Մենք բոլորս հիանում ենք իսկապես ուժեղ և վճռական մարդկանցով: Բայց միևնույն ժամանակ մի փոքր վախենում ենք նրանցից՝ բնավորության որոշ գծերի պատճառով (հենց դրանք են նրանց ուժ տալիս): Նման մարդիկ մեզ չափազանց սառն են թվում կամ նույնիսկ չար։ Իրականում ուժեղ մարդիկ նույնն են, ինչ մենք բոլորս։ Նրանք սիրում են, տառապում, կարեկցում են՝ ինչպես Երկրի վրա գտնվող յուրաքանչյուր մարդ:

Չմոռանաք բաժանորդագրվել մեր Telegram ալիքին:

Ինչպես որ բնության մեջ չկա միայն սև ու սպիտակ, այնպես էլ մեզանից յուրաքանչյուրն ունի և՛ վատ, և՛ լավ գծեր։ Ինչ-որ մեկը կարող է լինել բարի և համակրելի, իսկ սիրո մեջ՝ պարտություն կրել պարտության հետևից: Իսկ մյուսը հիանալի է շախմատ խաղում, որը պահանջում է տրամաբանություն և ռացիոնալություն, բայց չի կարողանում սովորել, թե ինչպես կառուցել առողջ հարաբերություններ։ Ինչպես տեսնում եք, ուժեղ անհատականության գծերը գոյակցում են թույլերի հետ՝ այդպիսին ենք մենք:

Եվ այստեղ արդեն ձեզանից է կախված, թե ինչ ուղղությամբ ուղղորդել այս գծերը: Եթե ​​ցանկանում եք հաջողության հասնել, հարաբերությունները կարգավորել և հարգանք ձեռք բերել, համարձակորեն «ուժեղ դարձեք»: Բայց մի փորձեք ձեր ուժն ուղղել ինչ-որ մեկի դեմ՝ կպարտվեք:

Ինչպե՞ս կենտրոնանալ և զարգացնել ձեր մեջ ուժեղ գծերը, որոնք կարող են ինչ-որ տեղ խորը թաքնված լինել և առաջին հայացքից անտեսանելի լինել: Ահա մի քանի բնավորության գծեր, որոնք մեզ իսկապես «զրահակայուն» են դարձնում.

1. Խնդիրները հնարավորություններ են

Մարդկանց երկու տեսակ կա: Առաջինները խուճապի են մատնվում, թաքնվում ու փախչում, հենց որ բախվում են ինչ-որ խնդրի։ Մինչ մյուսներն անում են հակառակը։ Այնպես չէ, որ նրանք ուրախությունից թռչկոտում են, բայց նրանք օգտագործում են խնդիրը որպես ինչ-որ բան սովորելու կամ նոր հմտություններ ձեռք բերելու հնարավորություն:

Այսպիսով, ո՞րն է տարբերությունը ուժեղ և թույլ մարդկանց միջև: Ուժեղներն ունեն բնավորության գծեր, որոնք թույլ են տալիս խնդիրները դիտարկել որպես աճի հնարավորություն: Սա բնավորության շատ կարևոր գիծ է՝ երբեք մի հանձնվեք:

2. Նրանք շատ ընտրողական են իրենց ընկերական հարաբերություններում

Գիտեի՞ք, որ ուժեղ մարդիկ շատ ընտրողական են ընկերական հարաբերություններում: Այլ կերպ ասած, նրանք շատ ավելի քիչ ընկերներ ունեն, քան շատերը, բայց դա «շոփինգի համար» ընկերություն չէ: Նրանց միավորում են ավելի խորը հետաքրքրություններն ու նպատակները։

Ընկերության մեջ այս ընտրողականությունը շատ օգտակար է։ Այն օգնում է հեռացնել կեղծ ընկերներին, ովքեր ժպտում են մեր աչքերում, բայց շշնջում են մեր մեջքի հետևում: Այսպիսով, ուժեղ մարդիկ ժամանակ և էներգիա չեն վատնում մարդկանց վրա, ովքեր արժանի չեն դրան։

Դատարկ խոսակցություններն ու կեղծ հարաբերությունները նրանց համար չեն։ Նույնիսկ եթե բոլորը նրանց համարեն մեկուսի։

3. Նրանք չեն փորձում ուշադրություն հրավիրել իրենց վրա

Նկատե՞լ եք, թե այս պահին քանի սելֆի կա սոցիալական ցանցերում: Բառացիորեն ամեն վայրկյանը մեկ ծանոթներից մեկը հրապարակում է հերթական լուսանկարը՝ սնունդ ռեստորանում, նոր գնված հագուստ, մատնահարդարում կամ դիմահարդարում: Իհարկե այս ամենը անառողջ բանի նշան չէ, բայց ուժեղ մարդիկ երբեք դա չեն անում։ Անկեղծ ասած, նրանք պարզապես անիմաստ են համարում նման «զբաղմունքը»։

Նրանք ոչ մի կերպ հավելյալ ուշադրություն գրավելու կարիք չունեն։ Ինչի՞ համար:

