Շատ հաճախ ամենաօգտակարը պարզվում է ամենասովորականը։ Փայլաթիթեղը, սոդան, օսլան՝ դրա ուղիղ ապացույցն են։ Բայց ամենից քիչ վստահում են սպիրտին։ Եվ շատ իզուր։ Ահա ներկայացնում ենք Ձեզ սպիրտի օգտագործման 15 օգտակար խորհուրդ, որոնք միանշանակ պետք կգան կենցաղում։ Եվ այսպես.

1. Մաքուր հայելիներ

Թրջեք մաքուր, ֆլանելային կտորը սպիրտով և սրբեք հայելին։ Արդյունքը Ձեզ հաճելիորեն կզարմացնի։ Սովորական սպիրտը կարող է հայելու վրայից հեռացնել ճարպահետքերն ու այլ հետքեր։

2. Մաքրություն ճռռոցով

Այս խորհուրդը հատկապես օգտակար կլինի ուսուցիչներին և նրանց, ովքեր օգտագործում են սպիտակ, մարկերային գրատախտակ։  Այս գրատախտակներին կարելի է վերադարձնել նախկին տեսքը՝ առանց հատուկ միջոցների կիրառման։ Մաքրեք այն նույն կերպ, ինչպես հայելիները։

3. Ոչ մի կաթիլ ճարպ

Վերջ դրեք գազօջախի վրայի ճարպահետքերը վերացնելու համար տարբեր տեսակի քիմիկատներ ձեռք բերելու ավելորդ ծախսերին։ Թրջեք կտորը սպիրտով և մաքրեք այդ ճարպերը։ Դրանք կմաքրվեն շատ հեշտ։

4. Կապտուկների և վնասվածքների դեմ

Ուղղակի սառույցի հրաշալի բաղադրատոմս, որը կարելի է դնել վնասվածքների վրա։ Խառնեք հավասար քանակությամբ ջուր և սպիրտ, իսկ հետո լցրեք հեղուկը հերմետիկ փակվող փաթեթի մեջ՝ նախապես ավելացնելով մի փոքր ներկանյութ։ Սառեցրեք այն։ Եվ ահա վնասվածքների համար նախատեսված հրաշալի սառույցը պատրաստ է։

5. Բնական դեզադորանտ

Սփրեյի տարրայի մեջ խառնեք սպիրտը և մի փոքր եթերայուղ, որի բույրը ձեզ դուր է գալիս։ Սա բնական դեզադորանտի ամենապարզ բաղադրատոմսն է։ Տհաճ հոտերը առաջացնում են մանրէները, իսկ սպիրտը, որպես հակասեպտիկ՝ սպանում է դրանք։ Իսկ եթերայուղն էլ թողնում է հաճելի բույր։

6. Կանխեք օձիքին կեղտաբծերի առաջացումը

Որպեսզի կանխեք օձիքին կեղտաբծերի առաջացումը, նախքան օսլայած և արդուկած վերնաշապիկը հագնելը, մաքրեք պարանոցը նախապես սպիրտի մեջ թրջված տամպոնով։

7. Մեղմացրեք քորը

Եթե մաքրեք մոծակի կծածը սպիրտով, այն կհանգստացնի քորը և տհաճ զգացողությունը։

8. Մոմեր

Սպիրտի օգնությամբ կարելի է մաքրել մոմերը և հեռացնել դրանց վրայից այրուքները։ Նույն կերպ կարելի է մաքրել մոմակալները։

9. Գրանիտե քար

Սովորաբար մասնագետները, ովքեր զբաղվում են գրանիտով, ասում են, որ քարը պետք է փայլեցնել հատուկ փայլեցնող նյութերով։ Այդ նյութերը իհարկե էժան չեն։ Ահա այդ նյութերի էժան անալոգը։ Վերցրեք շիշ, լցրեք այն 1/8 մաս սպիրտ և ըստ աչքաչափի ավելացրեք մի փոքր լվացող միջոց։ Մնացած ծավալը լցրեք ջրով։

10. Հեռացնում ենք լաքը

Մասնավորաբար, այս բաղադրատոմսը հրաշալի է գործում գորգերի պարագայում։ Եթե եղունգների համար նախատեսված լաքը ինչ-որ կերպ թափվել է գորգի վրա, գորգի այդ մասը առատորեն թրջեք սպիրտով և սրբեք միկրոֆիբրայից պատրաստված կտորով։

11.  Անտիֆրիզ

Պատկերացրեք իրավիճակ. դուք չունեք անտիֆրիզ, իսկ ավտոմեքենայի դիմապակին սառցակալել է։ Կօգնի սովորական սպիրտը։ Այստեղ ոչ մի հրաշք չկա։ Հակասառեցնող միջոցների բաղադրության մեջ պարտադիր մտնում է նաև սպիրտը։

12. Անկոչ հյուրերի դեմ

Դրոզդոֆիլերը կարող են իրական գլխացավանք դառնալ։ Եթե դրանք վխտում են ձեր մրգերի վրա, պուլվերիզատորի մեջ լցրեք սպիրտ և ցողեք այն միջատների վրա։ Դրանք կթափվեն գետնին և դուք հեշտությամբ կկարողանաք հեռացնել դրանց։

13. Հեռացնում ենք պիտակները

Նաև գնապիտակներ, էտիկետներ և այլ «կպչուն երևույթներ»։ Ուղղակի սպիրտով թրջեք կտորը և մի լավ սրբեք պիտակը։ Մի փոքր սպասեք և հեռացրեք այն։

14. Միկրոֆիբրայից բազմոց

Ուղղակի կեղտաբծերի վրա սպիրտ ցողեք և խոզանակով մի լավ քերեք այն։ Հավելյալ մաքրումը կարելի է կատարել բամբակաթղթային կտորով։

15. Խոտի բծերը

Խոտի կամ ծաղիկների թողած բծերը կարելի է հեռացնել սպիրտի օգնությամբ։

^{Աղբյուրը՝ marketium.ru}