Քրքումն այն չգնահատված համեմունքներից է, որն ավելի մեծ ուշադրության է արժանի, և ոչ միայն իր համի և ճաշատեսակների վառ գույնի համար։ Ըստ HealthDigest- ի՝ համաձայն որոշ տվյալների, քրքումը կարող է նպաստել հոգեկան բարեկեցությանը:

Չմոռանաք բաժանորդագրվել մեր Telegram ալիքին:

Քրքումի տրամադրությունը բարձրացնող ներուժի գաղտնիքը նրա ակտիվ միացության՝ կուրկումինի մեջ է, որն ունի հակաբորբոքային հատկություններ: Ինչպես պատմում է դիպլոմավորված դիետոլոգ Քորթնի Պելիտերամը՝ կուրկումինը պոտենցիալ օգտակար է դեպրեսիայի բուժման համար:

«Ենթադրվում է, որ կուրկումին հավելումը կարող է օգնել բարձրացնել ուղեղի նեյրոտրոֆիկ գործոնը (BDNF): BDNF-ի ցածր մակարդակը կապված է դեպրեսիայի, երկբևեռ խանգարման և անհանգստության խանգարումների հետ», – բացատրում է նա:

Բացի այդ, կան ուսումնասիրություններ, որոնք ցույց են տալիս, որ BDNF-ի ավելացումը կարող է նվազեցնել անհանգստության խանգարումների ախտանիշները:

Այսպիսով, 2023-ի Pharmaceutics-ի հետազոտությունը ընդունում է BDNF-ի բարձրացված կատարողականի և տրամադրության խանգարումների բարելավման միջև կապի հնարավորությունը: Միևնույն ժամանակ, 2020 թվականին «Frontiers in Cellular Neuroscience» գիտական ամսագրում հրապարակված հոդվածում հետազոտողները պարզել են, որ BDNF-ի ազդանշանային կարողությունների ուժեղացումը կարող է նվազեցնել դեպրեսիվ ռեակցիաները:

Միևնույն ժամանակ, սա միայն ապացուցում է, որ BDNF մակարդակը կարող է սիմբիոտիկ կապ ունենալ դեպրեսիայի հետ, բայց չի ապացուցում, որ կուրկումինը կարող է խթանել BDNF-ը:

Միևնույն ժամանակ, կուրկումինը խոստումնալից արդյունքներ է ցույց տվել այլ հետազոտություններում՝ որպես դեպրեսիայի բուժման միջոց: Այսպիսով, «Frontiers in Psychiatry»-ում 2020 թվականի հրապարակված գիտական հոտվածում հեղինակները հետազոտել են ապացույցները, որոնք հաստատում են կուրկումինի օգտագործումը խոշոր դեպրեսիվ խանգարումների (MDD) բուժման համար: Նրանք որոշել են, որ կուրկումինը կարող է խոստումնալից այլընտրանք լինել MDD-ի բուժման այլ տեսակների համար, թեև առաջարկվել է ավելի շատ հետազոտություններ կատարել:

Կարդացեք նաև՝ Գլխավորը, որ պետք է իմանալ քրքումի մասին

Այնուամենայնիվ, կուրկումինն ունի մի թերություն՝ այն արագ նյութափոխանակվում է։ Սակայն, հետազոտողները նշում են, որ դուք կարող եք համատեղել կուրկումինով հարուստ մթերքները այլ բաղադրիչների հետ՝ յուրացումը բարելավելու համար: Այդպիսի համադրություն է քրքումն ու սև պղպեղը: Մասնավորապես, Cancer Research and Treatment-ում 2014 թվականին հրապարակված գիտական հոդվածում նշվում է, որ անցկացված ուսումնասիրությունները ցույց են տվել, որ պիպերինը (սև պղպեղից) մարդկանց մոտ 2000%-ով ավելացնում է կուրկումինի կենսամատչելիությունը մեկ ժամվա ընթացքում երկու բաղադրիչներն օգտագործելուց հետո: