Գլխավոր ՕԳՏԱԿԱՐ, ՀԵՏԱՔՐՔԻՐ, ԱՆՀԱՎԱՆԱԿԱՆ Ուղեղը բացասական մտքերից ազատելու 10 միջոց

Ուղեղը բացասական մտքերից ազատելու 10 միջոց

Կյանքի դժվար պահերին բոլոր մարդիկ ենթարկվում են բացասական մտքերի մեծ հոսքի: Բայց ի՞նչ անել, երբ վատատեսությունը կրնկակոխ հետևում է ձեզ ամեն օր: Դա կարող է հոգնեցնել, ուժգնացնել սթրեսը և ուղղակի խանգարել նորմալ կյանքին:

Ձեզ ենք ներկայացնում 10 միջոց, որոնք կօգնեն հաղթահարել գլխում բուն դրած բացասականին:

1. Խոստովանեք ինքներդ ձեզ, որ մտածում եք բացասաբար

Բացասական մտքերից հնարավոր չէ ազատվել մեկ օրում, բայց յուրաքանչյուր պրոբլեմի լուծման առաջին քայլը՝ դրա ընդունումն է: Երբ դուք գիտակցում եք դժվարության առկայությունը՝ անմիջապես սկսեք այն հաղթահարել:

2. Գտեք պրոբլեմի արմատը

Բացասական մտքեր կարող են հրահրվել տարբեր աղբյուրներից: Առաջին հերթին պետք է գտնել կյանքի այն ոլորտը, որտեղ դուք ձեզ զգում եք առավել տագնապալից: Մի փորձեք պայքարել բուն մտքերի հետ՝ պետք է գտնել պատճառը, որը հրահրում է ձեզ բացասաբար մտածել:

3. Պահեք օրագիր

Գրանցեք օրագրում այն, ինչ ձեզ անհանգստացնում է օրվա ընթացքում: Այդպիսով դուք ձեր մեջ չեք պահի ամբողջ բացասականը և նաև հետագայում կկարողանաք վերլուծել և մտորել, արդյո՞ք պատճառ կա անհանգստանալու համար:

4. Նետեք աղբարկղի մեջ

Այս կետը սերտորեն կապված է նախորդ կետի հետ: Գրեթե բոլոն էլ մի անգամ լսել են «Մտքերն ունակ են նյութականանալու» արտահայտությունը: Հանձնելով դրանք թղթին, դուք ինչ-որ ժամանակով դրանց առարկայական պատկանելիություն եք հաղորդում: Այդ պատճառով փորձեք գրանցել ձեր բացասական մտքերը նոթատետրի մեջ, իսկ հետո պոկեք թերթը և ազատվեք դրանցից յուրաքանչյուր տարբերակով՝ պատռեք, նետեք աղբամանի մեջ կամ այրեք:

5․ Մի ընդհանրացրեք

Եթե նույնիսկ ձեզ հետ որևէ անհաջողություն է պատահել, պետք չէ առանձին դեպքի բացասականը տեղափոխել ընդհանուրի վրա: Եթե դուք մերժում եք ստացել մեկ հարցազրույցից, դա բոլորովին չի նշանակում, որ ձեզ անընդհատ պետք է մերժեն: Ամեն մի անհաջողություն պետք է դիտարկել որպես եզակի դեպք և որպես թանկարժեք փորձ ապագայի համար:

6. Մի պարփակվեք ինքներդ ձեր մեջ

Եթե դուք որոշել եք պաշտպանվել արտաքին աշխարհից, ապա դուք ստիպված եք մնալ դեմ առ դեմ ձեր մտքերի հետ: Ավելի լավ է փորձեք կիսվել ինչ-որ մեկի հետ ձեզ անհանգստացնող հարցով: Պետք չէ բացասականը պահել ներսում: Արտահայտվելով՝ դուք անմիջապես կզգաք թե որքան թեթևացավ ձեր հոգին:

