Իմաստուն կինը՝ երջանիկ կինն է: Պարզ գաղտնիքներ, որոնք կօգնեն ընտանիքում պահպանել հարմոնիան և փոխըմբռնումը:

1. Բարձրաձայնեք ցանկությունները

Ձեր տղամարդը չի կարող ինքն իրեն գլխի ընկնել, որ Դուք նրանից սպասում եք որոշակի գործողություններ: Ինչպես նաև, նա ոչ միշտ է կարող հասկանալ, թե ինչո՞ւ եք Դուք նեղացել կամ ինչո՞ւ է Ձեր տրամադրությունը ընկել:

2. Մի ստիպեք Ձեր տղամարդուն սիրել Ձեր ընկերուհիներին

Եթե նա չի ուզում Ձեր հետ թեյ խմել խոհանոցում՝ ավելի լավ: Առանձին ընկերներ՝ դա նույնպես լավ է, չէ՞ որ երբեմն օգտակար է ուրախ ժամանակ անցկացնել ընկերուհիների հետ: Իսկ ամուսնու ընկերների շրջապատում տխրել դեռ կհասցնեք:

3. Հաճախակի գրկախառնվեք

Երբեմն մեկ գրկախառնությունը կարող է շատ ավելին ասել, քան բառերը: Առավել ևս, որ գրկախառնությունները ոչ միայն մտերմացնում են, այլ նաև տալիս հոգեկան հանգստություն և վստահություն, որ քեզ սիրում և հասկանում են:

4. Քնելուց առաջ, երբեք մի վիճեք

Նախ և առաջ, որքան էլ որ հրաշալի անցած լինի օրը, կհիշվի հատկապես վերջաբանը: Եվ երկրորդ՝ այն ինչ երեկոյան թվում է ծանրակշիռ, առավոտյան կարող է պարզվել ուռճացված և ոչ իրական:

5. Մի հիշեք անցյալը

Բոլորի մոտ, հարաբերություններում լինում են դժվարություններ: Եթե Ձեր տղամարդը մեղք է գործել, իսկ Դուք արդեն նրան ներել եք դրա համար, այլևս երբեք մի հիշացրեք նրան թե որքան սրիկա է նա և որքան մեծահոգի եք Դուք:

6. Համատեղ ժամանց

Միշտ ժամանակ գտեք սիրելի մարդու համար: Կարևոր չէ ինչով զբաղված կլինեք՝ սեքսո՞վ, թե՞ ծաղիկների խնամքով: Կարևորը, որ Դուք դա կանեք միասին:

7. Մի թաքցրեք Ձեր շնորհակալ լինելը

Նա արել է այն, ինչ Դուք նրան խնդրե՞լ եք: Ի սրտե շնորհակալություն հայտնեք նրան և հաջորդ անգամ նա ավելի շատ բան կանի: Հաճախ ասացեք նրան. «շնորհակալություն» և արեք դա ամբողջ հոգով: Իրականում չէ՞ որ Դուք ունեք պատճառ նրան շնորհակալություն հայտնելու: