fbpx
Գլխավոր ՇՓՈՒՄ ԳԵՂԵՑԻԿԻ ՀԵՏ ՀԱՆՐԱՃԱՆԱՉ ՄԱՐԴԻԿ Էրիխ Մարիա Ռեմարկ. «Ամենամեծ ատելությունը ծագում է նրա հանդեպ, ով կարողացել է...

Էրիխ Մարիա Ռեմարկ. «Ամենամեծ ատելությունը ծագում է նրա հանդեպ, ով կարողացել է դիպչել սրտին, իսկ հետո թքել հոգու մեջ»

Հանճարեղ գրողի 36 լավագույն մեջբերումները:

Էրիխ Մարիա Ռեմարկը ամենաշատ ընթերցվող գերմանացի գրողներից մեկն է, ում կյանքը հեշտ չի դասավորվել: 18 տարեկանում նրան կանչում են ծառայության Արևմտյան ճակատ, որտեղ նա վիրավորվում է ձախ ոտքի, աջ թևի և պարանոցի շրջանում: Հենց այս փորձառությունն է նա հիմք ընդունել «Արևմտյան ճակատում առանց փոփոխության» վեպը գրելու համար՝ բացահայտելով պատերազմի դաժանությունը, ինչպես նաև գրել է մի շարք այլ հակապատերազմական ստեղծագործություններ: Ռեմարկի շատ այլ գործեր նույնպես հիմնված են գրողի կյանքի պատկերների և իրադարձությունների վրա: Դրանց թվում է «Երեք ընկեր» վեպը, որի նախատիպը մի քանի հերոսուհիների համար եղել է Ռեմարկի կինը՝ Իլզա Յուտա Զամբոնան:

Հեմինգուեյի և Ֆիցջերալդի հետ մեկտեղ Ռեմարկին դասում են «կորսված սերնդի» գրողների շարքին: Նա գրել է սիրո և պատերազմի, մարդկանց ճակատագրի, կամքի և հավատքի մասին, և նրա անմահական գործերի վրա մեծացել է ոչ մեկ սերունդ:

Մենք հավաքել ենք այս հանճարեղ գրողի 36 լավագույն մեջբերումները, որոնցում այնքան ճշգրիտ են ընդգծված պարզ, բայց այդքան կարևոր ճշմարտությունները:

1. Երջանկության մասին կարելի է խոսել հինգ րոպե, ոչ ավելին: Այստեղ ոչինչ չես կարող ասել, բացի այն, որ երջանիկ ես: Իսկ դժբախտության մասին մարդիկ խոսում են զօր ու գիշեր:

2. Որքան քիչ ինքնահավան է մարդը, այնքան ավելի արժեքավոր է նա։

3. Կյանքում հաղթում են միայն հիմարները: Իսկ խելացիի աչքին ամենուրեք միայն խոչընդոտներ են թվում, և դեռ ինչ-որ բան չսկսած՝ նա արդեն հասցնում է կորցնել ինքնավստահությունը:

4. Քանի դեռ մարդը չի հանձնվում, նա ուժեղ է իր ճակատագրից:

5. Այն, ինչ չես կարող ունենալ, միշտ ավելի լավն է թվում, քան այն ինչ ունես: Սրանում է կայանում մարդկային կյանքի ռոմանտիկան և ապուշությունը:

6. Չկա ավելի հոգնեցուցիչ բան, քան ներկա գտնվել թե ինչպես է մարդը ցուցադրում իր խելքը: Հատկապես, երբ խելք չկա:

7. Կինը ձեզ համար մետաղական կահույք չէ. նա ծաղիկ է: Նա չի ցանկանում գործնականություն: Նրան պետք են արևոտ, քաղցր բառեր: Ավելի լավ է նրան ամեն օր հաճելի բաներ ասել, քան օրնիբուն քրտնաջան աշխատել նրա համար:

8. Միայն դժբախտները գիտեն, թե որն է երջանկությունը:

9. Իրականում, մարդը իսկապես երջանիկ է միայն այն ժամանակ, երբ նա ավելի քիչ ուշադրություն է դարձնում ժամանակին, և երբ վախը չի մղում նրան: Եվ այնուամենայնիվ, նույնիսկ եթե վախը մղում է ձեզ, կարող եք ծիծաղել: Էլ ուրիշ ի՞նչ է մնում անել:

10. Երջանկությունն աշխարհում ամենաանորոշ և թանկարժեք բանն է:

11. Ամենամեծ ատելությունը ծագում է նրա հանդեպ, ով կարողացել է դիպչել սրտին, իսկ հետո թքել հոգու մեջ

12. Եթե ​​մենք դադարենք հիմարություններ անել, կնշանակի՝ ծերացել ենք:

13. Ամենաուժեղ զգացողությունը հիասթափությունն է: Ոչ վրդովմունքը, ոչ խանդը և ոչ էլ ատելությունը… դրանցից հետո հոգում գոնե ինչ-որ բան է մնում, հիասթափությունից հետո՝ դատարկություն է:

14. Ես կանգնած էի նրա կողքին, լսում էի նրան, ծիծաղում ու մտածում, թե որքան սարսափելի է սիրել կնոջը և լինել աղքատ:

15. Ասում են, որ ամենադժվարը առաջին յոթանասուն տարիներն ապրելն է: Իսկ հետո ամեն ինչ ընթանում է սահուն կերպով:

16. Ապաշխարությունն աշխարհում ամենաանիմաստ բանն է: Միևնույնն է ոչինչ չես կարող վերադարձնել:

