Սիրել և լինել սիրված՝ մի՞թե սա չէ յուրաքանչյուր երիտասարդի երազանքը: Պարզվում է սիրո մեջ բախտավոր լինելու համար պետք է շնորհակալ լինել ոչ միայն ծնողներին, որոնք ձեզ հաճելի արտաքին և լավ բնավորություն են պարգևել, այլ նաև Կենդանակերպի նշաններին: Եկեք տեսնենք, թե կենդանակերպի ո՞ր նշաններին է երջանիկ անձնական կյանք կանխորոշված:
Խոյ
Ինչպես պրակտիկան է ցույց տալիս, Խոյերի մոտ երջանկությունն անձնական կյանքում հազվադեպ է այցելում: Եվ որպես օրենք, սրտային գործերում մեծ հաջողությունների հասնում են այս նշանի կանայք: Բանը նրանում է, որ Խոյերին բնորոշ իմպուլսիվությունն ու, եթե լինենք ազնիվ, էգոիստությունը հաճախ պատճառ է դառնում անձնական կյանքի ձախողման համար:
Ցուլ
Իսկ ահա Ցլերին սիրային հաջողությունն ավելի հաճախ է ժպտում, քան իրենց կոտոշավոր հարևաններին: Ցլերը, ի շնորհիվ իրենց դիվանագիտության և հստակության՝ հեշտությամբ են հարթում յուրաքանչյուր կոնֆլիկտային իրավիճակ: Դրա համար բախտը անձնական առումով նրանց շռայլորեն պարգևատրում է:
Երկվորյակ
Երկվորյակ Կենդանակերպի նշանի տակ ծնված մարդկանց դժվար է սիրո մեջ բախտավոր անվանել, քանի որ նրանք, չնայած իրենց երկրպագուների լայն շրջանակի, հաճախ ձեռքից բաց են թողնում իրենց իրական երջանկությունը: Անկախ սեռից, Երկվորյակները սիրում են վազել մի անգամից երկու նապաստակի ետևից: Իսկ այդպիսի վարքը, միշտ հանգեցնում է համապատասխան հետևանքի:
Խեցգետին
Իսկ ահա Խեցգետինները այն բախտավորներն են, որոնք կարողանում են շատ հեշտությամբ որսալ հաջողությունը: Խեցգետինները հստակ գիտեն, թե ինչ են ցանկանում իրենց կյանքի ուղեկցից և երբ կյանքի ուղեկիցը հայտնվում է նրանց կյանքում՝ անում են ամեն ինչ, որպեսզի վերջինս մնա իրենց կյանքում ընդմիշտ:
Առյուծ
Առյուծներն, ինչպես հայտնի է, տարբերվում են վսեմ խառնվածքով և ամենաընդգրկուն սիրով սեփական անձի հանդեպ: Իսկ այդպիսի որակները հազվադեպ են դուր գալիս մտերիմներին: Ստացվում է, որ Առյուծներն այդքա՞ն էլ բախտավոր չեն սիրո մեջ: Իհարկե ոչ: Այս նշանի մարդիկ, չնայած թագավորական բնավորության, միշտ շրջապատված են երկրպագուների ամբոխով, որոնք պատրաստ են ծառայել նրան, տալ իրենց սերը ամբողջ կյանքում:
Կույս
Ինչպես ցույց է տալիս կյանքը, Կույսերը ոչ միշտ են հաջողություն ունենում սիրո մեջ: Ինչո՞ւ է այդպես ստացվում: Բանը նրանում է, որ այս նշանի մարդիկ միշտ բարձր պահանջներ ունեն կյանքի պոտենցիալ ուղեկիցներից: Այստեղից պարզ է դառնում, որ ոչ բոլորն են պատրաստ կիսել իրենց կյանքը այդպիսի խիստ պահանջներ ունեցող զուգընկերոջ հետ:
Կշեռք
