fbpx

Վահրամ Հաճյան – Կասկած

Ես այդպես էլ չհասկացա՝
Սիրո՞ւմ ես ինձ, թե՞ չես սիրում,
Դժվար ուղիս քեզ հետ անցա,
Բայց կասկածն է դեռ ինձ տիրում:

Մեկ հպվում ես դու իմ կրծքին,
Մեկ անդարձ թողնում գնում,
Արարմունքդ՝ խառն ու խրթին,
Գուցե դու էլ չես հասկանում:

Մեկ արեւ ես ինձ նվիրում,
Մեկ էլ՝ դարձած ձյունոտ քամի.
Մտնում իմ մեջ, ինձ ավերում,
Ավարում ես միանգամից:

Մեկ էլ տեսար ստվեր դարձած
Հայտնվում ես տանս շեմին…
Քնում, ելնում, մեկ էլ անդարձ
Հեռանում ես լուսադեմին:

Շվարել եմ ու կարկամել,
Ախ, դու ինձ հետ ի՞նչ ես անում,
Սիրելով եմ հոգուդ հասել,
Ասա՛, ո՞ւր ես հոգիս տանում…

Նոր տեսանյութ.

telegramԳրանցվիր մեր Telegram ալիքին։ Ուղարկում ենք միայն թարմ հոդվածները և ամենաառաջինը հենց Ձեզ:

Գնահատեք հոդվածը
( 1 assessment, среднее 5 из 5 )
MediaMag
Վահրամ Հաճյան – Կասկած