Ահա այս Կենդանակերպի նշաններն անհետանում են նույնքան արագ, որքան հայտնվում են։ Նրանք անհաստատ են իրենց ցանկություններում, սիրում են ամեն նորը և կարող են անհետանալ՝ առանց հրաժեշտ տալու։

Նրանց բոլորին միավորում է մեկ բան՝ ճկունությունն ու անորսալիությունը։ Ահա թե Կենդանակերպի ո՞ր նշաններն են ստիպված իրենց ամբողջ կյանքը պայքարել սեփական անհաստատության դեմ։

Երկվորյակներ

Երկվորյակը հավանաբար բոլոր Կենդանակերպի նշաններից ամենաանորսալին է։ Նա սիրում է անընդհատ շարժում, նրա տրամադրությունը կարող է կտրուկ փոխվել և նա անհաստատ է սեփական ցանկություններում։ Երկվորյակները կարողանում են արագ վերլուծել իրավիճակը, նրանք շատ խելացի են, ինտելեկտուալ զարգացած, նրանցից շատերը շփման մեջ անընդհատ ինֆորմացիա կլանելու կարիք ունեն։ Կարող է թվալ, որ նրանք ամենուրեք են, բայց միևնույն ժամանակ նրանք ոչ մի տեղ չկան։

Աղեղնավոր

Աղեղնավորները՝ մարդիկ են, որոնք կյանքում շատ ու շատ են սիրում բազմազանությունը։ Նրանք կարիք ունեն նոր տպավորությունների և էմոցիաների։ Շատ Աղեղնավորներ երբեք ժամանակին չեն գալիս հանդիպման և հաճախ սկսածը մի կողմ են թողնում՝ կես ճանապարհից։ Ի՞նչ կարող ես անել։ Այդպիսի անհաստատ Կենդանակերպի նշաններ են նրանք։ Բայց փոխարենը Աղեղնավորները տարբերվում են սուր մտքով, շատ արագ ինֆորմացիան ընկալելու ունակությամբ, ճկունությամբ, արկածների հանդեպ սիրով։

Ձկներ

Շատերը կզարմանան, սակայն Ձկները նույնպես պատկանում են Կենդանակերպի ամենաանորսալի և անհաստատ նշանների ցուցակին։ Հաճախ գտնվելով Ձկների կողքին՝ դուք կարող եք նկատել, որ նրանք մտքերով շատ հեռու են գտնվում։ Բացի դրանից, Ձկները երբեք չգիտեն թե ինչ են ցանկանում, նրանք անհաստատ են սեփական ցանկություններում և համոզմունքներում։ Նրանք այն աստիճանի ճկուն են, որ որքան էլ ցանկանաք նրանց հետ վիճել, Ձեզ մոտ դա դժվար թե ստացվի։

Կույս

Կույսը՝ ևս մեկ անորսալի և անհաստատ Կենդանակերպի նշան է։ Չնայած նրան, որ նրանք շատ են սիրում կարգուկանոն, նրանց կյանքում հաճախ տիրում է քաոսն ու անկանխատեսելիությունը։ Կույսերը ստեղծում են բազում պլաններ և ցուցակներ, փորձում են ինչ-որ կերպ կարգավորել սեփական ժամանակը, փորձում են ինչ-որ կերպ սանձել իրենք իրենց։ Բայց իրականում նրանք մնում են անորսալի և անհաստատ, ինչպես զեփյուռը։ Կույսերն ունեն սուր միտք և գրավիչ արտաքին, նրանք չեն կարող հանգիստ նստել մեկ տեղում, նրանք պետք է անընդհատ ինչ-որ բանով զբաղված լինեն։