17. Ոչինչ հնարավոր չէ շտկել: Հակառակ դեպքում մենք բոլորս սրբեր կլինեինք: Կյանքը նկատի չի ունեցել մեզ կատարյալ դարձնել: Նա, ով կատարյալ է՝ իր տեղը թանգարանում է:

18. Խիղճը սովորաբար տանջում է նրանց, ովքեր մեղավոր չեն:

19. Սկզբունքները պետք է երբեմն խախտել, հակառակ դեպքում դրանցից ուրախություն չկա:

20. Ձեր մարդը նա չէ, ում համար «ձեզ հետ լավ է»: Հարյուրավոր մարդիկ կարող են լավ լինել ձեզ հետ: Ձերը՝ «առանց քեզ վատ է»:

21․ Ավելի լավ է մեռնել, երբ ուզում ես ապրել, քան ապրել այնպես, որ ցանկանաս մեռնել:

22. Ինչ էլ, որ պատահի՝ ոչինչ սրտին մոտ մի ընդունեք: Աշխարհում շատ քիչ բան կա, որ երկար ժամանակով կարևոր է լինում:

23. Չէ՞ որ ծիծաղելն ավելի լավ է, քան լացելը: Հատկապես եթե երկուսն էլ անօգուտ են:

24. Եթե ​​ուզում եք, որ մարդիկ ոչինչ չնկատեն, պետք չէ զգուշություն ցուցաբերել:

25. Կանանց պետք չէ որևէ բան բացատրել, նրանց հետ միշտ պետք է գործել:

26. Մի բան հիշիր, տղա՛, երբեք, երբեք և երբեք կնոջ աչքերում ծիծաղելի չես լինի, եթե հանուն նրա ինչ-որ բան անես:

27. Ինձ թվում էր, որ կինը չպետք է տղամարդուն ասի, որ սիրում է նրան: Այդ մասին թող խոսեն նրա փայլող, երջանիկ աչքերը: Դրանք ավելի պերճախոս են, քան ցանկացած բառ:

28. Կանանց պետք է կամ աստվածացնել, կամ թողնել: Մնացած ամեն ինչ սուտ է:

29. Որքան պարզունակ է մարդը, այնքան բարձր կարծիք ունի նա իր մասին:

30. -Դեռ ոչինչ կորած չէ, – կրկնում էի ես: – Մարդուն կորցնում ես միայն այն ժամանակ, երբ նա մահանում է:

31. Փողը երջանկություն չի բերում, բայց չափազանց հանգստացնող ազդեցություն ունի:

32. Ամենաթեթև բնավորությունն ունեն ցինիկները, ամենաանտանելին՝ իդեալիստները: Սա տարօրինակ չե՞ք համարում:

33. Ոչ ոք չի կարող առավել օտար լինել, քան նա ում նախկինում սիրել ենք:

34. Եթե ​​կինն ուրիշին է պատկանում՝ նա հինգ անգամ ավելի ցանկալի է, քան նա, ում կարելի է ստանալ՝ հին կանոն:

35. Սխալ է ենթադրել, որ բոլոր մարդիկ զգալու նույն ունակությունն ունեն:

36. Սերը չի հանդուրժում բացատրություններ: Նրան պետք են գործողություններ:

telegramԳրանցվիր մեր Telegram ալիքին։ Ուղարկում ենք միայն պոպուլյար հոդվածները և օրը միայն մեկ անգամ:

viberԳրանցվիր մեր Viber ալիքին։ Եվ ստացիր միայն թարմ հոդվածները անմիջապես քո մեսենջերին։

կարդացեք նաև

Դժվարին ԹԵՍՏ, որը կարող են հաղթահարել միայն համաշխարհային աշխարհագրության իսկական պրոֆեսիոնալները

Մտածիր, արդյո՞ք կհերիքի գիտելիքներդ, որպեսզի հաղթահարես մեր աշխարհագրության այս բարդ թեստը: Ոչ բոլորին է հաջողվում անցնել այն բարձր պահած գլխով: Վերջում չմոռանաք սոցիալական ցանցերում արդյունքներով...

Կնոջ գեղեցկության պահպանման 9 գաղտնիք, որոնք կիրառում են հայտնիները

Երբևէ մտածե՞լ եք, թե ինչպես են հայտնիները միշտ ցնցող տեսք ունենում՝ չնայած տարիքին կամ դժվարություններին: Եկեք խոստովանենք, որ մի փոքր նախանձում ենք նրանց: Այնուամենայնիվ, արդյունավետ...

ԹԵՍՏ․ Ճի՞շտ է, թե՞ սուտ: Ստուգեք, թե որքա՞ն հեշտ է Ձեզ խաբել

Մեր հսկա աշխարհում այնքան փաստեր և հորինվածքներ կան: Շատ դժվար է հստակ իմանալ այն, ինչ ինքդ չես կարող ստուգել, ժամանակը գնում է և ամեն...

Առողջ և անառողջ ամուսնական հարաբերությունների 9 բնութագրերն ըստ Քեթի Մեյերի

Մենք բոլորս մեր շրջապատում ունենք այնպիսի զույգեր, որոնց հարաբերություններն անթերի են թվում: Նրանք երբեք չեն վիճում, մշտապես կա միմյանց հանդեպ սիրո և աջակցության ցուցադրություն,...

ԹԵՍՏ Հայոց լեզվից և գրականությունից: Կկարողանա՞ք անցնել այն

Ներկայացնում ենք մեր նոր և հետաքրքիր թեստը, որում տեղ են գտել հարցեր Հայոց լեզվից և գրականությունից: Ի՞նչ եք կարծում, կկարողանա՞ք անսխալ անցնել այն: Վերջում չմոռանաք...