fbpx
Գլխավոր ՇՓՈՒՄ ԳԵՂԵՑԻԿԻ ՀԵՏ ՀԱՆՐԱՃԱՆԱՉ ՄԱՐԴԻԿ Րաֆֆի «Խենթը», մեջբերումներ գրքից: ՄԱՍ 3

Րաֆֆի «Խենթը», մեջբերումներ գրքից: ՄԱՍ 3

Ձեզ ենք ներկայացնում ևս մի քանի խորիմաստ մեջբերումներ Րաֆֆու «Խենթ»-ից, որոնք Ձեզ մտորելու առիթ կտան։

Ազատասիրության հայրը բռնությունն է, իսկ մայրը` անիրավությունը, բռնակալը ինքն է պատրաստում իր համար թշնամիներ…

Պետք է փառք տալ Աստծուն, երբ վնասը հասնում է մարդու ապրանքին և ոչ կյանքին:

Լինում են րոպեններ, երբ մարդը թշվառության, վտանգի և դառը պատահմունքների ամենասաստիկ հարվածների տակ ավելի քաջանում է, ավելի տոկուն, անխորտակելի սիրտ է ստանում և ավելի հանգստանում է: Նա սկսում է այնուհետև արհամարհել չար բախտի հարվածները, երբ նրանք հասնում են մի հայտնի աստիճանի, որից ավելին սպասել չէր կարելի:

Ինչու թողնել ընդհանուրը և մասնավորի ետևից ընկնել…

Ուր կտեսնեք Հայրենիքը և ազգը օտարի ձեռքը մատնելը՝ այնտեղ խառն է եղել հայի մատը: Ուր կտեսնեք հայ թագավորի գահընկեցությունը և նրա գավազանը օտարի ձեռքը հանձնելը ՝ այնտեղ խառն է եղել հայի մատը: Ուր կտեսնեք հայ թագավորի դեպի աքսոր մատնություն և նրա մայրաքաղաքի դռները թշնամու առջև բաց անելը՝ այնտեղ խառն է եղել հայի մատը: Ուր կտեսնեք հայրենի հողը հայի արյունով ներկված, նրա բնակությունները կրակով ոչնչացրած և նրա զավակները գերի տարված՝ այնտեղ խառն է եղել հայի մատը: Որ կտեսնեք կրոնի, ազգության և սուրբ եկեղեցու դավաճանություն՝ այնտեղ խառն է եղել հայի մատը: Մի խոսքով ամեն թշվառությունների մեջ, ամեն հալածանքների մեջ, և մեր թշնամիներից կրած ամեն տեսակ եղեռնագործությունների և բարբարոսությունների մեջ միշտ գործել է հայի տապարը:

Ամբոխը ուրիշ բան է, ամբոխի մեջ միտքը սպանել անհնարին է:

Երբ մարդիկ կդադարեն չար լինելուց, երբ խաղաղությունը և եղբայրասիրությունը կթագավորեն աշխարհի վրա, ես պատրաստ եմ լինել ամենաբարին և համբուրվել իմ թշնամիների հետ…

Երբ Աստված պատուհաս է ուղարկում մարդկանց պատժելու համար, արդար երեխային մեղավոր ծերի հետ գերեզման է տանում, չարն ու բարի խառնվում են միմյանց հետ:

Ամբողջ տիեզերքի մեջ չկա մի բան, որ այնպես խոնարհեցներ մարդկանց, որպես սերը: Մարդկության ամենասարսափելի հրեշները, որ դղրդում են աշխարհները, որ ներկում են արյունով երկիրները, որ ահուդողի մեջ են պահում ազգերը՝ խոնարհվում են, ծունկ են չոքում սիրած կնոջ առջև. այստեղ միայն նրանք մարդ են և հանդիսանում են մարդկային բոլոր թերություններով:

Դևը, երբ սիրում է հրեշտակ է դառնում:

Փոթորկալից և խավար գիշերին հաջորդում է լուսապայծառ առավոտը, կգա մի օր, որ դու կրկին կգտնես քո ուրախությունը:

Արդարությունը ծիծեռնակի կաթ է դարձել, ոչ մի տեղ չես գտնի:

Գինին ավելի է բորբոքում այրված սրտի տանջանքը, որպես յուղ, որ ածվում է բոցավառ սրտի վրա:

Պատերազմը միշտ կորստաբեր հետևանքներ է ունենում մեր երկրի համար, թեև նա ունենում է իր առանձին օգուտները…

Հրապարակման ներկայացրեց՝ էլ Սմբաթյանը

[infobox title=’Ուշադրություն’]Դուք նույնպես կարող եք հրապարակել Ձեր նյութը Mediamag.am-ում։ Նյութը հրապարակելու համար սեղմեք ներքևի կոճակը. [/infobox]

Հրապարակիր քո նյութը

կարդացեք նաև

Դժվարին ԹԵՍՏ, որը կարող են հաղթահարել միայն համաշխարհային աշխարհագրության իսկական պրոֆեսիոնալները

Մտածիր, արդյո՞ք կհերիքի գիտելիքներդ, որպեսզի հաղթահարես մեր աշխարհագրության այս բարդ թեստը: Ոչ բոլորին է հաջողվում անցնել այն բարձր պահած գլխով: Վերջում չմոռանաք սոցիալական ցանցերում արդյունքներով...

Կնոջ գեղեցկության պահպանման 9 գաղտնիք, որոնք կիրառում են հայտնիները

Երբևէ մտածե՞լ եք, թե ինչպես են հայտնիները միշտ ցնցող տեսք ունենում՝ չնայած տարիքին կամ դժվարություններին: Եկեք խոստովանենք, որ մի փոքր նախանձում ենք նրանց: Այնուամենայնիվ, արդյունավետ...

ԹԵՍՏ․ Ճի՞շտ է, թե՞ սուտ: Ստուգեք, թե որքա՞ն հեշտ է Ձեզ խաբել

Մեր հսկա աշխարհում այնքան փաստեր և հորինվածքներ կան: Շատ դժվար է հստակ իմանալ այն, ինչ ինքդ չես կարող ստուգել, ժամանակը գնում է և ամեն...

Առողջ և անառողջ ամուսնական հարաբերությունների 9 բնութագրերն ըստ Քեթի Մեյերի

Մենք բոլորս մեր շրջապատում ունենք այնպիսի զույգեր, որոնց հարաբերություններն անթերի են թվում: Նրանք երբեք չեն վիճում, մշտապես կա միմյանց հանդեպ սիրո և աջակցության ցուցադրություն,...

ԹԵՍՏ Հայոց լեզվից և գրականությունից: Կկարողանա՞ք անցնել այն

Ներկայացնում ենք մեր նոր և հետաքրքիր թեստը, որում տեղ են գտել հարցեր Հայոց լեզվից և գրականությունից: Ի՞նչ եք կարծում, կկարողանա՞ք անսխալ անցնել այն: Վերջում չմոռանաք...