7. Ավելի ինքնավստահ եղեք

Անինքնավստահությունը ստիպում է մարդուն անհանգստանալ այն ժամանակ, երբ տագնապի և անհանգստության որևէ պատճառ կարող է և չլինել: Պետք չէ մտածել այն մասին, թե ինչպիսի տեսք ունեք և ինչ կարող են մարդիկ մտածել ձեր մասին: Անհանգստանալով այդպիսի մանրուքների պատճառով՝ դժվար է ապրել լիարժեք կյանքով:

8. Շեղվեք որևէ դրականի վրա

Պրոբլեմի վրա կենտրոնանալու փոխարեն ավելի լավ է շեղվել որևէ դրականի վրա: Զբաղվեք նրանով, ինչ ձեզ հաճույք է պատճառում, ժամանակ անցկացրեք ընկերների հետ կամ դուրս եկեք զբոսնելու միայնակ: Միջավայրի փոփոխությունը կօգնի ազատվել բացասականից:

9. Նայեք իրավիճակին այլ տեսանկյունից

Փորձեք  պրոբլեմին նայել այլ կողմից և հումորով: Հնարավոր է դա կօգնի գնահատել իրավիճակը ավելի պարզ հայացքով և հասկանալ, որ իրականում դրա համար պետք չէ անհանգստանալ:

10․ Պատրաստ եղեք նրան, որ բացասական մտքերը կրկին կվերադառնան

Կիրառելով նշված միջոցներից որոշները, վստահ մի եղեք, որ ազատվել եք բացասական մտքերից ընդմիշտ: Այդպիսի փոփոխությունները տեղի չեն ունենում մեկ օրում: Գլխավոր կանոնը՝ զարգացնել ձեր մոտ սովորություն և տագնապի մեջ չընկնել, երբ հանկարծ կրկին տագնապալից մտքերը կհայտնվեն ձեր գլխում:

Փորձեք կիրառել այս միջոցները, երբ ամեն անգամ ձեր գլխում ծագում են բացասական մտքեր: Փորձեք հաճույթ ստանալ կյանքից և ուրախանալ ամեն օրվա համար:

Загрузка…

 

կարդացեք նաև

Կենդանակերպի ո՞ր նշաններն են սիրում տառապել

Այս հորոսկոպը ներկայացնում է ըստ Կենդանակերպի նշանի ամենաիսկական տառապյալներին, որոնք ուղղակի շատ են սիրում տառապել։ Կույս Նրանց տառապելու գլխավոր պատճառն իրենց գլխում է։ Անընդհատ մտածողությունը և...

Ընդհանուր գիտելիքները ստուգող ԹԵՍՏ

Տարիքի հետ շրջապատող աշխարհը դադարում է հետաքրքրել մեզ այնպես, ինչպես նախկինում։ Եվ մենք ավելի ու ավելի ենք տարվում առօրյա հոգսերով։ Մենք դադարում ենք հետաքրքրվել...

12 սուր նկարազարդում, որոնք մերկացնում են մեր աշխարհի մութ կողմերը

Մեր աշխարհը իդեալական չէ, նրանում շատ անարդարություն կա։ Բայց որպեսզի այն վերականգնվի և սկսել գործել՝ նախ պետք է հասկանալ պրոբլեմի էությունը։ Ներկայացնում ենք նկարազարդումներ, որոնց...

ԹԵՍՏ․ Գիտելիքների մակարդակի ստուգում: Կկարողանա՞ք հավաքել 10 միավոր

Մեզանից յուրաքանչյուրն անընդհատ որևէ նոր բան է իմանում, ինչի մասին գաղափար չուներ նախկինում: Բայց միայն քչերն են հիշում այն ինչ սովորում կամ իմանում են:...

Ահա թե ինչ տեսք կունենան մարդկանց մեծամասնությունը 40 տարի հետո․ National Geographic-ի կանխատեսումը

Գիտնականները պնդում են, որ ապագայում մեզ մեծ փոփոխություններ են սպասվում, և մարդկությունը նույնպես չի լինի նախկինի նման: Մարդիկ փոխվում են, արյունները խառնվում են, ի...