Ուժեղ և վստահ զգալու համար նրանք սոցիալական ցանցերում «լայքերի» և խրախուսական մեկնաբանությունների կարիք չունեն։ Առանց ուրիշների հավանության էլ՝ նրանք ինքնաբավ են: Եվ այդ «ուշադրությունը» գտնում են ներսում։ Նրանք իրենք են իրենց գնահատում և հավանություն տալիս՝ և դա բավական է։ Հավատացեք, դա հիանալի է աշխատում:

4. Նրանք միշտ ասում են այն, ինչ մտածում են

Ուժեղ մարդկանց տարբերակիչ առանձնահատկությունն այն է, որ նրանք երբեք չեն փորձում հարմարվել ինչ-որ մեկի հետ: Նրանք իրենց կարծիքը կհայտնեն ցանկացած պարագայում՝ անկախ դեմքերից։ Թեկուզ նրանց դիմաց ղեկավարն է կամ  բանակի գեներալը։ Միգուցե կողքից դա կոպիտ թվա, քանի որ ճշմարտությունը միշտ չէ, որ «սպիտակ ու փափկամազ» է, բայց նրանք չեն լռի։

Ուժեղ մարդիկ չեն ցանկանում վիրավորել կամ ճնշել որևէ մեկին, բայց այդպիսին է նրանց էությունը՝ գնալ առաջ: Նրանք չեն հանդուրժում խոսքերն ու մտորումները, եթե տեսնում են նպատակը՝ «խփում են ուղիղ թիրախին»։ Ուստի նրանցից վիրավորվելն իմաստ չունի։ Նրանք չեն փորձում ինչ-որ մեկին շրջանցել կամ անհրապույր լույսի տակ ներկայացնել: Նրանք պարզապես շարունակում են առաջ գնալ:

Կարդացեք նաև՝ Ոգով ուժեղ մարդու էներգիայի պահպանման 13 կանոն

5. Նրանք չեն սիրում դրամա կամ տեսարաններ

Ուժեղ մարդիկ երբեք դրամաներ չեն անում և չեն հանդուրժում այս հատկությունը ուրիշների մեջ: Երբ ինչ-որ բան պատահի, նրանք կհետաքրքրվեն կատարվածով, կօգնեն, եթե դա իրենց ուժերի սահմանում է, բայց այդքանը: Մի քանի ժամ անընդմեջ զրուցել, մանրամասներից հետաքրքրվել և դատարկախոսել՝ իհարկե, չեն անի:

Նման մարդիկ ֆիլմեր են դիտում կամ գրքեր են կարդում, երբ զգում են «դրամայի» բացակայությունը։ Իսկ դատարկ խոսակցությունն ու բամբասանքը թույլերի բաժինն է:

6. Նրանք չեն վարանում օգնություն խնդրել

Չգիտես ինչու, բոլորը գտնում են, որ եթե օգնություն ես խնդրում, նշանակում է դու թույլ մարդ ես և չես կարող ինքնուրույն հաղթահարել: Բոլորովին: Ուժեղ մարդիկ այդպես չեն մտածում և օգնություն են խնդրում հեշտությամբ և բնականաբար։ Նրանք չեն «ծամծմում», այլ հստակ բարձրաձայնում են իրենց խնդիրները։

Փաստն այն է, որ դրանում ոչ մի ամոթալի բան չկա՝ ինչ-որ մեկից լավություն խնդրել, եթե մարդն ունի ժամանակ և հնարավորություն։ Միգուցե դուք նույնպես մի օր օգտակար կլինեք նրան։ Սա կյանք է, և մենք պետք է օգնենք միմյանց:

Բնականաբար, մեր աշխարհում կան շատ մարդիկ, ովքեր չարաշահում են ուրիշների վստահությունը և փորձում իրենց խնդիրները բարդել մարդկանց վրա՝ օգնություն խնդրելով։ Բայց սա վերաբերում է միայն թույլ մարդկանց։ Ուժեղները երբեք որևէ մեկից ոչինչ չեն խնդրի, եթե իրենք կարողանան դա անել:

7. Նրանք չեն վախենում հեռանալ

Եթե ​​ուժեղ մարդուն ինչ-որ բան դուր չի գալիս, նա չի սպասի ու դիմանա։ Նա պարզապես կհեռանա։ Նա երբեք չի ձգձգի կամ ձևացնի: Իմա՞ստը: Նրանք երբեք բլեֆ չեն անում, չեն սպառնում կամ շանտաժի չեն ենթարկում։ Նրանք պարզապես մի օր հեռանում են և չեն վերադառնում:

Եթե ​​նրանք տեսնում են, որ հարաբերությունները կամ աշխատանքը առաջացնում են ոչ այլ ինչ, քան զայրույթ ու ձանձրույթ, նրանք այդ մասին բարձրաձայն խոսում են։ Դրանից հետո նրանք չեն ընկնում դեպրեսիայի կամ հուսահատության մեջ, այլ սկսում են մտածել, թե ինչպես փոխել իրենց կյանքը։ Եվ նրանց համար սա ամենևին էլ դրամա կամ դժբախտություն չէ, այլ կյանքի մի մասնիկ։