Սթրեսը մեր ժամանակների գլխավոր պատուհասներից է, և դա պատահական չէ, քանի որ մենք ապրում ենք մշտական մրցավազքի պայմաններում, որտեղ դեդլայնները, տեղեկատվական աղմուկը, տագնապալի լուրերը և լարված հարաբերությունները աստիճանաբար սպառում են օրգանիզմի ռեսուրսները։ Քրոնիկական սթրեսի ֆոնին առաջին հերթին տուժում է նյարդային համակարգը՝ խանգարվում է քունը, նվազում է կենտրոնացումը, առաջանում է դյուրագրգռություն։

Չմոռանաք բաժանորդագրվել մեր Telegram ալիքին:

Շատերը փնտրում են արագ լուծումներ, բայց հազվադեպ են մտածում համալիր մոտեցման անհրաժեշտության մասին։ Coral Club միջազգային ընկերության թերապևտ և ավագ բժիշկ-խորհրդատու Ելենա Մանովսկայի հետ միասին պարզում ենք, թե ինչպես մեղմորեն և արդյունավետ վերականգնել նյարդային համակարգը՝ ինքներս մեզ սպառման չհասցնելով, – գրում է The Day-ը։

Ի՞նչ է տեղի ունենում նյարդային համակարգի հետ մշտական լարվածության դեպքում

Քրոնիկական սթրեսը պարզապես գերհոգնածություն կամ կարճատև անհանգստության զգացում չէ, այլ ներքին լարվածության կայուն վիճակ, որն առաջանում է երկարատև արտաքին գործոնների ազդեցության տակ՝ մասնագիտական ծանրաբեռնվածությունից և ընտանեկան խնդիրներից մինչև տեղեկատվության ավելցուկ և մշտական շտապողականություն։

Ի տարբերություն կարճատև սթրեսի, որը մոբիլիզացնում է օրգանիզմի ռեսուրսները և կարող է նույնիսկ օգտակար լինել (ադրենալինի, նորադրենալինի և կորտիզոլի արտանետման շնորհիվ), քրոնիկական սթրեսը հանգեցնում է հակառակ արդյունքի։

Ժամանակի ընթացքում մշտական լարվածությունը սպառում է ռեսուրսները, խախտում է բնական կենսաբանական ռիթմերը և ճնշում է կենսական կարևոր համակարգերի աշխատանքը։ Առաջին հերթին տուժում են նյարդային և էնդոկրին համակարգերը. վատանում է քնի որակը, նվազում է էներգիայի մակարդակը, առաջանում է բարձր դյուրագրգռություն, տագնապայնություն, կենտրոնանալու հետ կապված դժվարություններ։

Օրգանիզմը կորցնում է փոփոխություններին ճկուն կերպով հարմարվելու ունակությունը, և նույնիսկ աննշան իրադարձությունները սկսում են ընկալվել որպես չափազանց մեծ բեռ։ Ահա թե ինչու է այդքան կարևոր ժամանակին բացահայտել ախտանշանները և վերականգնման միջոցներ ձեռնարկել։

Քունը՝ որպես վերականգնման առաջին քայլ

Լիարժեք քունը նյարդային համակարգի վերականգնման կարևորագույն գործոններից է։ Դրա կարգավորման համար հարմար են բնական հանգստացնող միջոցները, օրինակ բուսական էքստրակտները՝ կատվախոտ, առյուծագի, կիտրոնադաղձ (մելիսա), անանուխ, գայլուկ, երիցուկ, նարդոս (լավանդա), հիպերիկ։

Արդյունքն ուժեղանում է արոմաթերապիայի հետ համատեղելիս. մելիսայի, բերգամոտի, իլանգ-իլանգի, խնկածաղկի և կիտրոնի եթերայուղերն օգնում են թուլանալ և կայունացնել հուզական դաշտը։ Այս մեղմ բնական միջոցները հիմք են ստեղծում նյարդային համակարգի կայունացման համար՝ առանց կախվածության և կողմնակի ազդեցությունների։

Կարդացեք նաև՝ Քրոնիկ սթրեսը և կորտիզոլը. հորմոնի մակարդակը բնական ճանապարհով իջեցնելու 7 եղանակ

Ինչպե՞ս հասնել հավասարակշռության

Եթե մեղմ բնական միջոցները բավարար չեն, կարևոր է կիրառել ավելի խորքային և համակարգային մոտեցումներ։ Հիմնական ուղղություններից մեկը հոգեթերապիան է. հոգեբանի հետ աշխատանքն օգնում է գիտակցել քրոնիկական լարվածության պատճառները, փոխել արձագանքը սթրեսային գործոններին և սովորել կառավարել սեփական հույզերը։

Լավ լրացում են մարմնակենտրոն պրակտիկաները՝ թուլացնող մերսումները, ֆիզիոպրոցեդուրաները, ինչպիսին է էլեկտրաքունը, ինչպես նաև մագնեզիումի բարձր պարունակությամբ հանքային լոգանքները։ Այս մեթոդները նպաստում են մկանների թուլացմանը, արյան շրջանառության բարելավմանը և սթրեսի հիմնական հորմոնի՝ կորտիզոլի մակարդակի նվազմանը։

Հատուկ ուշադրություն պետք է դարձնել մաքուր օդում ֆիզիկական ակտիվությանը։ Պարբերական զբոսանքները զբոսայգիներում, անտառում կամ պարզապես հանգիստ փողոցներում ոչ միայն բարելավում են ընդհանուր ինքնազգացողությունը, այլև նպաստում են «երջանկության հորմոնների»՝ սերոտոնինի և դոֆամինի արտադրմանը։ Իսկ արևային լոգանքները խթանում են վիտամին D-ի սինթեզը և օգնում կարգավորել քրոնիկական սթրեսի հետևանքով խանգարված ցիրկադային ռիթմերը։