Հոդվածի առանցքը. Յուրաքանչյուր կենդանակերպի նշան ունի հարաբերությունները խզելու իր յուրօրինակ հոգեբանական մեխանիզմը: Մինչ որոշ նշաններ (Խոյ, Ջրհոս) կիրառում են «արմատական ջնջման» մակտավարությունը՝ վայրկենական խզելով բոլոր կապերը, մյուսները (Խեցգետին, Ձկներ) երկար ժամանակ մնում են էմոցիոնալ կապվածության մեջ՝ դժվարությամբ բաց թողնելով անցյալը:
Բոլորիս կյանքում էլ կան մարդիկ, որոնք արդեն անցյալում են: Սակայն նախկին մտերիմների հետ կապերը խզելու հարցում մենք բոլորս տարբեր ենք գործում: Մեկը կարող է սառնասրտորեն արգելափակել մարդուն ու ընդմիշտ այրել կամուրջները, իսկ մյուսը դեռ տարիներով հետևում է նախկինների սոցցանցերին՝ չկարողանալով կտրել անտեսանելի կապը:
Միացե՛ք մեր Telegram ալիքին
Բաց մի թողեք նոր հոդվածներն ու էքսկլյուզիվ վերլուծությունները։ Կարդացեք ամենակարևորը՝ առաջինը։
Արի հասկանանք, թե ինչպես է աշխատում Կենդանակերպի նշաններից յուրաքանչյուրի ինքնապաշտպանությունը նման դեպքերում, և ովքեր են իրականում ամենաշատը կառչում անցյալից:
Կապվածության գերիներն ու կարոտողները. Խեցգետին, Ցուլ, Ձկներ
Այս նշանների համար ինչ-որ մեկին կյանքից արմատախիլ անելը հավասարազոր է ֆիզիկական ցավի: Նրանք մարդկանց շատ դժվար են բաց թողնում։
- Խեցգետինն անցյալից կառչում է մինչև վերջ։ Նրա համար մարդուն կյանքից ջնջելը նույնն է, թե սեփական պատմությունից մի ամբողջ գլուխ պոկի։ Նույնիսկ բաժանումից տարիներ անց Խեցգետինը կարող է թաքուն պահել հին նվերները ու նորից վերապրել անցած զգացմունքները։ Նրանք կարողանում են մարդուն հրաժեշտ տալ միայն այն ժամանակ, երբ գտնում են նոր, լիովին ապահով նավահանգիստ։
- Ցուլը տանել չի կարողանում փոփոխություններ։ Արտաքուստ նա կարող է լրիվ հանգիստ ու անտարբեր թվալ, բայց իրականում դժվարությամբ է պոկվում այն մարդկանցից, որոնց կողքին իրեն հարմարավետ է զգացել։ Ցուլի համար հարաբերությունները խզելը հարված է իր կայունությանը, դրա համար նա մինչև վերջ կփորձի փրկել դրությունը: Բայց եթե որոշեց գնալ՝ կանի դա ծանր, դանդաղ, սակայն՝ անվերադարձ:
- Ձկները սիրում են ռոմանտիկացնել անգամ ամենաավերիչ հարաբերությունների ավարտը։ Նրանք կարող են իրենց մտքում լրիվ ուրիշ սցենարներ հորինել ու ժամերով տխուր երաժշտություն լսելով՝ սնուցել կարոտը: Փոխանակ մարդուն պարզապես իրենց կյանքից հանեն, Ձկները նրան տեղափոխում են իրենց երևակայական աշխարհ ու իդեալականացնում։
Անխիղճ «ջնջողներն» ու փախչողները. Խոյ, Երկվորյակ, Աղեղնավոր, Ջրհոս
Այս քառյակի կանոնը մեկն է՝ այն, ինչ ավարտվել է, այլևս գոյություն չունի։
- Խոյի մոտ զիջումներ չկան։ Եթե հարաբերությունն իրեն սպառեց, նա բառացիորեն հողին կհավասարեցնի կամուրջները։ Բլոկ, հեռախոսահամարի ջնջում, ոչ մի շփում։ Նա չի տրվում զգացմունքներին ու կարոտին, այլ վայրկյանապես անցնում է նոր փուլի՝ առանց անգամ հետ նայելու։
