Գերմանացի ֆիզիկոսն առաջարկել է մարդկային գիտակցության ծագման անսովոր վարկած. նրա կարծիքով՝ այն կարող է առաջանալ ոչ թե անմիջապես գլխուղեղում, այլ Տիեզերքի հիմնարար էներգետիկ դաշտի հետ փոխազդելու միջոցով։ Այս տեսությունը նկարագրված է Frontiers in Human Neuroscience ամսագրում։
Չմոռանաք բաժանորդագրվել մեր Telegram ալիքին:
Հետազոտության հեղինակը Տնտեսական հետազոտությունների գերմանական ինստիտուտի (DIWISS) ֆիզիկոս Յոահիմ Կեպլերն է։ Նա առաջարկում է ուղեղն ընդունել ոչ թե որպես գիտակցության աղբյուր, այլ որպես մի համակարգ, որը քվանտային գործընթացների միջոցով պարզապես միանում է դրան։
Կեպլերը գիտակցության ծագումը կապում է այսպես կոչված զրոյական տատանումների դաշտի հետ։ Դա մի քվանտային ֆոնային դաշտ է, որը, ըստ ֆիզիկայի տեսությունների, լցնում է ողջ տարածությունը նույնիսկ վակուումային վիճակում։ Ըստ գիտնականի մոդելի՝ գլխուղեղի կեղևում առկա որոշ մոլեկուլներ, որոնք կապված են գլուտամատ նեյրոմեդիատորի հետ, ունակ են ռեզոնանսի մեջ մտնել այդ դաշտի հետ։
Ենթադրվում է, որ նման ռեզոնանսը կարող է գործարկել մի շարք գործընթացներ, որոնք ազդում են նեյրոնների աշխատանքի և նրանց ակտիվության համաժամանակեցման (սինխրոնիզացիայի) վրա։ Հեղինակի կարծիքով՝ հենց նեյրոնային ցանցերի այս համաձայնեցված աշխատանքն է հանգեցնում սուբյեկտիվ փորձառության՝ այն ամենի առաջացմանը, ինչը մարդն ընկալում է որպես գիտակցություն։
«Գիտակցությունը գտնվում է դաշտում։ Մենք պարզապես այն օգտագործում ենք», — պնդում է Կեպլերը։
Սակայն գիտական հանրությունը զգուշությամբ է մոտենում այս վարկածին։ Մասնագետների խոսքով՝ նման մեխանիզմի գոյության ուղղակի փորձարարական ապացույցներ առայժմ չկան։ Ընդհանուր առմամբ, գիտակցության ծագման հարցը ժամանակակից գիտության ամենաբարդ խնդիրներից մեկն է, և մինչ օրս չկա համընդհանուր ընդունված որևէ տեսություն։
Կարդացեք նաև՝ Ըստ քվանտային ֆիզիկայի՝ մահ գոյություն չունի. այն ընդամենը պատրանք է
Այդուհանդերձ, գիտակցության «արտաքին» աղբյուրի մասին բուն գաղափարը միանգամայն նոր չէ։ Նմանատիպ մոտեցումներ հանդիպել են նաև փիլիսոփայության մեջ։ Օրինակ՝ դեռևս XX դարի սկզբին Վլադիմիր Վեռնադսկին առաջ քաշեց նոոսֆերայի հայեցակարգը։ Դա բանականության յուրահատուկ ոլորտ է, որը պարուրում է Երկիր մոլորակը, և որտեղից մարդկությունը կարող է գիտելիքներ ու գաղափարներ քաղել։
Գրանցվիր մեր 
