Կենդանակերպի նշանների շարքում կան իսկական լավատեսներ, ովքեր ուրախանում են նույնիսկ մանրուքներով։ Ճանապարհին ոչ մի դժվարություն և խոչընդոտ չի կարող ստիպել նրանց հանձնվել, ընկնել դեպրեսիայի մեջ։ Mediamag-ը ներկայացնում է այդ լավատեսներին:

Ցուլ

Ցուլը ցանկացած բարդ իրավիճակից կարողանում է ուրախություն և դրական բան կորզել։ Նույնիսկ երբ կյանքում սև շերտ է սկսվում, կենդանակերպի շրջանի այս ներկայացուցիչները չեն վհատվում, չեն հանձնվում և շարունակում են ժպտալ։ Նրանք դրական են լիցքավորում իրենց շրջապատի բոլոր մարդկանց։ Պատճառն ամենևին էլ նրանում չէ, որ Ցուլերին չի հետաքրքրում իրենց կյանքը։ Նրանք պարզապես փորձում են այն ընդունել այնպիսին, ինչպիսին կա:

Ցուլը կարողանում է ուրախանալ մանրուքներով, որոնց վրա ոչ ոք նույնիսկ չնչին ուշադրություն չի դարձնում։ Դա կարող է լինել պարզապես լավ եղանակ, մի բաժակ անուշաբույր սուրճ կամ կատվի մռռոց: Նման պահերը Ցուլին իսկապես երջանիկ են դարձնում: Նրանք կարողանում են ուրախության պատճառ գտնել նույնիսկ խոչընդոտների ու կյանքի լուրջ անախորժությունների ականատես լինելով։

Կարիճ

Կարիճներին իզուր չէ, որ անվանում են ընկերության հոգի։ Չնայած այն հանգամանքին, որ կենդանակերպի շրջանի այս ներկայացուցիչները գաղտնապահ են, փակ ու լուռ, նրանք աներևակայելի գրավիչ են, խարիզմատիկ և միևնույն ժամանակ շփվող: Կարիճները միշտ չէ, որ ցույց են տալիս իրենց երջանկությունն ու ուրախությունը, քանի որ գաղտնապահ են։ Միայն ամենահարազատ ու մտերիմ մարդկանց կարող են պատմել սեփական հաջողությունների մասին։ Նման պահերին պարզ է դառնում, թե որքան խոչընդոտներ են ստիպված եղել հաղթահարել Կարիճները երջանկության ճանապարհին։

Այս նշանի ներկայացուցիչները, գիտեն ինչպես վայելել կյանքը և այն ամենը, ինչ շրջապատում է իրենց, նույնիսկ եթե իրադարձությունները մոխրագույն երանգ ունեն։ Կարիճները վստահ են, որ կյանքը գեղեցիկ է, և ոչ մի դժվարություն չի կարող ստիպել նրանց հանձնվել, ընկնել խորը դեպրեսիայի մեջ կամ վհատվել: Նրանք միշտ ժպտալու և ուրախանալու պատճառ կգտնեն։

Կարիճները վստահ են, որ կյանքում միշտ կլինեն և՛ հաճելի, և՛ ոչ շատ հաճելի պահեր, և դա միանգամայն նորմալ է։ Հիմնական բանը սովորել գնահատել այն, ինչ տալիս է կյանքը: Կարիճները կարող են շրջապատող մարդկանց սովորեցնել ուրախանալ ամեն մանրուքով և ընդունել դժվարությունները իրենց ճանապարհին, որպես պատրվակ՝ դառնալու էլ ավելի ուժեղ և ավելի լավը, կատարելագործելու իրենց լավագույն օրինակը։

Կշեռք

Կշեռքները կարողանում են ուրախանալ այնպիսի մանրուքներով, ինչպիսիք են կողքով անցնողի ժպիտը կամ արևոտ եղանակը։ Անգամ փոքրիկ դրական պահը կարող է նշանի ներկայացուցիչների դեմքին ժպիտ նկարել։ Բացի դրանից, խոչընդոտները էներգիա են հաղորդում և մոտիվացնում Կշեռքներին:

Կենդանակերպի շրջանի այս ներկայացուցիչների համար դժվարություններն էլ ավելի ուժեղ, կոփված դառնալու ևս մեկ պատճառ են: Նրանք հաճույքով են ընդունում ճակատագրի մարտահրավերները։ Կշեռքները շատ լավ գիտեն, որ հաջողության ճանապարհին բազմաթիվ խոչընդոտներ կան հաղթահարելու։ Միայն այդ դեպքում կարող ես երջանիկ դառնալ։ Կշեռքները կարող են ուրիշներին սովորեցնել, թե ինչպես վարվել խառնաշփոթի հետ և լավատես լինել կյանքի նկատմամբ:

Ջրհոս

Ջրհոսները նույնպես լավատեսների ցանկում են, ովքեր կարողանում են ժպտալ՝ տեսնելով անախորժությունները, խոչընդոտները։ Նրանց հիմնական որակը մշտական ​​կատարելագործումն է: Ջրհոսները հակված են ճանաչել իրենց: Սա մեծ պլյուս է, որը թույլ է տալիս նրանց վերահսկողություն պահպանել իրենց վրա: Կենդանակերպի շրջանի այս ներկայացուցիչները չեն վախենում ճակատագրի մարտահրավերներից։ Ավելին, անախորժությունները միայն կոփում են նրանց և դրդում ստեղծել նորարարական իրեր, արդիականացնել այն ամենը, ինչ շրջապատում է իրենց։