Հիանալի ստրատեգ, քաղաքականության, ալկոհոլային խմիչքների, սիգարների և սուր բառերի գիտակ: Իհարկե, խոսքը Ուինսթոն Չերչիլի մասին է: Երբ մի անգամ քաղաքական գործչին հարցրեցին, թե որն է իր հաջողության գաղտնիքը, նա պատասխանեց. Առաջին հերթին էներգիայի պահպանման ունակությունը: «Երբեք մի՛ կանգնիր, եթե կարող ես նստել, մի՛ նստիր, եթե կարող ես պառկել», – այսպես հակիրճ նկարագրեց Չերչիլը այն կանոնը, որին նա հետևում էր իր գիտակցական կյանքի մեծ մասում…

7 կարճ պատմություններ մեծն Բրիտանացու կյանքից.

Ի՞նչ կուզենայի դառնալ

1950-ականների կեսերին Չերչիլի ընտանիքը ընթրիք կազմակերպեց Չարթվելի իրենց ամառանոցում: Ժամանցային ծրագիրը ներառում էր «Ո՞վ կցանկանայիք դառնալ, եթե չդառնայիք այնպիսին, ինչպիսին եք» խաղը, որի ընթացքում հյուրերը ոգևորությամբ երևակայում էին իրենց տաղանդների և հնարավոր մասնագիտությունների մասին: Երբ հերթը հասավ Ուինսթոն Չերչիլին, նա մտածկոտ հանեց սիգարը իր բերանից և դանդաղ ասաց.

«Եթե ես չդառնայի այնպիսին, ինչպիսին կամ, ես սիրով կդառնայի …»:

Այստեղ Ուինսթոնը վարպետին հատուկ ​​դադար վերցրեց և, դառնալով կնոջը, ավարտեց.

«… տիկին Չերչիլի երկրորդ ամուսինը»:

Ուղեբեռ պատերազմի համար

Գնալով Հարավային Աֆրիկա՝ անգլո-բուրական պատերազմին, Չերչիլը, ի թիվս այլ բաների, իր հետ վերցրեց տասնութ շիշ վիսկի, քսանչորս շիշ գինի, վեց շիշ պորտվեյն, վերմուտ, կոնյակ և տասներկու շիշ կիտրոնի հյութ:

Տես նաև՝ Չերչիլն ու հայկական կոնյակը

Բժշկի դեղատոմս

Չերչիլը կատակով պնդում էր.

«Բժիշկն ինձ ասել է, որ նախաճաշի և ընթրիքի միջև ոչ ալկոհոլային ըմպելիքներ չխմեմ»:

Չերչիլը և սիգարները

Ինչպես գիտեք, Չերչիլը գրեթե երբեք չի բաժանվել սիգարից: Արդեն շատ մեծ տարիքում ծխելու մասին նա խոսեց հետևյալ կերպ.

«Նրանք ասում են, որ սիգարները բացասաբար են անդրադառնում կանանց հետ հարաբերությունների վրա: Սա կատարյալ անհեթեթություն է: Ծերությունը ազդում է շատ ավելի վատ »:

Ինչպես պարտվել պատերազմում

1940 թվականի հուլիսին Չերչիլը (ակնարկելով բուսակեր Հիտլերին) նամակ է գրում լորդ Վուլթոնին, ով այդ տարվա ապրիլին գլխավորել էր սննդի արտադրության նախարարությունը.

«Իմ ճանաչած գրեթե բոլոր համային այլասերվածները, ընկույզ ուտողները և նմանները, մահացել են երիտասարդ տարիքում երկարատև ծերունական մարումից հետո․․․ Պատերազմը պարտվելու ամենաիրական տարբերակն է՝ փորձել բրիտանացի ժողովրդին նստեցնել կաթնային, վարսակի, կարտոֆիլի և այլն դիետայի վրա․ տոներին դրանք խմելով մի կում լայմի հյութով»:

Տարօրինակ ճանապարհ

Ուինսթոն Չերչիլը, 80 տարեկան հասակում, մի անգամ իր բժշկող բժշկին ասաց.

«Անկախ նրանից, թե ինչ են ասում, բայց երեխաները ծնվում են չափազանց տարօրինակ կերպով: Ես չգիտեմ, և ինչպե՞ս է Աստված այդպիսի բան մտածել»:

Տես նաև՝ Ուինսթոն Չերչիլի 25 սուր ցիտատները

Լուսատիտիկ

Մի անգամ Չերչիլն ասաց.

«Մենք բոլորս բլոճներ ենք: Բայց ես, ինձ թվում է, լուսատիտիկ եմ»: