Կյանքում շատ անտրամաբանական ու անբացատրելի բաներ կան։ Օրինակ՝ «Մի արա բարություն, չես ստանա չարություն», «Որքան շատ անում, այնքան քիչ ես գնահատվում» ֆենոմենը։ Այս ճշմարտությունների ըմբռնումը գալիս է միայն տարիքի հետ, փորձ ձեռք բերելով և մեկից ավելի անգամ սայթաքելով:

Չմոռանաք բաժանորդագրվել մեր Telegram ալիքին:

Կան մարդիկ, որոնց բախտը բերում է, ամեն ինչ հոսում է ուղիղ նրանց ձեռքը՝ երջանկություն, սեր, փող, բարեկեցություն։ Նրանք կարիք չունեն չարչարվելու իրենց օրվա հացը վաստակելու համար, նրանք կարիք չունեն մտածելու, թե որտեղ են ապրելու:

Եվ կան դրանց կատարյալ հակադրությունները՝ մարդիկ, ովքեր ջանում են իրենց առավելագույն ուժերով, իսկ ճակատագիրը, ասես ծաղրելով նրանց ջանքերը, բռունցքով անընդհատ ցավոտ հարվածում է նրանց քթին։

Իմ ծանոթը վերարտադրության մասնագետի կաբինետի մշտական ​​այցելու է: Նա ցանկանում է երեխա ունենալ, բայց ոչինչ չի ստացվում։ Իսկ նրա հարևան ընկերուհիները հեշտությամբ հղիանում են։ Եվ մանկասայլակներով քայլում են նրա առաջ։ Ինչո՞վ է նա ավելի վատը:

Զույգը 10 տարի ապրել է վարձով բնակարանում՝ գումար խնայելով սեփական տան համար։ Երբ նրանք որոշեցին գնել առանց հիփոթեքի, մեկ գիշերվա ընթացքում անշարժ գույքի գները կրկնապատկվեցին: Նրանք ստիպված եղան բանկից մի քանի միլիոն պարտք վերցնել։ Ի՞նչ մեղք են նրանք գործել։ Ի վերջո, նրանք ծույլ կամ անբան չէին, երեք հոգու փոխարեն էին աշխատում, հոգնում էին…

Ինչո՞ւ է, որ որքան շատ է կինը ջանում իր ամուսնու համար, այնքան մեծ է հավանականությունը, որ նա, հոգնած լինելով տոտալ երկրպագությունից, կհեռանա իրենից: Ինչո՞ւ են երեխաները փախչում մայրերից, ովքեր փորձում են իրենց ամբողջ հոգին դնել նրանց մեջ:

Ստորության օրենքը գործում է. այն, ինչ ձեզ պետք է, երբեք ձերը չի լինի: Երբ անհետանում է հրատապ կարիքը, ապա երեկվա երազանքը հայտնվում է հենց քո քթի առջև:

«Ամեն ինչ իրականանում է, պարզապես պետք է դադարել ցանկանալ», – ասում էր դերասանուհի Ֆաինա Ռանևսկայան:

Դա նման է կյանքի ինչ-որ անհայտ օրենքի. որքան շատ ես ջանք թափում և փորձում, այնքան հեռու ես քո նպատակից:

Ստացվում է, որ ձեզ անհրաժեշտ է միայն նահանջել, անտարբեր լինել և հավատալ ճակատագրին: Կան մարդիկ, ովքեր պնդում են, որ մեր կյանքի սցենարը վաղուց է գրված։ Եվ պետք չէ զուր տեղը շատ անհանգստացնալ:

Եթե ​​մեզ վիճակված է հարուստ լինել, դա պարտադիր չէ, որ լինի հոգնեցնող աշխատանք: Միանգամայն հնարավոր է, որ ձեր բակում գանձ գտնեք։ Կամ միջնահարկում դոլարներով ճամպրուկ կգտնեք։ Կամ կգնեք վիճակախաղի տոմս և կշահեք ջեքփոթը:

Եթե ​​ձեզ վիճակված է ամուսնանալ հրաշալի մարդու հետ, ապա ձեզ հարկավոր չէ իրադարձություններ «կառուցել» և ժամադրվել ծանոթությունների կայքում, պարզապես պետք է սպասել այդ ճակատագրական հանդիպմանը: Ճակատագիրն ինքը ձեզ քիթ-քթի կհանդիպեցնի:

