Շոգերի ընկնելով, սուրճի սիրահարները կանգնում են երկընտրանքի առջև՝ սուրճ ըմպելու մեծ ցանկություն կա, բայց շոգին խմել այդ տաք ըմպելիքը, այդքան էլ հեշտ գործ չէ: Սակայն այս դեպքում օգնության կարող է գալ Քոլդ Բրյուն՝ սրճային պաղպաղակը: Այն և՛ կաշխուժացնի, և կթարմացնի:

Բաղադրիչները

Եփված սուրճի համար

1/4 բաժակ աղացած սուրճ
1 բաժակ ջուր

Պաղպաղակի համար

2 բաժակ հարած սերուցք
340 մլ խտացրած կաթ
1/2 բաժակ սառը եփած սուրճ
1 ճ.գ. սրճային սիրոպ/լիկյոռ

Պատրաստումը

Եփեք սուրճը: Դրա համար աղացած սուրճը լցրեք տաք ջրի մեջ: 2-3 ժամ թողեք, որպեսզի թրմվի և սառչի:
Պատրաստում ենք պաղպաղակը: Առանձին ամանի մեջ լավ հարեք սերուցքը:
Մեկ ուրիշ ամանի մեջ իրար խառնեք խտացրած կաթը, սուրճը և սրճային սիրոպը: Ստացված խառնուրդի վրա ավելացրեք հարած սերուցքը:
Ստացված խառնուրդը տեղադրեք հարմար ամանի կամ ֆորմայի մեջ և 2-3 ժամ թողեք, որ սառչի, մինչև դառնա կիսախմորանման զանգված:
Մատուցել սառը սուրճի և սրճային սիրոպի հետ:

Հրաշալի ամառ ենք մաղթում: