Գլխավոր ՕԳՏԱԿԱՐ, ՀԵՏԱՔՐՔԻՐ, ԱՆՀԱՎԱՆԱԿԱՆ Մի՛ նայիր ոտքերիդ տակ, բարձրացրո՛ւ գլուխդ...

Մի՛ նայիր ոտքերիդ տակ, բարձրացրո՛ւ գլուխդ…

Մենք տանջվում ենք մանր, անպետք պրոբլեմներից, մենք իզուր ծախսում ենք մեր մտքերն ու զգացմունքները, ծնված օրից նայում ենք ոտքերի տակ: Հիշո՞ւմ էիք մանկուց  մեզ ինչ էին սովորեցնում. «Նայիր ոտքերիդ տակ… տես չընկնես…»: Մենք մահանում ենք, այդպես էլ ոչինչ չհասկանալով՝ ո՞վ ենք մենք ու ինչո՞ւ ենք այստեղ:

Իսկ այդ ընթացքում, մեր մեջ, ինչ-որ տեղ, շատ խորը ապրում է մի ձգտում՝ այնտեղ, վերև, տուն, որտեղից որ եկել ենք: Եվ որտեղ ապրում են այնպիսի մարդիկ, ինչպիսին մենք ենք: Միայն թե նրանք տանն են և երջանիկ: Ինձ նույնիսկ թվում է, որ նրանք երբեմն մտածում են մեր մասին: Նրանք մեզ խղճում են:

Դուք դա չե՞ք զգում: Հիշեք, ձեզ մոտ այդպիսի զգացում չի՞ առաջացել, որ ինչ-որ մեկը խղճում է ձեզ և սպասում:

Ինչո՞ւ են սիրահարվածները նայում աստղերին: Ինչո՞ւ է նրանց այդքան ձգում երկինքը: Եվ այն բացում է նրանց առջև դռները դեպի անծայրածիր ծանոթ մի աշխարհ: Ինչո՞ւ ենք մանկուց երազում թռիչք տեսնում: Իսկ հետո ծերանալով, երազում տեսնում ենք թե ինչպես ենք ընկնում: Օ՜, այդ զգացումը սարսափելի է:

Բայց դա, երևի դուք դեռ չեք տեսել երազում:

Ինչո՞ւ ենք երազում խոսում մեզ անծանոթ լեզուներով: Ու խոսում ենք բացարձակ ազատ: Ինչո՞ւ ենք տեսնում հրաշագեղ լանդշաֆտներ և կառույցներ, որոնք ծանոթ են մեզ, սակայն մենք այն երբեք չենք տեսել իրականում: Ինչո՞ւ: Իսկ զգացումները աննկարագրելի են, վառ, ջերմ, որոնք մենք մոռանում ենք արդեն կեսօրին:

Ձեզ չի՞ թվացել, որ դուք ճանաչում եք մի մարդու, ում առաջին անգամ եք տեսնում: Կարծես թե նա հին ծանոթ է՝ մի շարժումով, մի հոտով… Իսկ մեզ ուղղված խոսքե՞րն, որոնք ոչ մեկ մեզ չի ասել:

Մեզ կանչում են, օգնություն խնդրում, զգուշացնում վտանգի մասին.. տասնյակ, հարյուրավոր ձայներ: Որտեղի՞ց: Նրանք մեր արյան մեջ են:

Եթե դա չլիներ… օ՜ եթե դա չլիներ: Արդյո՞ք արժեր ապրել այսքան կարճ, ինչպես ակնթարթ կյանքը:

Բայց մի փոքրիկ կյանքի ընթացքում մենք ծնվում ու մահանում ենք տասնյակ անգամներ՝ բազում այլ մարդկանց փոխարեն: Ի՞նչ է սա: Ասեք…Սա երևակայությո՞ւն է: Բայց նրանք առավել են, քան մի ամբողջ կյանքը:

Մեր երեխաները կամ թոռները, կամ ծոռները կհասկանան դա: Նրանք դեն կնետեն մանրուքները: Հավատացեք, նրանք կսիրեն մեկմեկու: Իսկ իրենց երեխաներին նրանք կասեն. «Մի՛ նայիր ոտքերիդ տակ, բարձրացրո՛ւ գլուխդ»:

Դուք նկատե՞լ եք, որ մարդը անընդհատ հիվանդանում է՝ ծնված օրվանից մինչ մահ: Հիվանդությունները հաջորդում են, գալիս են և գնում: Բայց չէ՞ որ դա անբնական է: Չէ՞ որ ինչ-որ կոկորդիլոս կամ մրջյուն նույնպես ապրում է այստեղ, մեր կողքին, բայց չի ենթարկվում այդքան տարօրինակ և այդքան անվերջ հիվանդություններին: Ես սիստեմատիկ կերպով հետևել եմ և եզրահանգումներ արել: Ես ձեզ ավելին կասեմ… Ինձ թվում է ես գտել եմ այդ հանելուկային հիվանդության բացահայտման բանալին: Ես նույնիսկ վստահ եմ, որ գտել եմ:

«Ֆարյատևայի ֆանտազիաները» ֆիլմից 1979

Այս մոնոլոգը կարդում է Անդրեյ Միրոնովը

 


Загрузка…

կարդացեք նաև

Ի՞նչ է հաջողությունը և ի՞նչ անել, որ ձեր բախտը միշտ բերի

Հաջողությունը գալիս է միայն այն ժամանակ, երբ դուք իրոք պատրաստ եք լինում դրան։ Հաջողության հասնելու համար պետք է իմանալ 6 հիմնական գործոնները, որոնք ապահովվում...

Ինչպես ձմռանը տաքացնել տունն առանց էլեկտրաէներգիայի համար լրացուցիչ վճարելու

Ձմռան ամենամեծ խնդիրն էլեկտրաէներգիայի բարձր վճարներն են: Մարդիկ ցանկանում են տաքանալ, սակայն չեն ցանկանում շատ վճարել: Առաջարկում ենք մի քանի տարբերակ, որոնց շնորհիվ կարելի է...

Սմարտֆոնը սպանում է սերը․ Ռոմանտիկ բաներ, որոնք դադարել ենք անել

Միմյանց աչքերի մեջ նայելու փոխարեն՝ մենք նայում ենք սմարթֆոնների էկրաններին․․․ Մենք դադարել ենք ծանոթանալ իրար հետ Այնպես, ինչպես արժեր անել դա։ Դեռևս վերջերս մենք ծանոթանում էինք...

Կենդանակերպի նշաններ, որոնց հրաշք է սպասում 2020 Ամանորյա գիշերը

Մարդուն բնորոշ է հավատալ հրաշքներին, իսկ ամանորյա գիշերը այդ հավատքը ավելի է ուժգնանում և արդեն ոչ միայն երեխաներն են անհամբեր սպասում Նոր տարվան, այլ...

Ընդհանուր գիտելիքների այս պարզ ԹԵՍՏԸ 8/10 արդյունքով չի կարողանում անցնել ամեն երկրորդը: Իսկ դուք կկարողանա՞ք

Ընդհանուր գիտելիքները ստուգող մեր թեստերի սիրահարների համար փորձել ենք ստեղծել ևս մեկ հետաքրքիր թեստ և առաջարկում ենք Ձեզ հենց հիմա անցնել այն: Մի քանի...