Կարդացեք նաև՝ «Կյանքը քեզ ոչինչ պարտք չէ»։ 10 սթափեցնող մեջբերումներ Մուջիից

Իսկ ես կարծում եմ, որ դա ծույլ, պասիվ մարդկանց դիրքորոշումն է, որոնք գնում են հոսքի հետ։ Սեփական ծուլության ամենօրյա հաղթահարման, միաժամանակ պարզելով այն հարցը, թե ինչ եմ ես ինձանից ներկայացնում և երկրորդ կես գտնելու փորձերի մեջ՝ վատ բան չկա։ Ընդհակառակը, դա անձի շարունակական զարգացում է:

Եթե ​​դուք պառկեք ափին և պառկած մնաք, ապա վաղ թե ուշ ձեր թշնամիների մարմինները լողալով կանցնեն գետով, բայց դրանց հետ մեկտեղ կանցնեն նաև կյանքի բոլոր ուրախությունները:

Ահա թե ինչ է ասել 14-րդ Դալայ Լաման. «Հիշեք, որ այն, ինչ ուզում եք, միշտ չէ, ինչ ձեզ իսկապես անհրաժեշտ է»:

Եթե ​​մարդը կենտրոնանում է իր նպատակի վրա այնպես, որ իր շուրջը ոչինչ չի նկատում, ապա ոչ մի ջանք չի օգնի նրան երջանիկ ապրել։ Ինչո՞ւ ճակատդ ջարդես փակ դռան վրա, երբ մոտակայքում կան շատ ուրիշներ: Մեզ շատ լավ բաներ են ասում աշխատասիրության և համառության մասին, բայց եկեք չմոռանանք հեռատեսության և ճակատագրին ենթարկվելու մասին։

Եթե ​​մեր մոխրագույն առօրյայում ոչ մի պայծառ ու անսովոր բան տեղի չի ունենում, միգուցե հենց այդ պահին մեզ պաշտպանում է ճակատագիրը:

Մեզ համար հետաքրքիր կլինի՞ ապրել, եթե ամեն ինչ լինի ճիշտ այնպես, ինչպես պլանավորել ենք։ Եթե ​​մենք հեշտությամբ կարողանայինք ստանալ այն ամենը, ինչի մասին կարող էինք երազել:

Ես մի անգամ բուլդոզերի համառությամբ ձգտում էի պաշտոնի, ընկերուհիս ինձ մի փայլուն բան ասաց՝ թուլացրու բռնվածքս, եթե չես ուզում նևրոզով հիվանդանալ, թող իրավիճակը։ Եվ ամեն ինչ կլինի այնպես, ինչպես պետք է լինի:

Ես հնազանդվեցի, թուլացրեցի մկաններիս արդեն ցավ պատճառող բռունցքներս և ազատեցի դրանց մեջից երազանքներս։ Այդ պաշտոնին աշխատանքի ընդունեցին մեկ ուրիշին։ Իսկ կես տարի անց ինձ հրավիրեցին միանալ թիմին։ Երազանքս այնուամենայնիվ իրականացավ, բայց ոչ այնպես, ինչպես ես էի պատկերացնում։ Մի ասացվածք կա՝ ինչ նախատեսված է քեզ համար, ուրիշ ոչ ոք չի վերցնի։

Ինձ դուր են գալիս հնդիկ գուրու Նիսարգադատա Մահարաջայի խոսքերն այն մասին, թե ինչու է մարդը գերի դառնում սեփական ծրագրերին և մտադրություններին.

Մի հուզվեք, ամեն ինչ իր ժամանակն ունի…
Ազատությունը՝ ազատություն է անհանգստությունից:
Երբ հասկանաք, որ չեք կարող ազդել արդյունքների վրա, անտեսեք ձեր վախերը:
Թող դրանք գան ու գնան։
Մի սնեք նրանց հետաքրքրությամբ և ուշադրությամբ:
Իրականում ամեն ինչ տեղի է ունենում քեզ հետ, այլ ոչ թե քո կողմից…

Թարգմանություն՝ Մադամ Հելգայի նյութերից