Հիշու՞մ եք ձեր մորաքրոջ տան հեռախոսահամարը, որը հավաքում էիք 15 տարի առաջ։ Հավանաբար՝ այո։ Իսկ հիշու՞մ եք ձեր ամուսնու կամ կնոջ համարը հիմա։ Իսկ լավագույն ընկերո՞ջ։
Չմոռանաք բաժանորդագրվել մեր Telegram ալիքին:
Եթե դուք կորցնեք ձեր սմարթֆոնը, դուք կկորցնեք կապը աշխարհի հետ, որովհետև ձեր ուղեղում այլևս ինֆորմացիա չկա։ Դուք ամեն ինչ պահում եք «ամպերի» մեջ, իսկ ձեր գլխում՝ դատարկություն է։
Բարի գալուստ 21-րդ դարի ամենալուռ և ամենասարսափելի համաճարակ՝ Թվային Դեմենցիա (Digital Dementia)։
Ի՞նչ է կատարվում ձեր ուղեղի հետ
Տերմինը առաջինը շրջանառության մեջ են դրել հարավկորեացի բժիշկները։ Նրանք նկատեցին, որ 18-25 տարեկան երիտասարդները գանգատվում են հիշողության կորստից, կենտրոնացման պակասից և էմոցիոնալ բթությունից։ Ախտանիշներ, որոնք նախկինում հանդիպում էին միայն գանգուղեղային վնասվածք ստացածների կամ ծերունական թուլամտություն ունեցողների մոտ։
Մեխանիզմը պարզ է և դաժան. Ուղեղը մկան է։ Եթե դուք դադարում եք քայլել, ձեր ոտքերը ատրոֆիայի են ենթարկվում (չորանում են)։ Եթե դուք դադարում եք հիշել ճանապարհը (որովհետև կա GPS), հիշել փաստեր (որովհետև կա Google) և հաշվել մտքում (որովհետև կա հաշվիչ), ձեր ուղեղի Հիպոկամպը սկսում է ֆիզիկապես փոքրանալ։
Սարսափելի փաստ.
Microsoft-ի հետազոտությունը ցույց է տվել, որ ժամանակակից մարդու ուշադրության կենտրոնացումը (attention span) ընկել է մինչև 8 վայրկյան։ Համեմատության համար՝ ակվարիումի ոսկե ձկնիկինը 9 վայրկյան է։ Մենք պաշտոնապես պարտվել ենք ձկներին։
Ստուգեք ինքներդ ձեզ. Ունե՞ք արդյոք «Թվային դեմենցիա»
Եթե այս կետերից առնվազն 2-ը համապատասխանում են ձեզ, ուրեմն դուք ռիսկային գոտում եք.
- 1. Դուք չեք կարողանում կարդալ երկար տեքստեր։
Ձեր աչքերը «թռչում» են տողերի վրայով, դուք փնտրում եք միայն վերնագրերը։ Գրքի 2 էջ կարդալը տանջանք է դարձել։ - 2. Տեղեկատվական «աղբ»։
Դուք մտնում եք սենյակ և մոռանում, թե ինչու էիք մտել։ Դուք բացում եք հեռախոսը ժամը նայելու համար, բայց մտնում եք Instagram և մոռանում նայել ժամը։ - 3. Խուճապ՝ առանց հեռախոսի։
Եթե հեռախոսը մնացել է տանը կամ մարտկոցը նստել է, դուք զգում եք ոչ թե անհարմարություն, այլ ֆիզիկական տագնապ և անպաշտպանություն։
Կարդացեք նաև՝ Ինչպես նվազեցնել երեխայի կախվածությունը գաջեթներից
Ինչու՞ է սա վտանգավոր երեխաների համար
Մեծահասակների ուղեղը գոնե հասցրել է ձևավորվել մինչև սմարթֆոնների դարաշրջանը։ Երեխաների մոտ իրավիճակը կատաստրոֆիկ է։
Երբ երեխան օրվա մեծ մասը անցկացնում է էկրանի դիմաց, զարգանում է միայն նրա ուղեղի ձախ կիսագունդը (որը պատասխանատու է տրամաբանության և ինֆորմացիայի ընդունման համար)։ Իսկ աջ կիսագունդը (էմոցիաներ, ինտուիցիա, կենդանի շփում) թերզարգացած է մնում։
Արդյունքում մենք ստանում ենք սերունդ, որը գիտի՝ ինչպես Google անել ցանկացած հարց, բայց չի կարողանում նայել զրուցակցի աչքերին, չի զգում ուրիշի ցավը և հակված է դեպրեսիայի։
⚠️ Ի՞նչ անել:
Պատասխանը պարզ է, բայց դժվար իրագործելի։ Սկսեք մարզել ուղեղը։ Անգիր արեք հարազատների համարները։ Օգտագործեք GPS-ը միայն անծանոթ տեղանքում։ Եվ ամենակարևորը՝ օրական գոնե 1 ժամ անջատեք հեռախոսը։ Ձեր ուղեղը շնորհակալություն կհայտնի ձեզ։
Գրանցվիր մեր 
