Անձի բնորոշման թեստերը հաճախ ասոցացվում են խորհրդանիշերի հետ։ Մեր այսօրվա թեստում եկեք դիտարկենք դռները։ Երբևէ առօրյա կյանքում դրանց վրա ուշադրություն դարձրե՞լ եք։ Դուք նկատե՞լ եք, որ դրանց իմաստը կարող է խորհրդանշական լինել՝ եթե դուք ցանկանում եք կյանքում կատարել ևս մեկ քայլ, ապա նշանակում է, որ մի օր դուք պետք է բացեք ինչ-որ դուռ։ Այդպիսի դռները կարևոր են, դրանք ունեն տարբեր ձևեր և գույներ, կարող են լինել մետաղյա, փայտյա կամ ապակյա։

Խորհրդանշական է, որ դուռը կարող է ցույց տալ ճանապարհը դեպի նոր իրականություն կամ բոլորովին արգելափակել։

Եվ այսպես, դիտեք այս դռները՝ ո՞րը կընտրեիք.

Դուռ 1

Բաց մարդ եք, լի դրական էներգիայով։ Հարաբերությունները միշտ անկեղծ են, չեք թաքցնում ձեր զգացմունքները։ Կյանքը դուր է գալիս ձեզ։ Սիրում եք ծանոթանալ նոր մարդկանց և մշակույթների հետ։ Ձեր էնտուզիազմը վարակիչ է, մարդիկ ձեր կողքին իրենց հարմար են զգում։

Դուռ 2

Պարզ, համեստ մարդ եք, ով չի սիրում գրավել բոլորի ուշադրությունը։ Լսող եք։ Կատարում եք ձեր պարտավորությունները, հասնում նպատակներին։ Մի փոքր վառ գույները չեն խանգարի ձեզ։ Դրանք կարող են նոր արկածներ ու տպավորիչ հիշողություներ բերել ձեր կյանք։

Դուռ 3

Յուրահատուկ եք, հետաքրքիր անհատականություն։ Սիրում եք ուշադրություն գրավել, հիշվել մարդկանց կողմից։ Ինտելեկտուալ եք, պաշտում եք արվեստը, ձեզ հետաքրքրում են բազմաթիվ թեմաներ։ Երբեմն սավառնում եք երկնքում և կարող եք չափազանց պարզ ու միամիտ լինել։

Դուռ 4

Ընկալունակ եք, ստեղծագործ մարդ․ նույն խմբում են նաև երաժիշտներ, նկարիչներ, գրողներ։ Ձեզ բնորոշ են տրամադրության անկումները․ որոշ ժամանակ բաց եք, շփվող, բայց մի րոպե հետո փակվում եք ինքներդ ձեր մեջ։ Անձնական խնդիրները հուզում են ձեզ, նեղացնում, ինչը ցույց չեք տալիս։

Դուռ 5

Միշտ աջակցություն եք որոնում մտերիմների կողմից։ Աշխատում եք ողջ ուժով, փորձում անել առավելագույնը։ Սիրում եք աշխատանքներ, որոնք ստեղծագործական մոտեցում են պահանջում։ Երբեմն այնքան եք տարվում աշխատանքով, որ չեք տեսնում, թե ինչ է կատարվում ձեր շուրջ։ Հիշեք, որ աշխատանքը ձեր ամբողջ կյանքը չէ․ պարբերաբար հարկավոր է ընդմիջել և հանգստանալ։

Դուռ 6

Այս դուռն ընտրում են ինքնավստահ մարդիկ։ Ուշադիր եք դետալների նկատմամբ, արտաքին տեսքը հուզում է ձեզ, անհանգստանում եք, թե ինչ են մյուսները մտածում ձեր մասին։ Ձեզ դուր է գալիս, երբ հիանում են ձեզանով։ Ձեզ բնորոշ է պերֆեկցիոնիզմը։ Երբեմն հարկավոր է դադար տալ, սկսել ավելի շատ ապրել ինքներդ ձեր, այլ ոչ թե ուրիշների համար։

Դուռ 7

Բացարձակ մինիմալիստ եք։ Անվտանգությունն ու առողջությունը ձեզ համար ավելի կարևոր են, քան արտաքին տեսքը։ Հակված եք զոհել ինքներդ ձեզ մտերիմների համար և հաճախ առաջնորդվում եք միայն սեփական զգացմունքներով։

Դուռ 8

Լի եք էներգիայով, ուրախության, միշտ երիտասարդ մնալու զգացումով։ Միևնույն ժամանակ՝ ձեզ չի բավարարում ինքնավստահությունը, ինչն ազդում է ձեր գործողությունների ու որոշումների վրա։ Սովորեք մի փոքր ավելի ինքնաբերական լինել, ձեզ ավելի շատ ազատություն տվեք, որպեսզի սովորեք սիրել ինքներդ ձեզ։ Միայն այդ կերպ կարող եք կյանքում առավելագույն հաջողության հասնել։

Դուռ 9

Վերլուծող մարդ եք։ Պաշտում եք պարզությունը, սահմանված կանոնները։ Կյանքի նկատմամբ պրակտիկ մոտեցում ունեք։ Կարող եք լուծում գտնել գրեթե յուրաքանչյուր խնդրի համար։ Սիրում եք նաև օգնել մարդկանց, ինչից մեծ հաճույք եք ստանում։

Դուռ 10

Գնահատում եք կայունությունն ու ներդաշնակությունը։ Ռիսկային նախաձեռնություններին չեք մասնակցում։ Երբ աշխատանքը դուր չի գալիս ձեզ, ամբողջ պոտենցիալը չեք օգտագործում, պարզապես անցկացնում եք աշխատանքային օրը։ Հիշեք, որ ինքներդ պետք է լուծեք սեփական խնդիրները․ որևէ այլ մեկը դա ձեր փոխարեն չի անի։