Մարդիկ կմտնեն ձեր կյանք և կթողնեն այն այս կամ այն պատճառով: Սա մարդկային հարաբերությունների արդյունք է: Եվ եթե շարունակեք կառուցել հարաբերություններ, բարեկամական կամ սիրային, ապա ձեզ սպասվում են բաժանումներ:
Մեզանից ոմանք հարաբերությունների ավարտը ավելի զգայուն և խորն եմ ապրում, և դա կարող է նույնիսկ ազդել նրանց հոգեկան առողջության վրա: Դա իսկապես ցավոտ է:
Կան նաև մարդիկ, ովքեր ավելի հեշտ են անցնում բաժանությունների միջով, ավելի քիչ են տառապում և ավելի արագ են առաջ գնում: Նրանք կարծես սովորել են բաց թողնել: Միգուցե դա նրանց պաշտպանական արձագանքն է՝ ցավից խուսափելու համար, կամ նրանք այնքան էլ չեն կապվում հարաբերությունների մեջ:
Ինձ համար մտերիմ ընկերների կամ տղամարդկանց հետ բոլոր բաժանումները հոգեբանորեն տրավմատիկ էին: Իմ ընկալմամբ, երբ մարդիկ սիրում են միմյանց, նրանք մնում են, նրանք աշխատում են հարաբերությունների վրա, քանի որ դուք այդքան մեծ պատմություն ունեք միասին կերտած:
Նման իրավիճակում, եթե դուք նույնպես զգայուն եք բաժանումների նկատմամբ, պետք է հասկանաք, թե ինչու է դա տեղի ունենում:
Շատ դեպքերում մարդկանց հեռանալու պատճառը նրանց անձնական պատմության հետ է կապված: Մենք չենք կարող տեսնել կյանքը մեկ այլ մարդու աչքերով, մենք կարող ենք միայն վերահսկել մեր հույզերը նման իրավիճակում:
Որովհետև, եթե չգիտես, թե ինչու է մարդը հեռացել, ուրեմն, ամենայն հավանականությամբ, չես էլ իմանա: Ավաղ:
Ինչպե՞ս սովորել ընդունել և բաց թողնել, երբ զգում ես, որ քեզ լքել է նա, ով ամենակարևորն է, որի հետ դու խորը կապվածություն ես զգացել: Ինչպե՞ս դիմանալ դրան, որպեսզի այդքան վատ չզգաս: Գուցե դուք ինչ-որ սխալ բա՞ն եք ասել, կամ արել: Հավանաբար ոչ:
Երբեք մի վատնեք ձեր էներգիան՝ փորձելով հասկանալ, թե ինչու է այդ մարդը հեռացել: Սովորեք բաց թողնել այն, ինչը ձեզ համար նախատեսված չէ: «Ինչու» պատասխաններ փնտրելու փոխարեն՝ փոխեք կենտրոնացումը:
Ճշմարտությունն այն է, որ որոշ հարաբերությունների ժամկետը լրանում է: Եվ այդ ժամանակ դրանք այլևս օգուտ չեն բերում ձեզ: Նման հարաբերությունների արժեքը զրոյի է հասնում, և դա հնարավոր չէ փոխել` մտածելով պատճառների մասին:
Դուք պետք է արժանապատվորեն ընդունեք հարաբերությունների ինչպես սկիզբը, այնպես էլ ավարտը: Սրտին մոտ մի ընդունեք ուրիշների պահվածքը: Սովորաբար պատճառը ոչ թե ձեր, այլ նրանց մեջ է:
Գրանցվիր մեր 
