Շատերը համոզված են, որ մարգարեական երազները գալիս են միայն հինգշաբթիից ուրբաթ։ Բայց աստղաբաններն ասում են,որ ամեն ինչ այդքան էլ պարզ չէ։ Կան կենդանակերպի շրջանի հատուկ ներկայացուցիչներ, ովքեր կարող են երազ տեսնել ապագայի մասին շաբաթվա ցանկացած օր՝ եթե, իհարկե, պատրաստ են դրան։ Եվ այդպիսի նշանները մեկը կամ երկուսը չեն, այլ յոթը։ Ձեր նշանը նրանց մե՞ջ է։ Շարունակեք կարդալ. գուցե դուք նրանցից եք, ովքեր գիշերը հայացք են նետում դեպի ապագա։

Չմոռանաք բաժանորդագրվել մեր Telegram ալիքին:

Կարիճ

Կարիճները հայտնի են իրենց խորաթափանցությամբ, խորհրդավորությամբ և… գերզգայուն ինտուիցիայով։ Նրանք ունեն ավելի խորը զգալու ունակություն, քան մարդկանց մեծ մասը, և հենց այս խորությունն է նրանց համար բացում ենթագիտակցության դռները։ Տարօրինակ, վառ, նույնիսկ վախեցնող երազները հազվադեպ չեն Կարիճների համար։ Դրանք նման են տագնապի ազդանշանների կամ, ընդհակառակը, ճակատագրի նուրբ հուշումների։ Կարևորը՝ չանտեսել դրանք։

Խեցգետին

Խեցգետինները աներևակայելի զգացմունքային են և նրբորեն են զգում տեղի ունեցողի էներգիան։ Նույնիսկ քնի մեջ նրանք շարունակում են «կարդալ» աշխարհից եկող ազդանշանները։ Նրանց երազները հաճախ անհանգստությունների հայելին են, բայց երբեմն դրանք դառնում են իրական կանխատեսումներ։ Անհանգստացնող երազ եք տեսե՞լ։ Մի շտապեք անտեսել այն. դա կարող է ինտուիտիվ նախազգուշացում լինել։

Ձկներ

Ձկները ներքին աշխարհի և խորը ինտուիցիայի վարպետներ են։ Նրանց երևակայությունն անսահման է, իսկ հոգին՝ զգայուն անտեսանելի ամեն ինչի նկատմամբ։ Զուր չէ, որ կարծում են, որ Ձկները հաճախ երազում տեսնում են պահապան հրեշտակներ, ապագա իրադարձություններ կամ ճանապարհը ցույց տվող խորհրդանիշներն։ Կարևորը՝ սովորել հիշել դրանք և ճիշտ վերծանել։

Ցուլ

Ցուլը հողեղեն է, գործնական և կայուն։ Սակայն նրանք նաև գիտեն, թե ինչպես ստանալ ազդանշաններ քնի մեջ, հատկապես, երբ խոսքը վերաբերում է նյութական հարցերին։ Երազ եք տեսե՞լ գումար կորցնելու, անսպասելի եկամտի կամ գնման մասին։ Մի անտեսեք դա. գուցե ձեր ենթագիտակցությունը կամ ճակատագիրը ակնարկում են ֆինանսական ոլորտում սպասվող փոփոխությունների մասին։

Աղեղնավոր

Աղեղնավորները կյանքի ճանապարհորդներ են և ճշմարտության հավերժական որոնողներ։ Նրանց երազները հաճախ վառ և փոխաբերական են, և եթե միացնեք ձեր ինտուիցիան, կարող եք կարևոր հուշումներ ստանալ դրանցից։ Հատկապես շրջադարձային պահերին։ Հետաքրքիր է, որ նույնիսկ ամենաքաոսային երազը կարող է դառնալ հենարան, եթե այն ճիշտ հասկանաք։

Կարդացեք նաև՝ 5 կենդանակերպի նշաններ, որոնք ունակ են մարգարեական երազներ տեսնել

Ջրհոս

Ջրհոսները իսկական նորարարներ և օրիգինալներ են։ Նրանց երազները սովորաբար բարդ են, խորհրդանշական և դժվար մեկնաբանելի։ Բայց հենց այս բարդության հետևում կարող է թաքնված լինել իրական մարգարեությունը։ Անսովոր սյուժե, տարօրինակ խորհրդանիշներ, վերացական պատկերներ՝ այս ամենը արժե գրի առնել և մտածել դրա մասին։ Դուք գուցե տեսել եք մի բան, որը դեռ պետք է պատահի։

Երկվորյակներ

Երկվորյակները կարող են գիշերը երազ տեսնել ամեն ինչի մասին ՝ ֆանտազիայի, աբսուրդի, պարադոքսի մասին։ Սակայն այս ամբողջ «քնի խճանկարի» մեջ երբեմն ի հայտ է գալիս մեկ երազ, որը կանխագուշակում է կարևոր իրադարձություններ։ Գլխավորը դա բաց չթողնելն է։ Եվ սովորեք տարբերակել պարզ ֆանտազիան ճակատագրի իրական նշանից։