- Երկվորյակների ուղեղն այնքան արագ է անցնում նոր տպավորությունների, որ նախկին մտերիմներն ուղղակի մղվում են հետին պլան։ Մարդուն կյանքից հանելը նրանց համար ողբերգություն չէ. դա պարզապես ուշադրության շեղում է։ Նրանք կարող են անկեղծորեն մոռանալ քո գոյության մասին, եթե հորիզոնում ավելի հետաքրքիր մեկը հայտնվի։
- Աղեղնավորն ու Ջրհոսը ազատության իսկական սիրահարներն են։ Աղեղնավորը խզված կապերից պարզապես փախչում է՝ ճամփորդելով կամ նոր միջավայր գտնելով: Իսկ Ջրհոսն ուղղակի անջատում է էմոցիաները։ Նա մի եզակի հատկություն ունի՝ կարող է երբեմնի ամենամտերիմ մարդուն վայրկյանների ընթացքում սարքել լիակատար անծանոթ:
Տես նաև՝ Այրելով կամուրջները։ Կենդանակերպի 5 նշան, որոնք հեռանում են առանց ետ նայելու
Սառը վերլուծաբանները (և վրեժխնդիրները). Կույս, Կարիճ, Այծեղջյուր
Նրանք դատարկ արցունքներ չեն թափում և չեն էլ փորձում զոռով մոռանալ անցյալը։ Բաժանումը նրանք վերածում են պարզ հաշվարկի։
- Կույսը կապը խզելուց առաջ մանրադիտակով կուսումնասիրի դիմացինի բոլոր սխալներն ու թերությունները։ Նա պիտի ինքն իրեն տրամաբանորեն համոզի, որ այդ մարդն այլևս անելիք չունի իր կյանքում։ Կույսի մոտ այդ պրոցեսը նման է վիրահատության՝ մաքուր, ճշգրիտ և վերջնական։
- Կարիճը երբեք ոչինչ չի մոռանում, առավել ևս՝ սուտն ու ցավը։ Նա մարդուն դուրս է շպրտում իր կյանքից շատ արագ և անողոք, բայց ենթագիտակցորեն միշտ վերահսկում է դիմացինի մասին ինֆորմացիան։ Կարիճը կամուրջներ չի այրում, նա պայթեցնում է դրանք, բայց մոխիրը պահում է՝ որպես իրեղեն ապացույց:
- Այծեղջյուրը նախկին հարաբերություններին նայում է որպես մի չարդարացված ռիսկի։ Եթե մարդը դադարեց համապատասխանել նրա նպատակներին կամ արժեքներին, նա ավտոմատ կերպով հեռացվում է դաշտից։ Այծեղջյուրը չի թաղվում հույզերի մեջ. նա ուղղակի ամրացնում է իր սահմաններն ու շարժվում առաջ։
Սեփական իրականության ռեժիսորները. Առյուծ, Կշեռք
Այս նշանները մարդկանց ջնջելիս մտածում են միայն սեփական իմիջը փրկելու մասին։
- Առյուծն այնպես է հեռանում (կամ հեռացնում դիմացինին), որ հանկարծ իր արժանապատվությունն ու հպարտությունը չտուժեն։ Նա կանի հնարավոր ամեն ինչ, որպեսզի վերջաբանն իրենը լինի, իսկ ինքը մնա հաղթողի կարգավիճակում։ Առյուծն ուզում է, որ իր բացակայությունը մեծ կորուստ թվա մյուսի համար:
- Կշեռքներն ամեն գնով խուսափում են բաց կոնֆլիկտներից։ Նրանք տանել չեն կարողանում տգեղ վեճերը, դրա համար էլ մարդուն կյանքից հանում են կամաց-կամաց, աննկատ, հաճախ «արի մնանք ընկերներ» կեղծ պատրանքի ներքո: Հենց այս մեղմության պատճառով էլ նրանք հաճախ մինչև վերջ չեն կարողանում կտրել կապը։
Գրանցվիր մեր 
