ՕԳՏԱԿԱՐ, ՀԵՏԱՔՐՔԻՐ, ԱՆՀԱՎԱՆԱԿԱՆ

Կենդանակերպի նշանների թաքնված որակները


Յուրաքանչյուր Կենդանակերպի նշան ունի որակներ, որոնց մասին, հաճախ, շատ մարդիկ նույնիսկ գլխի չեն ընկնում։

Ժամանակի ընթացքում ամեն մի Կենդանակերպի նշան սկսում է զարմացնել իր ծանոթներին այնպիսի որակներով, որոնք նախկինում չէին նկատվում նրա մոտ։ Որովհետև յուրաքանչյուր մարդ իր բնույթով բազմակողմանի է և անկրկնելի։ Ահա թե ինչ թաքնված որակներով են օժտված յուրաքանչյուր Կենդանակերպի նշան։

Խոյ

Խոյը շրջապատի մարդկանց թվում է բաց և ազնիվ մարդ և դա այդպես էլ կա։ Բայց իրականում նրա մեջ կա մի բան, ինչի մասին մյուսները չեն էլ կասկածում։ Այս Կենդանակերպի նշանի մարդիկ թաքցնում են իրենց ձգտումը լինել լավագույնը և առաջինը, իր իրական ուժն ու ներքին վճռականությունը, քանի որ մարդկանց դա հաճախ նյարդայնացնում է։

Ցուլ

Չնայած իր կամակորության և արտաքնապես թվացող էգոիստության, Ցլերը շատ հոգատար և բարեսիրտ մարդիկ են։ Այս Կենդանակերպի նշանի ներկայացուցիչները կարողանում են ի սրտե և անկեղծ հոգ տանել ուրիշների մասին, աջակցել նրանց և սփոփել, լինել քնքուշ և շատ բարի։

Երկվորյակ

Երկվորյակները թվում են միշտ ուրախ և շփվող, բայց հաճախ նրանք կարող են զարմացնել իրենց պարփակվածությամբ և մեկուսացմամբ։ Սովորաբար դա տեղի է ունենում այն պահերին, երբ Երկվորյակները հայտնվում են օտար միջավայրում։ Նրանք դառնում են հանգիստ և սեղմված, իսկզբանե պահում են իրենց փակ և զուսպ։

Խեցգետին

Խեցգետինը թվում է փափուկ և տնական, զգայուն և սենտիմենտալ։ Բայց իրականում այս մարդը օժտված է մեծ ներքին ուժով և կայունությամբ։ Խեցգետինը կարողանում է մինչև վերջ պնդել իրենը, ցուցաբերել անսասանություն, պահել իրեն շատ լուրջ և բավական ինքնավստահ։

Առյուծ

Շատերը Առյուծին ընկալում են որպես ինքնավստահ և ինքնասիրահարված մարդու։ Բայց դա բոլորովին այդպես չէ։ Առյուծն իր առջև բարձր նշաձող է սահմանում և հսկայական ներքին ճնշում է զգում։ Այս Կենդանակերպի նշանի մարդիկ շատ ցավագին են ապրում սեփական անհաջողությունները, բայց ոչ մեկին ցույց չեն տալիս իրենց ներքին թուլությունը։

Կույս

Կույսերին համարում են չափազանց ժլատ, ծայրահեղ և խիստ։ Այո, այս Կենդանակերպի նշանի ներկայացուցիչները կարողանում են լինել բծախնդիր և նկատել ամենաչնչին դետալները։ Բայց դուք երբեք չեք գտնի ավելի լավ ընկեր, քան Կույսը։ Կույսը պատրաստ է տալ ամեն ինչ, ինչ նա ունի իր կարիքավոր ընկերոջը և օգնության հասնել յուրաքանչյուր րոպեին։

Կշեռք

Կշեռքները չեն կարող լինել առանց զույգի, քանի որ սա գործընկերության նշանն է։ Այս նշանի ներկայացուցիչը միշտ պետք է գտնվի իր ընկերոջ, զուգընկերոջ կամ երկրորդ կեսի կողքին։ Բայց նույն ժամանակ Կշեռքները շատ ամաչկոտ մարդիկ են։ Իհարկե, շատերը կզարմանան, որ արտաքին ամաչկոտության տակ թաքնված է ուժեղ և ամբողջական անձնավորություն։

Կարիճ

Կարիճը շատերին կարող է թվալ լարված և դաժան։ Բայց արտաքին անմատչելիության ետևում թաքնված է ներքին դատողականությունն ու ուշադրությունը։ Կարիճները կգնան ամեն ինչի հանուն նրանց, ում սիրում են։ Նրանք շատ հավատարիմ և նվիրված մարդիկ են։

Աղեղնավոր

Աղեղնավորը իր բնույթով շատ հետաքրքրասեր, լավատես և նպատակասլաց մարդ է։ Կյանքի հանդեպ իր լայն հայացքների և հնարավորությունների շնորհիվ, Աղեղնավորը հաճախ խոսք է տալիս ավելին, քան կարող է։ Այս նշանի մարդիկ շատ են նյարդայնանում և անհանգստանում այդ առումով։

Այծեղջյուր

Այծեղջյուրը շրջապատի մարդկանց թվում է շատ պրակտիկ, խիստ և լուրջ։ Տպավորություն է ստեղծվում, կարծես այս Կենդանակերպի նշանի մարդիկ միշտ և ամեն ինչ կառավարում են։ Բայց իրականում, Այծեղջյուրները նույնպես երբեմն անորոշության վիճակում են հայտնվում, երբ նրանց նպատակները դառնում են անորոշ և նրանք չգիտեն, թե ինչ կարելի է անել։

Ջրհոս

Ջրհոսը շրջապատող մարդկանց թվում է մակերեսային և անէմոցիոնալ։ Բայց իրականում դա բոլորովին այդպես չէ։ Այս նշանի ներկայացուցիչները ապրում են այն նույն էմոցիաները, ինչ մնացածը, ուղղակի նրանք սովոր չեն դա ցուցադրել։ Հաճախ Ջրհոսները իրենց պահում են խորհրդավոր և չեն բացահայտում սեփական ապրումները։

Ձկներ

Ձկները շատերին կարող են թվալ շատ փափուկ, բարի և սենտիմենտալ։ Բայց իրականում Կենդանակերպի այս նշանի ներկայացուցիչները նույնպես կարող են լինել կոշտ, ուղիղ և կտրուկ։ Հաճախ ձկները ուրիշ մարդկանց ասում են ոչ դուրեկան բաներ՝ նպատակով օգնել նրանց խուսափել ինչ-որ պրոբլեմներից և հետագայում բարելավել նրանց կյանքը։

Նախորդ նյութը

Ինչպե՞ս ես վերաբերվում քո կյանքին: Այս ԹԵՍՏԸ կբացահայտի ամբողջ ճշմարտությունը քո մասին

Հաջորդ նյութը

Հոգին պահանջում է: Ո՞ր ալկոհոլն է համապատասխանում Ձեր Կենդանակերպի նշանին