fbpx
Գլխավոր ՇՓՈՒՄ ԳԵՂԵՑԻԿԻ ՀԵՏ ՀԱՆՐԱՃԱՆԱՉ ՄԱՐԴԻԿ Ավետիք Իսահակյանի նամակը Շուշանիկին

Ավետիք Իսահակյանի նամակը Շուշանիկին

Ներկայացնում ենք Ձեզ Ավետիք Իսահակյանի նամակը իր միակ սիրուն՝ Շուշանիկին.

Նորից վեր եմ առնում գրիչս, թաթախում եմ հիվանդ, արյունոտված սրտիս մեջ և գրում եմ քեզ, Շուշիկ, մի քանի տող, գրում եմ ես` Ավետիք Իսահակյանս:
Ինչո՞ւ եմ գրում, ի՞նչ է ստիպում ինձ գրել.- սիրել- ես քեզ չեմ սիրում, ատել- ես քեզ չեմ ատում, բայց դու իմ հոգում կաս` որպես մի ծանր երազ, որպես մի դժբախտություն, մի կոշմար. ես ուզում եմ քեզ հոշոտել, ես ուզում եմ քեզ հազար-հազար անգամ սպանել, սպանել, նորից սպանել, կենդանացնել` նորից սպանել. հավիտյան ապրել, և քեզ հավիտյան սպանել, բայց այդ չեմ կարող անել (անզոր եմ ես), ամբողջ էությունս բարի է…և որ ամենաողբալին է` ես դեռ քո ճիրաններում եմ. Ի՞նչ անեմ, ինչպե՞ս ազատվեմ.

Երբեմն քեզ ատում եմ ծովաչափ, ծովաչափ, և երբեմն սիրում եմ և պատրաստ ոտքերդ համբուրելու, բայց որ հիշում եմ անցյալը, ես մրրիկ եմ դառնում: Դու մի´ որոնիր այս տողերի մեջ որոշ միտք, որոշ իմաստ. Ես գրում եմ համարյա կիսախելագար, և մինչև մահս քեզ էլ ոչ մի տող գրելու չեմ, և աչերիդ նայելու չեմ, Աստվա´ծ է վկա. վերջին անգամ պիտի լամ քո առաջ և հայհոյեմ քեզ, հայհոյեմ,- հայհոյեմ քո բոլոր սրբությունները, որովհետև դու իմ սրբությունները պղծեցիր, որովհետև իմ ամենանվիրական սերը շան պես դուրս վռնդեցիր, որովհետև դու ինձ չարչարեցիր, նահատակեցիր` անսահմանորեն:
Բայց լալիս եմ հիմա, և սրտիցս արյուն է կաթում. գնա´, Շուշիկ, Աստված քեզ հետ, ապրի´ր քո երեխաների համար. ինձ մի´անիծիր. իմ անունս երբեք, երբեք մի´ հիշիր և ոչ մի տեղ, և ոչ մի տեղ, ոչ մի մարդու մոտ. աղաչում եմ քեզ. ինձ թաղիր քեզ համար հավիտյան, ինձ երբեք մի´ նայիր. ազնիվ խոսք տուր այդպես վարվելու. ես թող բոլորովին չեղած, չծնված մարդ լինեմ քեզ համար: Հոգիս խորշում է, երբ մտածում եմ, որ երբեմն դու կմտաբերես ինձ. պետք չէ հիշել այն տաճարում մի ուրիշ Աստծո անուն, որին այդ տաճարը չի պաշտում, չի «հնազանդվում». չպետք է այդ տաճարում ուրիշ ձոնի սեղան ու պատկեր դրվի: Քո հոգու տաճարից թող ես լինեմ դուրս` ես օտար, չճանաչված եմ այդտեղ…

ԱՂԱՉՈՒՄ ԵՄ ՔԵԶ…
ԵՍ ԷԼ ԿՎԱՐՎԵՄ ՔԵԶ ՀԵՏ ԱՅԴՊԵՍ:
ԴՈՒ ԻՆՁ ՀԱՄԱՐ ՄԵՌԱ՛Ր, ՄԵՌԱ՛Ր…
ԱՐՏԱՍՎԵԼՈՎ ՀԱՄԲՈՒՐՈՒՄ ԵՄ ՔՈ ԳԵՐԵԶՄԱՆԸ
ԵՎ ՃԱՄՓԱ ԸՆԿՆՈՒՄ
ՆՈՐ ԱՍՏՎԱԾ ԳՏՆԵԼՈՒ…

Ավետիք, 1904 թ

Հրապարակման ներկայացրեց՝ Լիանա Վարդանյանը

[infobox title=’Ուշադրություն’]Դուք նույնպես կարող եք հրապարակել Ձեր նյութը Mediamag.am-ում։ Նյութը հրապարակելու համար սեղմեք ներքևի կոճակը. [/infobox]

Հարապարակիր քո նյութը

կարդացեք նաև

video

Տեսահոլովակի պրեմիերա. Գևորգ Մկրտչյան և Իրինա Այվազյան – «Իմ թուլությունն ես»

Երգիչ Գևորգ Մկրտչյանն ու դերասանուհի Իրինա Այվազյանը նոր զուգերգ ունեն: Տեսահոլովակը նկարահանվել է «Իմ թուլությունն ես» երգի հիման վրա: Գրանցվիր մեր Telegram ալիքին։ Ուղարկում ենք միայն...

Կենդանակերպի նշանների վարկանիշային ցուցակը․ ո՞ւմ է դժվար սիրել

Իսկ Ձեզ դժվա՞ր է սիրել․․․ Կույս Կենդանակերպի նշանների շարքում ամենաանկախ են։ Գիտեն՝ ինչպես հոգ տանել իրենց մասին, նրանց ուժը հաճախ է վախեցնում շրջապատին։ Շատ դժվար է...

ԹԵՍՏ․ Միայն լայն մտահորիզոն ունեցող մարդը կկարողանա թեկուզ 5/9 արդյունքով անցնել այս թեստը

9 դժվար հարցեր: Միայն լայն մտահորիզոն ունեցող մարդը կկարողանա պատասխանել այս թեստ 5 և ավելի հարցերին: Վերջում չմոռանաք սոցիալական ցանցերում արդյունքներով կիսվել Ձեր ընկերների հետ: Գրանցվիր...
video

Խառնեք կիտրոնի հյութը և զեյթունի յուղը․․․ այս խառնուրդը պարզապես հրաշքներ է գործում (տեսանյութ)

Ընդամենը խառնելով զեյթունի յուղը կիտրոնի հյութի հետ՝ դուք կստանաք առողջության համար մեծ նշանակություն ունեցող մի ըմպելիք: Ներկայացնում ենք խառնուրդի օգտակար ազդեցությունները: Բուժում է փորկապությունը: Լավացնում է...

ԹԵՍՏ․ Ձեր գիտելիքները բարձունքի վրա են, եթե կարողանաք պատասխանել 9 հարցից թեկուզ 5-ին

9 հարցից բաղկացած բազմագիտակության թեստ: Փորձեք պատասխանել թեկուզ 5 հարցի: Կարո՞ղ եք: Վերջում չմոռանաք սոցիալական ցանցերում արդյունքներով կիսվել Ձեր ընկերների հետ: Գրանցվիր մեր Telegram ալիքին։ Ուղարկում ենք...