով։ Վեճից հետո Ձկները երկար լռում են և պատմում են մտերիմներին, թե որքան վատն եք Դուք։ Եթե չգտնվի մեկը, ով կլսի Ձկների բողոքը, ապա նրանք կսուզվեն իրենց ներաշխարհը և բավականին երկար ժամանակ կխորհեն և կվերլուծեն բոլոր վիրավորական արտահայտությունները։ Հաշտվել Ձկների հետ բարդ չէ. նրանք միանգամից մոռանում են ամեն բան հենց որ Դուք սիրով և քնքնշությամբ դիմեք նրան։ Ձկներին հատուկ է հանգստությունն ու խոհեմությունը, այնպես որ եթե Դուք հանգիստ թողնեք նրանց և զերծ մնաք քննադատություններից, Ձկները երբեք Ձեզ չեն վիրավորի։

telegramԳրանցվիր մեր Telegram ալիքին։ Ուղարկում ենք միայն պոպուլյար հոդվածները և օրը միայն մեկ անգամ:

viberԳրանցվիր մեր Viber ալիքին։ Եվ ստացիր միայն թարմ հոդվածները անմիջապես քո մեսենջերին։

Загрузка…

կարդացեք նաև

Կենդանակերպի այս 4 նշանները ձեզ ԵՐԲԵՔ չեն դավաճանի

Եթե Ձեզ հարկավոր է հավատարմություն և նվիրվածություն՝ ուշադրություն դարձրեք այս 4 Կենդանակերպի նշաններին: Նրանք զերծ կպահեն Ձեր սիրտը դավաճանության ցավից: Ցուլ Ցուլն իր էությամբ հավատարիմ է:...

7 պատճառ, թե ինչու է Ձեզ պետք ավելի շատ գրկախառնվել

Դա բացարձակապես անվճար և հրաշալի միջոց է սթրեսի և բացասական էներգիայի վրա ազդելու համար: Եվ այսպես, Ձեր առջև գիտականորեն հիմնավորված 7 պատճառներ են, թե ինչու...

Ինտելեկտուալ ԹԵՍՏ․ Ձեր IQ-ը միանշանակ բարձր է միջինից, եթե կարողանաք հավաքել 6/10

Ի՞նչ կասեք, եթե հենց հիմա Ձեզ առաջարկենք անցնել ընդհանուր գիտելիքները ստուգող մի շատ հետաքրքիր թեստ: Հավաքվեք, մեր թեստում Ձեզ բոլոր հարցերն էլ ծանոթ են,...

«Հիմար մտքերը՝ հոգու ինքնասպանություն են»: Վիկտոր Հյուգոի իմաստուն մեջբերումները

«Մենք ծնվում ենք ճչալով, մահանում հառաչելով: Մնում է միայն ապրել ծիծաղելով»: Ներկայացնում ենք ֆրանսիացի գրող, պոետ, դրամատուրգ Վիկտոր Հյուգոյի կյանքով լի և իմաստուն մի քանի...

ԹԵՍՏ-ՎԻԿՏՈՐԻՆԱ․ Եկեք ստուգենք Ձեր գիտելիքները

Մեր հերթական ընդհանուր գիտելիքները ստուգող թեստը: Անցեք թեստը, ստուգեք Ձեր գիտելիքները, լրացրեք Ձեր գիտելիքների պաշարը․․․ Գրանցվիր մեր Telegram ալիքին։ Ուղարկում ենք միայն պոպուլյար հոդվածները և օրը միայն...