Իրական բախտավորներ են, հատկապես, եթե խոսքը գնում է անձնական կյանքի մասին: Շնորհիվ ճկունության և շփվողականության, այս բախտավորներին հաջողվում է իրենց ետևից շարք կանգնեցնել երկրպագուների մի ամբողջ բանակ: Այս նշանի մարդիկ հազվադեպ են միայնակ լինում, իսկ եթե նրանց մոտ հարաբերությունները չեն հաջողվում, ապա միշտ էլ փոխարինող, նոր թեկնածու կգտնվի կյանքի ուղեկցի թափուր տեղի համար:
Կարիճ
Եթե խոսենք Կարիճների մասին, ապա նրանց անձնական կյանքը միշտ գունավորված է վառ գույներով, իսկ ավելի ճիշտ՝ վառ բծերով: Կարիճներն ի ծնե օժտված են անհավանական կրքով և խարիզմով, որը թույլ է տալիս նրանց միայն հայացքով՝ արբեցնել յուրաքանչյուրին: Թվում է թե այսպիսի տվյալներով՝ նրանց համարձակորեն կարելի է բախտավոր անվանել: Բայց ցավոք, Կարիճները չեն կարողանում ապրել առանց ինտրիգ, խանդի տեսարանների և հարցերի պարզաբանումների, ինչից էլ հենց իրենք են տուժում:
Աղեղնավոր
Շատ հաճախ Աղեղնավոր նշանի տակ ծնված մարդիկ օժտված են ինչ-որ մագնիսական ունակություններով: Հակառակ սեռի ներկայացուցիչներն ուղղակի ձգվում են դեպի Աղեղնավորը: Ամեն ինչ հրաշալի կլիներ, եթե միայն․․․ Բանը նրանում է, որ Աղեղնավորները սիրո հարցում շատ հաճախ կատարում են սխալ ընտրություն, ինչը հաճախ չստացված անձնական կյանքի պատճառ է հանդիսանում:
Այծեղջյուր
Քննարկելով Այծեղջյուրի անձնական կյանքի հաջողության պատմությունը՝ ճիշտ կլինի այն բաժանել տղամարդկային և կանացի կեսերի: Այո-այո, պարադոքսը նրանում է, որ Այծեղջյուր նշանի տղամարդիկ, որպես օրենք, անձնական կյանքում ունենում են հաջողություններ, այն դեպքում, երբ այս նշանի կանանց մոտ ամեն ինչ հարթ չէ անձնական կյանքի հարցերում: Այծեղջյուր կանանց մոտ առաջնորդի որակները և ճկունության բացակայությունը՝ հաճախ չեն թողնում նրանց կառուցել ներդաշնակ հարաբերություններ:
Ջրհոս
Ջրհոսների մեծ մասը կյանքին վերաբերվում են թեթև և պարզ: Նրանք ուղղակի ուշադրություն չեն դարձնում բացասականի վրա և փորձում են ամեն ինչում տեսնել միայն լավը: Կյանքի հանդեպ այդպիսի վերաբերմունքը թույլ է տալիս նրանց դեպի իրենց ձգել միայն ուրախությունն ու բարին: Զարմանալի չէ, որ այս մարդկանց շուրջը միշտ լի են մարդիկ, ովքեր ցանկանում են նրանցից դրական լիցքեր ստանալ: Իհարկե իրերի այսպիսի դասավորությունը դրական է անդրադառնում Ջրհոսների անձնական կյանքի վրա:
Ձկներ
Իսկ ահա Ձկներին չի կարելի դասել սիրո մեջ երջանիկ մարդկանց թվին: Նրանք թեկուզ օժտված են բոլոր այն որակներով, որոնք բարձր են գնահատվում անձնական հարաբերություններում, սակայն նրանք բոլորովին չեն կարողանում ներդաշնակ մթնոլորտ ստեղծել տանը: Ձկների էմոցիաները և տրամադրության անկումները ունակ են հեռացնել նույնիսկ ամենահամբերատար զուգընկերոջը:
Գրանցվիր մեր 
