Եթե նա դա անում է, ուրեմն դուք սիրում եք ուժեղ կնոջ:
Ուժեղ կանայք նրանք են, ովքեր կյանքում շատ խնդիրներ են ունեցել, բայց դեռ հույսը չեն կորցրել: Նրանք վճռական են, հասուն և սիրո անհավանական պաշարով: Եթե բախտ է վիճակվել հանդիպել այդպիսի մեկին, պատրաստվեք, քանի որ նա անկախ ամեն ինչից կանի հետևյալը.
1. Նա շիտակ է
Ինչքան էլ միասին լինեք, ուժեղ կինը միշտ ուղիղ կլինի ձեզ հետ: Նա «սարեր ձորեր չի ընկնի» և չի ասի մի բան ՝ քեզանից մեկ այլ բան ակնկալելով:
Ոչ, նա ազնվորեն և բաց կխոսի, առանց «գուշակիր ինքդ» ակնարկների և խաղերի: Նա գիտի, թե ինչ է ուզում և չի ուզում զուր վատնել իր ժամանակը:
2. Նա կարողանում է ինքն իրեն պաշտպանել
Ուժեղ կինը չի վախենում գծել իր սահմանները և հավատարիմ մնալ դրանց, նույնիսկ եթե դա կարող է կոնֆլիկտ առաջացնել: Իրականում, նա պատրաստ է ցանկացած կոնֆլիկտի: Նա թույլ չի տա, որ իրեն նվաստացնեն, ճնշեն:
Նա ունի իր սեփական չափանիշները և կհամոզվի, որ դուք վերաբերվում եք իրեն այնպես, ինչպես արժանի է: Հակառակ դեպքում համոզված եղեք, որ նա ձեզ ցույց կտա դռան տեղը:
3. Նա հավատարիմ է իր զգացմունքներին
Ուժեղ կինը հավատարիմ է մնում իրեն, նույնիսկ երբ հարաբերությունների մեջ է: Նա չի թաքցնում այն, ինչ զգում է, չի վախենում, որ այն չափից շատ կլինի, քանի որ գիտի, որ իրական է ու գնահատում է դա:
Ահա թե ինչու, երբ նրա կողքին եք, չեք անհանգստանա, որ կթվաք թույլ, հիմար կամ խենթ: Նա ցանկանում է, որ դու իսկական ու հավատարիմ լինես ինքդ քեզ, քանի որ այդպես նա կարող է տեսնել քեզ այնպիսին, ինչպիսին կաս:
4. Նա կարող է հոգ տանել ինքն իր մասին
Ուժեղ կինն ինքնուրույն է և ինքնաբավ, առավել հաճախ այն պատճառով, որ ընտրություն չունի: Նա հասկացել է, որ ինքն է պատասխանատու իր բարեկեցության և երջանկության համար՝ անկախ նրանից, կողքին տղամարդ կա՞, թե՞ ոչ:
Նա կապված է ձեզ հետ, բայց չի սպասի, որ դուք կլինեք նրա փրկիչը: Քանի որ նրան ոչ ոք պետք չէ: Նա կարող է հոգ տանել իր մասին, իր կյանքի մասին, և նա երջանիկ էր նույնիսկ նախքան քեզ հանդիպելը:
5. Նա ձեզ կասի այնպիսի բաներ, որոնք իր համար շահեկան չեն
Ուժեղ կինը աչք չի փակի ձեր ոչ պատշաճ վարքի վրա պարզապես այն պատճառով, որ նա անհանգստանում է, որ դուք կհեռանաք իրենից:
Նա գիտի, թե ինչի է արժե և ինչին է արժանի, ուստի չի հանդուրժի վատ վերաբերմունքը: Եվ նա հոգ է տանում նաև ձեր մասին, քանի որ, եթե տեսնի, որ դուք ինչ-որ բան սխալ եք անում, նա կասի դա ձեր սեփական բարիքի համար:
6. Նա կարողանում է պատասխան տալ իր արարքների համար
Ճիշտ այնպես, ինչպես նա անկեղծ է ձեզ հետ, նա ընդունում է, երբ մեղավոր է: Նա սլաքները չի շեղում, չի մեղադրում ուրիշներին: Եթե նա սխալ է, նա խոստովանում է դա: Եվ նա պատրաստ է լուծել խնդիրները և աշխատել հարաբերությունների վրա նույնիսկ ամենադժվար ժամանակներում: Նա մարտիկ է:
7. Նա ձեզ տարածություն է տալիս, երբ դրա կարիքը ունեք
Լինելով ինքնուրույն և ինքնաբավ անձնավորություն՝ ուժեղ կինը հասկանում է, թե երբ է ձեզ պետք տարածություն, և նա հանգիստ է թողնում ձեզ՝ առանց անհանգստանալու: Նա ցանկանում է, որ դուք իր հետ լինեք ոչ թե հարկադրանքով, այլ սեփական որոշմամբ և ցանկությամբ: Իսկ նա գիտի թե ինչով ինքն իրեն զբաղեցնի, որպեսզի չանհանգստանա, թե որտեղ եք հիմա:
8. Նա ձեզ ցույց է տալիս իր սերը
Ուժեղ կնոջ հետ հարաբերությունների մեջ լինելը՝ երբեք չկասկածելն է, թե ինչ կա ձեր միջև: Քանի որ նա ուժեղ է, նա շարունակում է հավատալ սիրուն և ցույց տալ իր զգացմունքները, նույնիսկ եթե նրա սիրտը բազմիցս կոտրվել է: Դուք կտեսնեք նրա սիրո ամբողջ խորությունը:
9. Նա չի վախենում հեռանալ
Եթե նա գիտակցում է, որ հարաբերությունները թունավոր են դարձել՝ չի վախենա հեռանալ: Նա միշտ փորձում է տեսնել քո մեջ ամենալավը և այդքան հեշտությամբ չի հանձնվի, բայց եթե դադարես ջանալ, նա կհեռանա առանց ետ նայելու:
Սկզբում նրա համար դժվար կլինի, նա կկոտրվի, բայց հետո նա կվերածնի իր ուժը և կշարունակի հավատալ, որ մի օր նա նորից սեր կգտնի:
Գրանցվիր մեր Telegram ալիքին։ Ուղարկում ենք միայն թարմ հոդվածները:
