Այո, տղամարդիկ նույնպես պետք է ձգտեն ավելի լավ սիրել իրենց կանանց։ Հասկանան, թե ինչպես սիրել և սիրեն նրանց: Բայց հիմա մի քիչ կանանց մասին: Եվ ինքներդ ձեր և տղամարդու հանդեպ սիրո փոխկապակցվածության մասին։

1. Նախ սիրեք ինքներդ ձեզ

Կանանց մեծամասնությանը սովորեցնում են, թե ինչպես սիրել և փայփայել ամուսնուն, այն դեպքում, երբ պետք է սկսել քեզնից: Պետք է բավականաչափ սիրել ինքդ քեզ, որպեսզի սահմանեք անձնական սահմաններ, հոգ տանեք ձեր մասին ֆիզիկապես, էմոցիոնալ, հոգեպես և ֆինանսապես:

2. Ուշադրություն դարձրեք ձեր խոսքերին

Միայն այն պատճառով, որ դուք ուժեղ, անկախ և ինքնավստահ կին եք, չի նշանակում, որ միշտ պետք է ասեք այն, ինչ մտածում եք: Նույնիսկ սիրելիի կողքին: Դուք պետք է կարողանաք կանգնեցնել ինքներդ ձեզ և ձեր էմոցիաները, հատկապես բացասական: Նախ մտածեք, շունչ քաշեք և, հետո խոսեք։

3. Անձամբ մի ընդունեք նրա տրամադրության փոփոխությունները

Տրամադրության փոփոխություններ ունեն ոչ միայն կանայք։ Միայն այն, որ նա լուռ է կամ վրդովված տեսք ունի, չի նշանակում, որ դա ձեր պատճառով է: Մի շտապեք բացասաբար մտածել, եթե ոչինչ չգիտեք։

Փոխարենը ստեղծեք ապահով միջավայր, որպեսզի նա խոսի իրեն անհանգստացնող բանի մասին: Եթե ​​նա պատրաստ չէ խոսել, ընդունեք դա և շեղվեք: Հիշեք՝ զգացմունքները վարակիչ են։ Թող նա վարակվի ձեր դրական հույզերով։

4. Պահպանեք ինտիմ գրաֆիկ

Մեծահասակներն այնքան զբաղված կյանք ունեն, որ հաճախ ժամանակ ու էներգիա չի մնում անկողնային կյանքի համար։ Եվ ոչ, սեքսը միշտ չէ, որ պետք է ինքնաբուխ լինի: Եթե ​​դա ձեր ժամանակացույցի մեջ է, ապա դուք նույնիսկ անհամբեր կսպասեք դրան։ Գլխավորը ամեն ինչ չնվազեցնելն է պարտականությունների կատարման մակարդակին. մինչ այդ սիրախաղ արեք հաղորդագրություններում, հուշեք, հիշեցրեք, դիտեք նախախաղը:

5. Նվազեցրե՛ք «Ինչո՞ւ» հարցերի քանակը

Կանայք սիրում են պարզել, թե ինչու, բայց տղամարդիկ հազվադեպ են մտածում այդ մասին, թե ինչու են վարվել այսպես թե այնպես։ Միգուցե նրանք գիտեն, բայց չեն ուզում խոսել:

6. Ասեք նրան այն, ինչ ուզում եք, որ նա իմանա

Եթե ​​ցանկանում եք, որ նա փոխի իր որևէ վարքագիծ, ասեք նրան այդ մասին, միայն նրբանկատորեն: Սա ժամանակ և համբերություն է պահանջում, բայց արժե:

Ակնարկների և ենթատեքստի կարիք չկա, պարզապես ասեք: Տղամարդը ցանկանում է ձեզ ուրախացնել, այլ ոչ թե վրդովել և նյարդայնացնել: Պարզապես ասեք նրան, թե ինչպես դա անել: Նա չի ցանկանում կռահել և կգնահատի ձեր օգնությունը:

7. Ասեք նրան, երբ նա ինչ-որ բան ճիշտ է անում

Ասեք նրան, որ գնահատում եք այն, ինչ նա անում է, որ սիրում եք, որ հպարտանում եք նրանով։ Այսպիսով, նա կզգա իրեն ձեր հերոսը: Ժլատություն մի արեք գովասանքի վրա, եթե ցանկանում եք, որ նա շարունակի նույն ոգով: