Իսկական տղամարդը կփորձի Ձեզ հասնել՝ ամեն օր։ Նա կմոտիվացնի Ձեզ դառնալ ավելի լավը, կաջակցի և կանտեսի Ձեր փոքրիկ թերությունները…
Կնոջ բարեհաճությանն արժանանալը ինքնին մեծ արվեստ է։ Ցավոք, այն հաճախ թերագնահատում են։
Մենք շատ հազվադեպ ենք խոսում այն մասին, թե որքան կարևոր է, որ շահեն մեր համակրանքը, նույնիսկ եթե մենք արդեն տասը տարի ամուսնացած ենք ու երջանիկ ենք։ Մեզանից յուրաքանչյուրն ունի իր պահանջմունքներն ու ցանկությունները, որոնք ուրիշները կարող է և չկիսեն, սակայն մենք բոլորս էլ արժանի ենք նրան, որ մեզ փորձեն նվաճել ու գերել։
Այնպես որ, հանդիպեք այն տղամարդու հետ, որն իրոք փորձում է շահել ձեր բարեհաճությունը, որը հուզվում է միայն այն մտքից, որ մի օր կարող է ձեր կողքին հայտնվել։
Հանդիպեք նրա հետ, ում համար ամեն մի ժամադրություն ձեզ հետ մեծ իրադարձություն է, ով ուզում է, որ ձեզ հետ յուրաքանչյուր հանդիպում կատարյալ լինի։
Ընտրեք նրան, ով ծրագրում է հանդիպումները, այլ չի հրավիրում անկյունի սրճարանը միայն նրա համար, որ այդպես իրեն է հարմար՝ հանդիպման մասին մեկ ժամ առաջ տեղեկացնելով մեսենջերով։
Եղեք նրա հետ, ով վստահում է ձեր ուժերին և գիտի, թե ինչ եք դուք ուզում ու ինչի եք ձգտում։ Ընտրեք նրան, ով չի դադարի նվաճել ձեզ, նույնիսկ եթե դուք արդեն վաղուց նրա գրկում եք։
Ով միշտ փորձում է ձեզ զարմացնել։ Ով հասկանում է միայնության գինը, բայց միևնույնն է գիտի, թե ինչպես ստիպի ձեզ ընտրյալ զգալ։ Միշտ։
Հանդիպեք նրա հետ, ով չի ամաչում ձեր նկատմամբ սիրուց, ով հպարտությամբ է պատմում այդ սիրո մասին իր ընկերներին ու բարեկամներին։ Նրա հետ, ով ձեզ այնպես է սիրում, ինչպես դուք կցանկանայիք, որ ձեզ սիրեին։
Ընտրեք նրան, ով գիտի, թե ինչպես է իր բախտը բերել ձեր հարցում, նրան, ով գիտի, որ միայն դուք կարող եք լրացնել դատարկությունը։
Հանդիպեք նրա հետ, ով անսահման հիանում է ձեզանով, ում դուք միշտ և ցանկացած պարագայում հիասքանչ եք թվում։
Դուք արժանի եք, որ ձեզանով հիանան։ Արժանի եք, որ ձեզ ընտրյալ զգաք։ Արժանի եք սիրուն և սիրելի մարդուն, որը երբեք չի դադարում առաջ գնալ։
Գրանցվիր մեր 
