Երբեմն մեզանից յուրաքանչյուրը կարող է ոչնչի համար հպարտանալ կամ սկսել շրջապատից ինչ-որ մեկին վերևից նայել: Այդպիսի զզվելի վարքագիծ կարող է հրահրել յուրաքանչյուր բան` որոշակի հաջողություններ բիզնեսում, շողոքորթություն կամ նույնիսկ մտավոր գերազանցություն հակառակորդի նկատմամբ: Ոչ բոլորին է հաջողվում վերահսկել իրենց սնոբիզմը, բայց ոմանք այնուամենայնիվ փորձում են պայքարել դրա դեմ, սակայն քիչ չեն նաև նրանք, որ նման վարքագծում ոչ մի վատ բան չեն տեսնում: Ինչպես պարզվեց, կենդանակերպի որոշակի նշանների մեջ ավելի շատ են նման հպարտ և մեծամիտ մարդիկ: Նրանց մասին էլ հիմա կպատմենք:
Ցուլ
Ցուլերը միշտ հավատում են, որ իրենք ավելիին են արժանի և չեն հանդուրժում մրցակցությունը: Ավելին, այս նշանի ներկայացուցիչների համար կարևոր է, որ իրենց կարծիքը որոշիչ լինի, հակառակ դեպքում նրանք կարող են նախ նեղվել, իսկ հետո բարկանալ: Այս համաստեղության տակ ծնված մարդիկ իրենց նպատակին հասնելու համար հաճախ դիմում են մանիպուլյացիաների: Եվ նրանք հիանալի կարողանում են ներշնչել մարդկանց սեփական մտքերը:
Ցուլերի մեկ այլ առանձնահատուկ գիծ բացահայտվում է հարաբերություններում: Նրանց հեշտությամբ է հաջողվում տեսնել իրենց զուգընկերոջ թաքնված տաղանդները, ուստի նրանք ուրախությամբ են օգնում և ուղղորդում նրան ճիշտ ոլորտ: Նրանք դա անում են ոչ միայն սիրո, այլև սեփական փառասիրության պատճառով:
Երկվորյակներ
Երկվորյակները շատ հմայիչ են և գիտեն, թե ինչպես կախարդել զրուցակցին զրույցի ընթացքում: Այս նշանի մարդիկ հեշտությամբ ընդհանուր լեզու են գտնում նույնիսկ ամենադժվար անձնավորության հետ: Նախաձեռնողականությունն օգնում է Երկվորյակներին վերահսկողության տակ պահել իրավիճակը և մանիպուլյացիայի ենթարկել նրանց, ովքեր իրենց կողքին են: Բացի այդ, այս նշանի ներկայացուցիչները հաճախ որոշումներ են կայացնում՝ հիմնված միայն ինտուիցիայի վրա: Եվ ոչ իզուր, քանի որ նրանց «հոտառությունը» հազվադեպ է իրենց դավաճանում: Այս բնածին տաղանդները Երկվորյակներին այնքան են ոգեշնչում, որ նրանք կորցնում են իրականության հետ կապը և կարող են շատ ամբարտավան լինել:
Առյուծ
Առյուծները շատ մեծ կարծիք ունեն իրենց մասին։ Նրանք անկեղծորեն հավատում են, որ ամբողջ աշխարհը պտտվում է իրենց շուրջը, և նրանք պատրաստ են շատ բան անել, որպեսզի այդպես էլ մնա: Առյուծները միշտ վստահ մարդկանց տպավորություն են թողնում, բայց դա միայն թվում է: Իրականում նրանք անընդհատ կասկածում են և ամեն կերպ փորձում են դա ուրիշներին ցույց չտալ: Երբեմն նրանք այնքան ջանասիրաբար են փորձում թաքնվել, որ չեն նկատում, թե ինչպես են ոտնահարում մոտակայքում գտնվողների շահերը: Փորձել համոզել կամ վիճել առյուծների հետ՝ անիմաստ է: Հենց նրանք սպառնալիք զգան, անմիջապես կսկսեն գրոհել և, ամենայն հավանականությամբ, կհաղթեն, քանի որ Առյուծները վարպետորեն գիտեն, թե ինչպես շրջել իրավիճակը իրենց օգտին:
Կույս
Կույսերն իրենց համարում են ավելի խելացի, քան մյուսները և չեն վարանում ընդգծել իրենց մտավոր գերազանցությունը՝ խորհուրդներ տալով կամ, կարծես պատահական մեկնաբանություններ անելով: Ընկերական շրջապատում նրանք կարող են անմիջապես նկատվել իրենց գնահատող հայացքով, հստակ հարցերով և ձայնի հանգիստ տոնով: Իրենց ինքնավստահության պատճառով Կույսերը հաճախ կողմնակալ մոտեցում ունեն շատերի նկատմամբ: Նրանց թվում է, որ իրենք ամեն ինչ գիտեն բոլորի մասին: Դժվար է նրանց ինչ-որ բանով զարմացնել: Նույնիսկ եթե դա տեղի ունենա, դժվար թե Կույսերը դա ընդունեն:
Ջրհոս
Ջրհոսները ի ծնե օժտված են հրաշալի ինտուիցիայով: Մի քանի րոպե շփումից հետո նրանք կարող են հասկանալ՝ իրենց առջև լա՞վ մարդ է, թե՞ զրուցակիցը այնուամենայնիվ լավը չէ: Այս հմտությունը օգնում է Ջրհոսներին կյանքում, քանի որ այս նշանի ներկայացուցիչները շատ վստահող են: Եթե չլիներ նրանց ինտուիցիան, նրանց համար շատ ավելի դժվար կլիներ ապրել: Այնուամենայնիվ, այն պատճառով, որ այս համաստեղության տակ ծնված որոշ մարդիկ չգիտեն, թե ինչպես գիտակցաբար միացնել իրենց «վեցերորդ զգայարանը», նրանք կարող են չճանաչել ներքին ձայնի հուշումները: Իսկ նրանք, ովքեր սանձել են իրենց զգացողությունները՝ իրենց յուրահատուկ են զգում և համարում են, որ իրենք ավելի լավն են, քան մյուսները:
Գրանցվիր մեր 
