Ո՞րն է Ձեր բնավորության ամենալավ գիծը։ Ինչո՞ւմ եք ամենաշատը վստահ։ Դա ինչ-որ ֆիզիկակա՞ն է, ինչպես, օրինակ, Ձեր արտաքինը, թե՞ բնավորության գիծ, օրինակ՝ հեշտությամբ ելք գտնել յուրաքանչյուր իրավիճակից։ Եթե դուք այս հարցերը ուղղեիք Կենդանակերպի նշանների ներկայացուցիչներին, ապա հավանաբար կստանայիք տարբեր պատասխաններ։

Եվ այսպես, եկեք տեսնենք, թե ո՞րն է Կենդանակերպի նշաններից յուրաքանչյուրի բնավորության ամենալավ գիծը։

Խոյ

Դա կարող է տարօրինակ հնչել, սակայն Խոյն ամենաշատը վստահ է իր վստահությանը: Նա գիտի, որ եթե ինչ-որ բան է ուզում կյանքից, դա կստանա, քանի որ հսկայական թափանցող ուժ ունի: Նա գլուխը բարձր է պահում նույնիսկ երբ մարդիկ փորձում են խաթարել իր հեղինակությունը կամ կասկածի տակ դնել իր ունակությունները:

Ցուլ

Ցուլը լավ ընկեր է, դրանում բացարձակապես համոզված է: Գիտի մարդկային որակյալ հարաբերությունների գինը և աշխատում է առավելագույնս պատասխանատու և հուսալի լինել: Եթե ձեզ պետք է մարդ, ով ձեզ համար ամուր թիկունք կլինի և ամեն ինչում կաջակցի, Ցուլից լավ ընկեր չեք գտնի:

Երկվորյակ

Ամենաշատը վստահ են ամեն ինչում և բոլորի մեջ բարին տեսնելու իրենց ունակության հարցում: Դրականությունը նրանց համար փրկվելու և ամենածանր ժամանակներում դիմանալու միջոց է: Երկվորյակները համոզված են, որ կարող են իրենց կյանքը դեպի լավը փոխել պարզապես ավելի բարի և երջանիկ լինելով:

Խեցգետին

Ամեն կերպ փորձում է ցույց տալ, որ հոգ է տանում իր մասին, ձեր կամ մնացած բոլորի մասին: Նա համոզված է, որ մտերիմ մարդկանց կյանքը կարող է ավելի ուրախ և լուսավոր դարձնել: Այս նշանը գիտի, որ եթե իրեն շրջապատող մարդիկ երջանիկ լինեն, իր առաքելությունը կարելի է կատարված համարել: Նա անկեղծորեն հավատում է, որ ամենը ինչ մեզ պետք է, սերը և հոգատարությունն են:

Առյուծ

Անհավանականորեն հավատարիմ է՝ ոչ միայն իր համար թանկ մարդկանց համար աշխարհի ծայրը կգնա, այլև երբեք նրանց չի դավաճանի: Համոզված է իր նվիրվածության հարցում, դա նրան դարձնում է բացառիկ զուգընկեր և ընկեր: Հնարավոր է՝ եսակենտրոն է, բայց գիտի, որ միշտ հնարավոր առավելագույնն անում է իր մոտ շրջապատի համար:

Կույս

Միշտ ամեն ինչ վերլուծում է: Ամենաշատը համոզված է իր խելամտության և ինտելեկտի հարցում, ուստի հպարտ է իր խոհեմությամբ և վերլուծական մտքով:

Կշեռք

Եթե այդ նշանը պետք է հաջողության հասնի, առանց շփոթվելու իր գրավչությունը գործի կդնի: Կշեռքներն ամենաշատը վստահ են ցանկացած մարդու հիացնելու իրենց ունակության հարցում: Շատ են սիրում ուշադրություն:

Կարիճ

Շատ է սիրում իրեն: Նա համզոված է իր ինքնասիրության հարցում, դա չի քննարկվում: Կարիճն իր երկրպագուն է, հանուն իրեն պատրաստ է հասնել ինչի ասես, ոչ ոք նրան չի կարող կանգնեցնել:

Աղեղնավոր

Համոզած է ազնիվ և շիտակ լինելու իր ունակության հարցում՝ միաժամանակ չլինելով անտակտ և կոպիտ: Երբեմն գերագնահաում է իրեն, քանի որ վիրավորում է շրջապատողների զգացմունքները, բայց երբեք իրեն չի խոստովանում: Աղեղնավորը համարում է, որ իր առաքելությունն է այս աշխարհ ուրախություն բերելը, բարություն և ճշմարտություն ուսուցանելը:

Այծեղջյուր

Միշտ համոզված է սեփական հաջողության հարցում: Երբ հասնում է նպատակին, անմիջապես սկսում է մյուսի մասին մտածել: Նաև համոզված է իր մոտիվացիայի հարցում որպես իր գլխավոր շարժիչ ուժի: Կարողանում է կյանքում քայլել գլուխը բարձր:

Ջրհոս

Արարող է, նորարար, ինչի շնորհիվ՝ շատ բանի է հասնում: Նրա հաղթաթուղթը ոչ շաբլոն մտածողությունն է: Դա այն է, ինչում նա ամենաշատը վստահ է: Ջրհոսը գիտի, որ եթե խրվի առօրյա հոգսերում, ապա չի կարողանա ոչ մի հեղափոխական բան անել և չի կարողանա աշխարհը փոխել դեպի լավը։

Ձուկ

Շատ խելացի են, բայց չգիտես, թե ինչու կարծում են, որ ամպերում սավառնելը շատ օգտակար և առաջխաղացնող է իրենց համար: Ամենաշատը վստահ են իրենց բաց և անկեղծ լինելու մեջ, ինչը նրանց դարձնում է հրաշալի ընկեր, գործընկեր: Սակայն Ձկները շատ հաճախ են փախչում իրականությունից դեպի իրենց սեփական երևակայություն, որտեղ իրենց համար շատ ավելի հարմարավետ է, քան մեր կոպիտ և դաժան աշխարհում․